… कदाचित त्यांची रात्रीची उतरली नसेल! फडणवीसांचे शिवसेनेचे ‘तळीराम’ आमदार गायकवाडांना सडेतोड उत्तर

By, Pravin Wankhade - April 19, 2021 07:57:34

0

वृत्तसंस्था

नागपूर : ‘कोरोनाचे जंतू सापडले असते, तर देवेंद्र फडणवीस यांच्या तोंडात कोंबले असते’ असं वादग्रस्त विधान करणाऱ्या शिवसेनेचे आमदार संजय गायकवाड यांना अखेर भाजपचे विरोधीपक्षनेते देवेंद्र फडणवीस यांनी सडेतोड उत्तर दिले आहे. ‘गायकवाड यांची रात्रीची उतरली नसेल म्हणून ते तसे बोलले असतील’, असा टोला फडणवीसांनी लगावला आहे. Fadnavis’s slpa answer to Gaikwad

संजय गायकवाड यांनी केलेल्या विधानावर पत्रकारांनी देवेंद्र फडणवीस यांची प्रतिक्रिया विचारली असता त्यांनी आपल्या शैलीत हे उत्तर दिले.

”कोरोनाचे जंतू सापडले असते तर मी देवेंद्र फडणवीसांच्या तोडांत कोंबले असते ,” शिवसेनेचे आमदार संजय गायकवाड यांचे वादग्रस्त वक्तव्य

फडणवीस म्हणाले, ‘कसं आहे, संजय गायकवाड यांची रात्रीची उतरली नसेल. त्यामुळे त्यांनी सकाळी सकाळी पत्रकार परिषद घेतली असावी. त्यांना माझ्या तोंडात कोरोना विषाणू टाकायचे असेल तर त्यांनी नीट मास्क व हॅन्डग्लोस घालावेत. कारण रात्रीची घेणाऱ्यांसाठी कोरोना विषाणू अधिक घातक असतो.

बुलडाण्यात भाजप-शिवसैनिक भिडले

शिवसैनिकांचा आरोप आहे की, भाजपाचे पदाधिकारी आमदार गायकवाड यांचा पुतळा जाळण्यासाठी आले होते. तेव्हा धर्मवीर आखाड्याचे अध्यक्ष तथा आमदारपुत्र कुणाल गायकवाड यांनी भाजपला रोखण्याचा प्रयत्न केला. यात दोन्ही गटात पकडापकडी झाली. नेते विजयराज शिंदे यांना खाली पाडून मारहाण केल्याचा आरोप भाजप करीत आहे.
पोलिसांनी दोन्ही गटाना वेगळे केले.