Israel : इस्रायलने इराणच्या “इस्फहान अणुऊर्जा केंद्रावर” केला मोठा हल्ला

By, Pravin Wankhade - June 21, 2025 07:00:33

0

आयआरजीसी प्रमुख सईद इजादी यांचाही मृत्यू झाला.

विशेष प्रतिनिधी

तेहरान- Israel इस्रायलने इराणच्या इस्फहान अणुऊर्जा केंद्र आणि क्षेपणास्त्र ठिकाणावर मोठा हल्ला केला आहे. यासोबतच, इस्रायली सुरक्षा दलांनी (आयडीएफ) इराणी रिवोल्यूशनरी गार्ड्सचे (आयआरजीसी) कुद्स फोर्समधील पॅलेस्टिनी विभागाचे प्रमुख सईद इजादी यांनाही ठार केलं आहे.Israel

इस्रायली सुरक्षा दलांनी म्हटले आहे की इराणी शहर कोममधील एका अपार्टमेंटवर इस्रायली हल्ल्यात इजादीला मारलं गेलं. इस्रायलचे संरक्षण मंत्री इस्रायल काट्झ यांनी याची पुष्टी केली आहे.

ठाकरे बंधू अजून एकत्र येईनात, तोच पवारांचा त्यांच्यात महाविकास आघाडीचा खोडा!!

इस्रायल काट्झ म्हणाले की इस्रायली गुप्तचर संस्था आणि हवाई दलासाठी ही एक मोठी कामगिरी आहे. मारल्या गेलेल्या इस्रायली लोकांसाठी आणि ओलिसांना हा न्याय आहे. इस्रायलचा लांब हात त्याच्या सर्व शत्रूंपर्यंत पोहोचेल.

काट्झ यांनी या वर्षाच्या सुरुवातीला एक गुप्तचर दस्तऐवज उघड केला होता, ज्यामध्ये असा दावा करण्यात आला होता की जून २०२१ मध्ये तत्कालीन हमास नेते याह्या सिनवार आणि मोहम्मद देईफ यांनी इराणच्या कुद्स फोर्सचे प्रमुख इस्माईल कानी यांना एक पत्र पाठवून इस्रायलवर हल्ला करण्याच्या योजनेसाठी पाठिंबा मागितला होता.

ही योजना अखेर ७ ऑक्टोबर २०२३ रोजी अंमलात आणण्यात आली. काट्झ म्हणाले, “या दस्तऐवजात, हमास नेते इस्रायलचा नाश करण्यासाठी इराणी कुद्स फोर्सच्या कमांडरकडून ५०० दशलक्ष डॉलर्सची मदत मागत आहेत.”