वृत्तसंस्था
वॉशिंग्टन डीसी : Donald Trump अमेरिका आणि इराण रविवारी शस्त्रसंधी, म्हणजेच सीझफायर करारापर्यंत पोहोचले. अमेरिकन राष्ट्राध्यक्ष ट्रम्प यांनी सोशल मीडियावर लिहिले की, इराणसोबतचा करार आता पूर्ण झाला आहे. तर इराणने निवेदन जारी करून सांगितले की, अमेरिकेसोबत अनेक महिने चाललेल्या प्रदिर्घ व कठीण वाटाघाटीनंतर दोन्ही देशांनी एका सामंजस्य कराराला, म्हणजेच एमओयूला अंतिम रूप दिले आहे.Donald Trump
ट्रम्प म्हणाले की, या करारानुसार होर्मुझची सामुद्रधुनी पुन्हा उघडली जाईल. त्यांनी असेही सांगितले की, त्यांनी इराणी बंदरांवर लावलेली अमेरिकेची नौदल नाकेबंदी तात्काळ हटवण्यास मंजुरी दिली आहे. ट्रम्प यांनी त्यांच्या पोस्टमध्ये लिहिले, “जगातील जहाजांनो, तुमची इंजिने चालू करा. तेल वाहू द्या.”Donald Trump
पाकिस्तानचे पंतप्रधान शहबाज शरीफ यांनी सांगितले की, दोन्ही देश 19 जून रोजी स्वित्झर्लंडची राजधानी जिनिव्हा येथे शांतता करारावर स्वाक्षरी करतील. असे झाले, तर तेहरान आणि वॉशिंग्टन यांच्यातील 47 वर्षांतील ही सर्वात उच्चस्तरीय बैठक असेल. तथापि, दोन्ही देशांमधील कराराचा संपूर्ण दस्तऐवज अद्याप जारी करण्यात आलेला नाही.
करारावर स्वाक्षरी करण्यापूर्वी इराणच्या तीन अटी
इराण आणि अमेरिका यांच्यातील कराराचा संपूर्ण मजकूर अद्याप जाहीर करण्यात आला नाही. मात्र, इराणी प्रसारमाध्यमांच्या वृत्तानुसार, दोन्ही देशांमधील सामंजस्य करारात (MoU) अनेक महत्त्वाच्या मुद्द्यांचा समावेश आहे.
यामध्ये युद्ध आणि लष्करी कारवाया थांबवणे, होर्मुझची सामुद्रधुनी (Strait of Hormuz) पुन्हा खुली करणे, अमेरिकेची नौदल नाकेबंदी उठवणे, इराणची गोठवलेली काही मालमत्ता (निधी) मुक्त करणे आणि अणुकार्यक्रम व निर्बंधांबाबत पुढील ६० दिवसांत वाटाघाटींसाठी एक आराखडा तयार करणे या गोष्टींचा समावेश आहे.
इराणचे उप-परराष्ट्र मंत्री काझेम घरीबाबादी यांनी स्पष्ट केले आहे की, सामंजस्य करारावर स्वाक्षरी झाल्यानंतर सुरू होणाऱ्या अमेरिका-इराण यांच्यातील ६० दिवसांच्या वाटाघाटी या, अमेरिका आधी तीन विशिष्ट आश्वासने पूर्ण करते की नाही, यावर अवलंबून असतील.
घरीबाबादी यांच्या मते, अमेरिकेने तीन पावले उचलणे आवश्यक आहे: १. नौदल नाकेबंदी संपवणे; २. युद्ध आणि सर्व लष्करी कारवाया थांबवणे; आणि ३. इराणची गोठवलेली मालमत्ता मुक्त करणे.
Historical US-Iran Ceasefire Reached; Donald Trump Signals Reopening of Strait of Hormuz
महत्वाच्या बातम्या
- मनोज जरांगे आले आणि रोहित पवारांनाच टोले हाणून गेले!!
- Pranit More : ‘माझ्यावरची टीका योग्यच’; वादानंतर प्रणित मोरेची जाहीर माफी, म्हणाला- ‘एक संधी द्या, स्वतःला बदलून दाखवेन’
- रोहित पवारांच्या अन्नत्याग आंदोलनाचा आज तिसरा दिवस; पण बॉडी लँग्वेज मध्ये ना थकावट, ना उत्साहात कमी!!
- Ram Mandir : राम मंदिरातील दानपेटी घोटाळ्याची SIT चौकशी; कर्मचाऱ्याला ताब्यात, शेणात लपवलेले 10 लाख रुपये जप्त