एच-४ व्हिसाधारकांसाठीच्या नियमात सुधारणा झाल्याने भारतीयांना मिळणार दिलासा

विशेष प्रतिनिधी

वॉशिंग्टन – अमेरिकेतील ज्यो बायडेन सरकारने व्हिसा नियमांमध्ये सुधारणा करण्याचा निर्णय घेतला आहे. यानुसार, एच-१ बी व्हिसाधारकांच्या पतीला किंवा पत्नीला अमेरिकेत नोकरी करण्याच्या त्यांच्या परवान्याला आपोआप मंजुरी मिळणार आहे. याचा अमेरिकेतील भारतीयांना मोठा फायदा होणे शक्य आहे.US Indians get relief regarding visa issue

एच ४ व्हिसाच्या आधारे नोकरी करणाऱ्यांना या व्हिसाचा कालावधी वाढवून घेण्यासाठी नियमित कालावधीने अर्ज करावा लागतो. अनेकदा अशा अर्जांना मंजुरी मिळण्यात विलंब होत असल्याने अनेकांना चांगल्या नोकऱ्या गमवाव्या लागल्या आहेत.

H-1B व्हिसाधारकांच्या जोडीदारासाठी खुशखबर! अमेरिका आता देणार ‘ऑटोमॅटिक वर्क ऑथोरायझेशन परमिट’, हा होणार फायदा

या प्रकाराविरोधात अमेरिकेतील स्थलांतरीतांसाठी काम करणाऱ्या एका संघटनेने न्यायालयात याचिका दाखल केली होती. न्यायालयाने या संघटनेच्या बाजूने निकाल दिला आहे.अमेरिकेत मोठ्या प्रमाणावर भारतीय तंत्रज्ञ आहेत.

विशेष कौशल्य असलेल्या व्यक्तींना अमेरिकेत नोकरी करण्याची परवानगी म्हणून दिला जणाऱ्या एच-१ बी व्हिसाचा फायदा घेत लाखो भारतीय अमेरिकेत रहात आहेत. अशा वेळी त्यांच्या पत्नी किंवा पतीलाही नोकरी करता यावी, यासाठी एच-४ व्हिसा दिला जातो. यासाठी त्यांना वेगळा अर्ज करावा लागतो. या अर्जाचे वारंवार नूतनीकरणही करावे लागते. ही प्रक्रिया आता सुलभ होणार असून नूतनीकरण आपोआप होणार आहे.