Trump Warns Iran : जी-7 देश इस्रायलसोबत, ट्रम्प म्हणाले- इराणी सुप्रीम कमांडर खामेनींचा ठावठिकाणा माहिती? पण सध्या मारणार नाही

By, Pravin Wankhade - June 18, 2025 04:00:43

0

वृत्तसंस्था

अल्बर्टा : Trump Warns Iran इराण आणि इस्रायलमधील युद्धादरम्यान अमेरिकेचे राष्ट्राध्यक्ष डोनाल्ड ट्रम्प यांनी इराणला कडक इशारा दिला.. ट्रम्प यांनी सोशल मीडियावर लिहिले आहे- आम्हाला माहिती आहे की इराणचा ‘सर्वोच्च नेता’ (खामेनी) कुठे लपला आहे. ते एक सोपे लक्ष्य आहे, पण ते सध्या तिथे सुरक्षित आहेत, कारण आम्ही सध्या मारणार नाही. अमेरिकेला नागरिक, सैनिकांवर क्षेपणास्त्रे डागायची नाहीत.Trump Warns Iran

अमेरिकेचा संयम आता संपत आहे. ट्रम्प यांचे हे विधान इराणला इशारा मानले जात आहे. परिस्थिती सुधारली नाही तर अमेरिका लष्करी कारवाई करू शकते. दुसऱ्या पोस्टमध्ये ट्रम्प यांनी त्यांची मागणी स्पष्ट केली – ‘बिनशर्त आत्मसमर्पण’. त्यांनी युरोपमध्ये ४० हून अधिक लढाऊ विमाने पाठवली आहेत. त्यामुळे संभाव्य हल्ल्याची अटकळ वाढली आहे. त्याच वेळी, जर्मनीच्या विरोधी पक्ष सीडीयूचे प्रमुख फ्रेडरिक मर्झ म्हणाले, इस्रायल इराणमध्ये आमच्यासाठी ‘घृणास्पद काम’ करत आहे. इराणची अणू महत्त्वाकांक्षा संपूर्ण जगासाठी धोका आहे.

प्रधानमंत्री धरती आबा योजनेतून महाराष्ट्रात आदिवासींना प्रातिनिधीक स्वरुपात वनपट्टे वाटप!!

५ दिवसांत किती नुकसान?

इराणचे न्याय मंत्रालय, अणु मुख्यालय, नतान्झ-इस्फहान अणुऊर्जा प्रकल्प, तबरीझ क्षेपणास्त्र संकुल, मेहराबाद आंतरराष्ट्रीय विमानतळ, संरक्षण मंत्रालय, होल्डिंग टॉवर उद्ध्वस्त झाले.

२२४ मृत्यू, १३००हून जास्त जखमी

इस्रायलने इराणच्या आणखी एका कमांडरला केले ठार

इस्रायलने इराणचा आणखी एक वरिष्ठ लष्करी कमांडर अली शादमानी याला ठार मारले. तो सर्वोच्च नेते खामेनी यांचा निकटवर्तीय होता आणि अवघ्या पाच दिवसांपूर्वीच लष्करप्रमुख बनला होता. १३ जूनपासून लष्करप्रमुखांसह ८ वरिष्ठ लष्करी कमांडर मारले गेले आहेत. प्रत्युत्तरादाखल इराणने तेल अवीवमधील इस्रायलच्या गुप्तचर संस्था मोसादच्या मुख्यालय क्षेपणास्त्राने उडवून दिले. यासोबतच लष्करी गुप्तचर संस्था अनमचे कार्यालयही उद्ध्वस्त करण्यात आले.

दरम्यान, परराष्ट्र मंत्रालयाचे प्रवक्ते रणधीर जयस्वाल यांनी सोशल मीडिया पोस्टमध्ये म्हटले की, पंतप्रधान मार्क कार्नी यांच्या निमंत्रणावरून पंतप्रधान नरेंद्र मोदी शिखर परिषदेसाठी कॅनडाच्या अल्बर्टाला पोहोचले. ते ऊर्जा सुरक्षा, तंत्रज्ञान, पायाभूत सुविधा आणि गुंतवणुकीवरील चर्चेत सहभागी होतील. पंतप्रधान मोदी जर्मनी, कॅनडा, इटली, युक्रेनच्या नेत्यांशी द्विपक्षीय चर्चा करतील.

जी-७ शिखर परिषदेच्या निवेदनावर स्वाक्षरीस नकार

कॅनडामध्ये सुरू असलेल्या जी-७ शिखर परिषदेत नेत्यांनी एक संयुक्त निवेदन जारी केले. त्यात इस्रायलला जाहीर पाठिंबा दिला. तथापि, ट्रम्प यांनी या संयुक्त निवेदनावर स्वाक्षरीस नकार दिला. यात इस्रायल-इराणचा संघर्ष कमी करण्याचे आवाहन केले.त्यावर ट्रम्प म्हणाले, या युद्धाचा अंत हवा आहे, खरा अंत हवा आहे, फक्त युद्धविराम नाही. ट्रम्प जी-७ शिखर परिषद अर्ध्यावरच सोडून वॉशिंग्टनला परतले.

इराणचा समर्थक काय म्हणाले?

सौदी अरेबियाने इस्रायलच्या कृतीला आंतरराष्ट्रीय कायद्याचे उल्लंघन म्हटले. इजिप्तने २१ देशांसह संयुक्त निवेदन जारी करून इराणला पाठिंबा दिला. कतार आणि यूएईदेखील त्याच्यासोबत आहेत.

इस्रायलचे समर्थक काय म्हणाले?

ब्रिटन, फ्रान्स, जर्मनी, कॅनडा, ऑस्ट्रेलिया आणि अर्जेंटिना यांनी इराणवर टीका केली. भारत तटस्थ. शांघाय सहकार्य संघटनेच्या इस्रायलवर टीका करणाऱ्या विधानापासूनही त्यांनी स्वतःला दूर ठेवले.