India is Great! हिंद महासागरात बुडाले चिनी जहाज, बचाव व शोधकार्यासाठी भारतीय नौदलही सरसावले India is Great Chinese ship stuck in Indian Ocean Indian navy help for rescue and research

India is Great! हिंद महासागरात बुडाले चिनी जहाज, बचाव व शोधकार्यासाठी भारतीय नौदलही सरसावले

बुडालेल्या चिनी जहाजाच्या क्रू मेंबर्समध्ये चीन, इंडोनेशिया आणि फिलिपाइन्सच्या नागरिकांचा समावेश आहे.

विशेष प्रतिनिधी

नवी दिल्ली : भारतीय नौदलाने हिंद महासागरात 38 क्रू सदस्यांसह बुडालेल्या चिनी जहाजाचा शोध आणि बचाव कार्यात मदत करण्यासाठी आपले एक P-81 सागरी गस्ती विमान तैनात केले आहे. नौदलाने सांगितले की बुधवारी (17 मे) खराब हवामान असूनही, पी-81 विमानाने सखोल शोध मोहीम राबवली आणि बुडलेल्या जहाजाशी संबंधित अनेक वस्तू शोधून काढल्या. India is Great Chinese ship stuck in Indian Ocean Indian navy help for rescue and research

नौदलाने सांगितले की, 17 मे रोजी, चीनी मासेमारी जहाज लु पेंग युआन 028 बुडाल्याची बातमी मिळाल्यानंतर, भारतीय नौदलाने तत्काळ कारवाई केली आणि सुमारे 900 समुद्री मैल दूर दक्षिण हिंद महासागर क्षेत्रात आपले गस्ती विमान तैनात केले. बुडालेल्या चिनी जहाजाच्या क्रू मेंबर्समध्ये चीन, इंडोनेशिया आणि फिलिपाइन्सच्या नागरिकांचा समावेश आहे.

भारतीय नौदलाने सांगितले की पीएलए (नेव्ही) च्या विनंतीला त्वरित प्रतिसाद म्हणून भारतीय नौदलाने घटनास्थळी शोध आणि बचाव उपकरणे तैनात केली. भारतीय नौदलाच्या तुकड्यांनी या प्रदेशातील इतर तुकड्यांसोबत शोध आणि बचाव कार्यात समन्वय साधला आणि PLA नौदलाच्या युद्धनौकांना घटनास्थळावर मार्गदर्शन केले, समुद्रात सुरक्षा सुनिश्चित करण्यासाठी एक विश्वासू आणि जबाबदार भागीदार म्हणून भारताची जबाबदारी पार पाडली.

In a swift humanitarian action on 17 May #IndianNavy deployed its Air MR assets in the Southern IOR approx 900 Nm from India, in response to sinking of a #Chinese Fishing Vessel Lu Peng Yuan Yu 028 with 39 crew onboard. The crew incl nationals from China, Indonesia & Philippines pic.twitter.com/gbcbh8DlSc

— SpokespersonNavy (@indiannavy) May 18, 2023

पूर्व लडाखमधील सीमेवर चीनसोबत सुरू असतानाही कोंडीत भारतीय नौदलाने चीनला मदत केली आहे. नौदलाने सांगितले की, भारतीय नौदल शोध आणि बचाव कार्यात शक्य ती सर्व मदत पुरवण्यासाठी तैनात आहे. शोध आणि बचाव कार्यात ऑस्ट्रेलियानेही मदत केली आहे. चीनच्या परराष्ट्र मंत्रालयाच्या प्रवक्त्याने बीजिंगमध्ये सांगितले की, आम्हाला आशा आहे की शेजारी देश चीनसोबत संयुक्त शोध आणि बचाव कार्य सुरू ठेवतील आणि जीव वाचवण्याची आशा सोडणार नाहीत.