Afghan border : अफगाणिस्तान सीमेवर तालिबान-पाक सैन्यामध्ये चकमक; 3 तालिबानी आणि 1 पाक सैनिक ठार

By, Pravin Wankhade - December 29, 2024 01:00:06

0

वृत्तसंस्था

काबूल : Afghan border तालिबानने शुक्रवारी अफगाण सीमेजवळील कुर्रम भागात पाकिस्तानी सैनिकांवर हल्ला केला. एएनआय या वृत्तसंस्थेनुसार, एका पाकिस्तानी सैनिकाचा मृत्यू झाला असून किमान 9 जण जखमी झाले आहेत.Afghan border

पाकिस्तानने केलेल्या प्रत्युत्तरादाखल तीन तालिबानी लढवय्येही ठार झाले आहेत. रिपोर्टनुसार, कुर्रम सीमेजवळ दोन्ही बाजूंकडून गोळीबार सुरू आहे. याशिवाय पाकिका सीमेवरही पाकिस्तान आणि अफगाणिस्तानमध्ये चकमक सुरू आहे.

Suresh Dhas : प्राजक्ता माळी विषय संपलाय, मी माफी मागणार नाही, सुरेश धस यांनी केले स्पष्ट

अफगाण संरक्षण मंत्रालयाने सांगितले की, शुक्रवारी पहाटे चार वाजता दक्षिण सीमेवर अफगाण आणि पाकिस्तानी सैन्यात चकमक झाली. यानंतर खोश्त येथे राहणाऱ्या लोकांना सुरक्षित स्थळी पाठवण्यात आले आहे. मात्र या हल्ल्यात किती लोकांचा मृत्यू झाला याबाबत अधिकृत माहिती देण्यात आलेली नाही.

यापूर्वी 24 डिसेंबर रोजी पाकिस्तानी लष्कराने अफगाणिस्तान सीमेजवळील पक्तिका येथे हवाई हल्ला केला होता. ज्यामध्ये 46 जणांचा मृत्यू झाला होता. या हल्ल्यात पाकिस्तानी तालिबान संघटनेच्या (टीटीपी) संशयित लक्ष्यांना लक्ष्य केल्याचा दावा पाकिस्तानने केला होता.

पाकिस्तानी पंतप्रधानांनी तालिबानला कारवाई करण्यास सांगितले

याआधी शुक्रवारी पाकिस्तानचे पंतप्रधान शाहबाज शरीफ यांनी तेहरीक-ए-तालिबान पाकिस्तान (TTP) या दहशतवादी संघटनेवर कारवाई करण्याचा इशारा दिला होता. पाकिस्तानविरोधात दहशत पसरवण्यासाठी टीटीपीला अफगाणिस्तानची भूमी वापरण्याची परवानगी दिली जाणार नाही, असे पंतप्रधान शरीफ म्हणाले होते. अफगाणिस्तान सरकारने टीटीपीविरोधात कठोर भूमिका घ्यावी, अशी आमची इच्छा आहे.

तेहरीक-ए-तालिबान पाकिस्तान (TTP) ही एक दहशतवादी संघटना आहे. याची स्थापना 2007 साली झाली. या संघटनेला पाकिस्तानचे सरकार हटवून तेथे तालिबानी शरिया कायदा लागू करायचा आहे. टीटीपी हा पाकिस्तानमध्ये स्वतंत्रपणे कार्यरत असलेल्या अनेक कट्टरपंथी गटांचा समूह आहे. टीटीपीमध्ये 30,000 हून अधिक सशस्त्र दहशतवादी आहेत.

टीटीपीने 2022 पासून पाकिस्तानवर हल्ले तीव्र केले

पाकिस्तानचा आरोप आहे की पाकिस्तानी तालिबान अफगाणिस्तानच्या भूमीचा वापर करून तेथे दहशतवादी हल्ले करतात. मात्र, अफगाणिस्तानने पाकिस्तानचे हे आरोप फेटाळून लावले आहेत.

2021 मध्ये अफगाणिस्तानमध्ये तालिबानच्या पुनरागमनानंतर पाकिस्तानी तालिबान (TTP) मजबूत झाला आहे. टीटीपीने नोव्हेंबर 2022 मध्ये पाकिस्तानसोबत एकतर्फी युद्धविराम संपवला होता. यानंतर त्यांनी पाकिस्तानवर हल्ले आणखी तीव्र केले आहेत. गेल्या काही महिन्यांत टीटीपीने पाकिस्तानचे अनेक सैनिक आणि पोलिस मारले आहेत.