लालबागच्या राजाला तब्बल 5.1 कोटींचे दान : 3 किलो सोने, 40 किलो चांदी, 3.35 कोटींची रोख रक्कम अर्पण|5.1 Crores Donation to Raja of Lalbagh 3 Kg Gold, 40 Kg Silver, 3.35 Crores in Cash

लालबागच्या राजाला तब्बल 5.1 कोटींचे दान : 3 किलो सोने, 40 किलो चांदी, 3.35 कोटींची रोख रक्कम अर्पण

प्रतिनिधी

मुंबई : लालबागचा राजा, जीएसबी या मुंबईतील तर पुण्यातील श्रीमंत दगडूशेठ हलवाई, कसबा गणपती, गुरुजी तालीम या गणपतींच्या दर्शनासाठी यंदा मोठ्या संख्येने भाविकांनी गर्दी केली होती. या वेळी दानपेटीत 5 ते 10 कोटींचे विक्रमी दान पडल्याचा अंदाज मंडळांच्या पदाधिकाऱ्यांकडून व्यक्त करण्यात येत आहे. लालबागच्या राजाच्या दानपेटीत पहिल्या चार दिवसांतच दीड कोटी दान जमा झाले होते.5.1 Crores Donation to Raja of Lalbagh 3 Kg Gold, 40 Kg Silver, 3.35 Crores in Cash

कोरोनापूर्व काळात लालबागच्या राजाच्या दानपेटीत १० दिवसांत ७ कोटी, तर दगडूशेठ हलवाई गणपतीच्या दानपेटीत ३ कोटी रुपयांचे दान संकलित होत असे.

लालबागच्या राजाच्या प्रतिष्ठापनेस विलंब; गर्दी झाल्यास पुन्हा १४४ कलम लावण्याची पोलिसांची धमकी

लालबागच्या राजाच्या दानपेटीत यंदा मंगळवारपर्यंत ३ किलो सोने, ४० किलो चांदी आणि ३.३५ कोटी रोकड अशी एकूण ५.१ कोटींचे दान जमा झाले होते. दहा दिवसांत हा आकडा १० कोटींच्या घरात गेल्याची शक्यता आहे. २०१८ मध्ये राजाच्या दानपेटीत ८ कोटींचे दान पडले होते. त्यात साडेपाच किलो सोने, ७५ किलो चांदी होती. यंदा पहिल्या ४ दिवसांतच एवढे दान जमा झाले आहे.

यापूर्वी २००८ मध्ये लालबागच्या राजाच्या ७५ व्या वर्धापनदिनी सर्वाधिक म्हणजे ११.५ कोटींचे दान आले होते. यंदा हा आकडाही पुढे जाण्याची शक्यता आहे. निर्बंध हटल्यानंतरचा भक्तांच्या उत्साहाचा व भक्तीचा महापूर बघता गणेश मंंडळांच्या दानपेटीतील भक्तांचे दान व देणग्याही यंदा विक्रमी उंची गाठण्याचा अंदाज व्यक्त करण्यात येत आहे. लालबागच्या राजाचे दर्शन घेण्यासाठी यंदा राजकीय नेते, अभिनेते यांनीही मोठी गर्दी केली होती.