मोठी बातमी! इंद्रायणी नदीवरील पूल कोसळला, ३० जण बुडाल्याची भीती

By, Pravin Wankhade - June 15, 2025 06:13:08

0

घटनास्थळी एनडीआरफच्या तुकड्या दाखल, युद्धपातळीवर बचावकार्य सुरू

विशेष प्रतिनिधी

पुणे – चिंचवड भागात आज (१५ जून) संध्याकाळी एक मोठी दुर्घटना घडली. इंद्रायणी नदीवरील पूल नदीत कोसळला, ज्यामुळे अनेकजण वाहून गेले आहेत. पूलाचा अर्धा भाग तुटून पडला आहे. पूल कोसळला तेव्हा पुलावर अनेक लोक उपस्थित होते. अशा परिस्थितीत सुमारे २५ ते ३० लोक नदीत वाहून गेल्याची भीती व्यक्त केली जात आहे.

मावळ येथील कुंडमळा येथे हा पूल कोसळल्याचे समोर आले आहे. ही घटना दुपारी ३.४० वाजेच्या सुमारास घडल्याचे सांगण्यात येत आहे. पुलाच्या खाली पडलेल्या भागात दगडही होते. दगडांवर पडलेल्यांना अनेक पर्यटकांना गंभीर दुखापत झाली आहे. त्याच वेळी, नदीच्या प्रवाहात अनेक लोक वाहून गेले आहेत. पिंपरी-चिंचवड पोलिस आयुक्तालयातील तळेगाव दाभाडे पोलिस घटनास्थळी पोहोचले आहेत.

ठाकरे ब्रँड कुणी मोडू नाही शकत हे खरं, पण राज ठाकरे इतरांना त्या ब्रँडशी खेळू का देतायेत??

रविवार असल्याने तिथे मोठ्या संख्येने पर्यटक उपस्थित होते. काही लोक पुलावर उभे होते आणि त्यांचे फोटो काढत होते. किती लोक बुडाले हे अद्याप स्पष्ट झालेले नाही. प्राथमिक माहितीनुसार, सुमारे २० ते २५ लोक बुडाले आहेत. घटनास्थळी सुमारे आसपास जवळपास २०० पर्यटक उपस्थित होते. अपघातानंतर, बचाव कार्यात कोणतीही अडचण येऊ नये म्हणून सर्वांना घटनास्थळावरून बाहेर करण्यात आले आहे.

पुणे जिल्ह्यातील तळेगावनजीक इंदोरी येथे इंद्रायणी नदीवरील एक पूल कोसळून झालेल्या दुर्घटनेचे वृत्त ऐकुन अतिशय दुःख झाले.
या घटनेत प्राथमिक माहितीनुसार 2 लोकांचा मृत्यू झाला आहे. मी त्यांना भावपूर्ण श्रद्धांजली अर्पण करतो. त्यांच्या कुटुंबियांच्या दुःखात आम्ही सहभागी आहोत.
या…

— Devendra Fadnavis (@Dev_Fadnavis) June 15, 2025

सुट्टी साजरी करण्यासाठी अनेक मुलेही त्यांच्या कुटुंबासह या पुलावर पोहोचली होती. येथे एक मंदिर देखील आहे, जिथे मोठ्या संख्येने लोक दर्शनासाठी येतात. सध्या एनडीआरएफच्या दोन तुकड्या घटनास्थळी पोहोचल्या आहेत आणि बचाव कार्यात गुंतल्या आहेत. असे सांगितले जात आहे की काही लोक जीर्ण झालेल्या या पुलावर दुचाकी घेऊन पोहोचले होते. पूल जास्त वजन सहन करू शकला नाही आणि तो कोसळला.

मावळ तालुक्यातील कुंडमळा येथे इंद्रायणी नदीवरील पूल कोसळून झालेली दुर्घटना अतिशय दुर्दैवी आणि वेदनादायी आहे. या दुर्घटनेत काही नागरिक व पर्यटक नदीच्या प्रवाहात वाहून गेल्याची प्राथमिक माहिती आहे. दुर्घटनेची माहिती मिळताच स्थानिक नागरिक, स्थानिक प्रशासनाने तात्काळ दुर्घटनास्थळी…

— Ajit Pawar (@AjitPawarSpeaks) June 15, 2025