भाजपने मनसेला सोबत घेऊ नये, परप्रांतीयांच्या मुद्यामुळे नुकसान होईल, रामदास आठवले यांचा इशारा

By, Sachin Deshmukh - October 20, 2021 06:24:11

0

विशेष प्रतिनिधी

पुणे :रिपब्लिकन पक्ष असताना भारतीय जनता पक्षाने राज ठाकरे यांच्या नादी लागू नये. भाजपाला मनसेमुळे नुकसान होऊ शकते, असे मत केंद्रीय सामाजिक न्याय राज्यमंत्री रामदास आठवले यांनी व्यक्त केले.BJP should not take MNS with it, it will be harmed due to the issue of marathi, warns Ramdas Athavale

पुण्यात पत्रकार परिषदेत बोलताना आठवले यांनी आरपीआयला पुण्यात महापौर पद आणि मुंबईत उपमहापौर पद मिळावं, अशी मागणी केली. ते म्हणाले, भाजपला आरपीआय असताना मनसेची गरज नाही. मनसेमुळे भाजपाचं नुकसान होऊ शकतं. त्यांचा परप्रांतीय मुद्दा बघून भाजपाने राज ठाकरे यांच्या नादी लागू नये.

केंद्रावर आरोप करण्यापेक्षा मंत्र्यांनी जनतेकडे लक्ष द्यावे, रामदास आठवले यांचा सल्ला

आम्ही भाजपाचा नाद सोडला, तर ते आमचा नाद सोडणार नाही. राज्यातील महापालिका निवडणुकीत आमचा पक्ष भाजपासोबत राहणार आहे. पुण्यात महापौर पद मिळालं पाहिजे. तसेच मुंबईमध्ये उपमहापौर मिळाले पाहिजे. पुण्यात 15 ते 20, तर मुबंईमध्ये 30 ते 35 जागा मिळाल्या पाहिजेत.