गुलाबी मीनाकारी बुद्धिबळाचा पट, जहाज आणि चंदनाचा बुद्ध ; पंतप्रधान नरेंद्र मोदी यांच्याकडून राष्ट्रप्रमुखांना अनोख्या भेटवस्तू

वृत्तसंस्था

वॉशिंग्टन : अमेरिकेच्या दौऱ्यावर आलेले पंतप्रधान नरेंद्र मोदी यांनी अमेरिकेच्या उपराष्ट्रपती कमला हॅरिस, ऑस्ट्रेलियाचे पंतप्रधान स्कॉट मॉरिसन आणि जपानचे पंतप्रधान योशीहिडे सुगा यांना भारतीय वस्तू भेट दिल्या. या माध्यमातून त्यांनी ‘वसुधैव कुटुंबकम्’ भारत मानत असल्याचे सिद्ध केले आहे.From Gulabi Meenakari ship to sandalwood Buddha – Unique gifts from PM Modi to US-Australia-Japan

पंतप्रधान परदेश दौऱ्यावर जाताना त्या त्या देशांच्या प्रमुखांना काही ना काही भेटवस्तू देतात. त्यातून भारतीय कला, संस्कृतीची ओळख ते जगाला करून देत आले आहेत. जे जे तुमच्या देशात आहे. ते ते भारतात असून त्याचा उगम भारतातच झाला असून ते तुमच्या पर्यंत पोचले आहे, असा हा संदेश यातून दिला जात आहे.



कमला हॅरिस यांना त्यांचे आजोबा पीव्ही गोपालन यांच्याशी संबंधित जुन्या सूचनांची प्रत – लाकडी हस्तकलेच्या चौकटीत भेट दिली. गोपालन हे भारतातील विविध पदांवर सेवा करणारे एक वरिष्ठ आणि आदरणीय सरकारी अधिकारी होते. तसेच गुलाबी मीनाकारी बुद्धिबळ संचही भेट दिला. गुलाबी मीनाकारीची उत्कृष्ट कला जगातील सर्वात जुन्या शहरांपैकी एक आणि पंतप्रधान मोदींचा लोकसभा मतदारसंघ असलेल्या काशीशी संबंधित आहे.

बुद्धिबळ संचातील प्रत्येक सोंगटी उल्लेखनीय हस्तकलेचा नमुना आहे. ज्यामध्ये चमकदार रंग काशीचे चैतन्य प्रतिबिंबित करतात.ऑस्ट्रेलियाचे पंतप्रधान स्कॉट मॉरिसन यांना चांदीचे गुलाबी मीनाकारी जहाज भेट देण्यात आले. काशीची चिरंतन गतिशीलता प्रतिबिंब असलेले हे जहाज देखील चमकदार रंगांचे हस्तनिर्मित आहे.

 

जपानचे पंतप्रधान सुगा यांना चंदनाची बुद्ध मूर्ती भेट देण्यात आली. भारत आणि जपानला यांना एकत्र आणण्यात बौद्ध धर्म महत्त्वपूर्ण भूमिका बजावतो. जपानमध्ये भगवान बुद्धांचे विचार आणि आदर्श स्वीकारले गेले आहेत.

From Gulabi Meenakari ship to sandalwood Buddha – Unique gifts from PM Modi to US-Australia-Japan