अहमदनगरमध्ये दोन गटांत हाणामारी, वाहनांचे नुकसान; 4 जण जखमी, 19 जणांना अटक

By, Pravin Wankhade - April 6, 2023 09:00:48

0

प्रतिनिधी

अहमदनगर : जिल्ह्यात दोन गटांत झालेल्या हाणामारीत चार जण जखमी झाले आहेत. पोलिसांनी बुधवारी सांगितले की, हिंसक घटनेत सहभागी लोकांनी काही वाहनांचे नुकसान केले आणि दगडफेक केली. अहमदनगर-संभाजीनगर रस्त्यावरील वारूळवाडीजवळील गजराज नगर येथे मंगळवारी सायंकाळी उशिरा घडलेल्या या घटनेप्रकरणी दोन गुन्हे दाखल करण्यात आले असून 19 जणांना अटक करण्यात आल्याचे पोलिसांनी सांगितले.Clash between two groups in Ahmednagar, four injured, 19 arrested

मोठा पोलिस बंदोबस्त तैनात

या घटनेनंतर कोणताही अनुचित प्रकार घडू नये म्हणून अहमदनगरच्या विविध भागांत मोठा पोलीस बंदोबस्त तैनात करण्यात आला आहे. पोलिसांनी दिलेल्या माहितीनुसार, दोन्ही गटांनी एकमेकांविरुद्ध तक्रारी दिल्या आहेत, ज्याच्या आधारे दोन प्रथम माहिती अहवाल (एफआयआर) नोंदवण्यात आले आहेत. अहमदनगर एमआयडीसी पोलिस स्टेशनच्या एका अधिकाऱ्याने सांगितले की, “गजराज नगर परिसरातील एका मशिदीजवळून जात असलेल्या एका गटातील तरुणाला दुसऱ्या गटातील सदस्यांनी मारहाण केल्याने दोन गटांमध्ये हाणामारी झाली.”

अहमदनगरमध्ये बोअरवेलमध्ये पडून मुलाचा मृत्यू : खेळता-खेळता 15 फूट खाली पडला 5 वर्षीय मुलगा; उपचारादरम्यान मृत्यू

वाहने पेटवली

“चकमकीत एक दुचाकी जाळण्यात आली आणि चारचाकी वाहनासह इतर काही वाहनांचे नुकसान झाले,” ते म्हणाले, चकमकीदरम्यान दगडफेकही झाली. यावेळी चार जण जखमी झाल्याचे त्यांनी सांगितले. आणखी एका पोलिस अधिकाऱ्याने सांगितले की, सोशल मीडिया प्लॅटफॉर्मवरील ‘स्टेटस’वरून दोन गटांमध्ये हाणामारी झाली होती.

काय म्हणाले पोलिस?

दंगलीशी संबंधित भारतीय दंड संहितेच्या (आयपीसी) संबंधित कलमांतर्गत नोंदवण्यात आलेल्या दोन गुन्ह्यांमध्ये आतापर्यंत एकूण 19 जणांना अटक करण्यात आली आहे, पोलीस अधीक्षक राकेश ओला यांनी ही माहिती दिली. लोकांनी अफवांवर विश्वास ठेवू नये, असे आवाहनही त्यांनी केले.