नेपाळचे नवीन पंतप्रधान बालेन्द्र शाह यांनी पदभार स्वीकारताच मोठा निर्णय घेतला आहे. सप्टेंबर 2025 च्या आंदोलनात मारल्या गेलेल्या 27 विद्यार्थ्यांच्या कुटुंबांना सरकारी नोकरी देण्याची घोषणा लागू करण्यात आली आहे.
अमेरिकेत शनिवारी राष्ट्राध्यक्ष ट्रम्प यांच्या विरोधात झालेल्या ‘नो किंग्स रॅली’मध्ये 80 लाख लोकांनी भाग घेतला. मीडिया रिपोर्ट्सनुसार, संपूर्ण अमेरिकेतील सर्व 50 राज्यांमध्ये 3,300 पेक्षा जास्त ठिकाणी हे आंदोलन आयोजित करण्यात आले होते.
पंतप्रधान मोदी यांनी रविवारी केरळमध्ये आपल्या निवडणूक प्रचाराचा शुभारंभ केला. पलक्कड येथील एका जाहीर सभेला संबोधित करताना त्यांनी म्हटले की, गेल्या अनेक दशकांपासून केरळ हे केवळ स्वार्थासाठी केल्या जाणाऱ्या राजकारणाच्या दोन मुखवट्यांमध्ये अडकून पडले आहे.
इराण आणि इस्रायल-अमेरिका यांच्यात वाढत चाललेल्या संघर्षामुळे जागतिक अर्थव्यवस्थेवर मंदीचे सावट असतानाच, याचे थेट परिणाम आता महाराष्ट्रातील शेती क्षेत्रावरही दिसू लागले आहेत. या युद्धामुळे आखाती देशांतील शेतीमालाच्या आयात-निर्यातीवर १०० टक्के परिणाम होणार असून, देशातील माल निर्यात न झाल्याने बाजारभावात मोठी घसरण पाहायला मिळत आहे. या पार्श्वभूमीवर राज्याचे कृषी मंत्री दत्तात्रय भरणे यांनी चिंता व्यक्त केली असून, भविष्यात युरिया खताच्या साठ्याबाबतही काळजी घ्यावी लागणार असल्याचे स्पष्ट केले आहे.
राष्ट्रवादी काँग्रेसचे ज्येष्ठ नेते आणि खासदार सुनील तटकरे यांच्या मतदारसंघात पार पडलेल्या एका सार्वजनिक कार्यक्रमाने सध्या राजकीय वर्तुळात नवा वाद ओढवून घेतला आहे. या कार्यक्रमाच्या बॅनरवर तटकरे कुटुंबातील सदस्यांचे फोटो झळकले, मात्र राष्ट्रवादीचे सर्वोच्च नेते अजित पवार आणि सुनेत्रा पवार यांचे फोटो नसल्याने टीकेची झोड उठली आहे. या पार्श्वभूमीवर, अदिती तटकरे यांनी आपली भूमिका स्पष्ट करत या प्रकरणावर दिलगिरी व्यक्त केली आहे. तसेच विरोधकांना टोला देखील लगावला आहे.
मराठा समाजातल्या गुन्हेगारांना वाचविण्यासाठी जाणीवपूर्वक प्रयत्न केले जात आहेत. त्यामुळे अशोक खरातची खरी जात शोधा. तो मराठा आहे की अन्य जातीचा आहे, हे सगळ्या महाराष्ट्राला कळू द्या, अशी मागणी वंचित बहुजन आघाडीचे अध्यक्ष प्रकाश आंबेडकर यांनी मुख्यमंत्री देवेंद्र फडणवीस यांच्याकडे केली.
राष्ट्रवादी काँग्रेसमधील अंतर्गत धुसफूस आता बॅनर वॉरच्या माध्यमातून चव्हाट्यावर आली आहे. रायगड जिल्ह्यातील इंदापूर येथे आयोजित एका कार्यक्रमात लावण्यात आलेल्या बॅनरवरून पक्षाचे दिवंगत अध्यक्ष अजित पवार तसेच उपमुख्यमंत्री सुनेत्रा पवार यांचे फोटो वगळण्यात आल्याने राजकीय वर्तुळात मोठी खळबळ उडाली आहे. या बॅनरवर केवळ खासदार सुनील तटकरे आणि त्यांच्या कुटुंबाचेच वर्चस्व दिसून आल्याने, रोहित पवार यांनी सुनील तटकरे यांच्यावर बोचरा वार केला आहे.
अर्थ मंत्रालयाने मार्च 2026 चा आपला मासिक आर्थिक आढावा अहवाल (Monthly Economic Review Report) जारी केला आहे. या अहवालानुसार, भारतीय अर्थव्यवस्थेचा वेग आता थोडा मंदावू शकतो. याची सर्वात मोठी कारणे पश्चिम आशियातील सध्याचा तणाव आणि आंतरराष्ट्रीय बाजारात कच्च्या तेलाच्या वाढत्या किमती आहेत.
मार्केट कॅपच्या दृष्टीने देशातील 10 सर्वात मोठ्या कंपन्यांपैकी 7 कंपन्यांचे मूल्य गेल्या आठवड्यातील व्यवहारात 1.75 लाख कोटी रुपयांनी घटले. मध्य पूर्वेतील तणाव आणि इस्रायल-इराण युद्धाच्या भीतीने ही घसरण झाली आहे.
बिहारच्या राजकारणात मुख्यमंत्रीपदाच्या चेहऱ्यावरून चर्चा तीव्र होत आहे. दरम्यान, जेडीयूचे आमदार श्याम रजक यांनी निशांत कुमार यांच्याबाबत मोठे विधान केले आहे. ते म्हणाले की, निशांतमध्ये मुख्यमंत्री बनण्याचे सर्व गुण आहेत. ते सुशिक्षित आहेत आणि त्यांच्याकडे अभियांत्रिकीची पदवी देखील आहे.
केंद्र सरकारने रविवारी निर्णय घेतला आहे की, आता रेशन दुकानांसोबतच पेट्रोल पंपांवरूनही रॉकेल मिळू शकेल. आता सरकारी तेल कंपन्या निश्चित केलेल्या पेट्रोल पंपांवरूनही रॉकेल ठेवू आणि वितरित करू शकतील.
बांग्लादेशात ५ ऑगस्ट २०२४ रोजी झालेल्या राजकीय बदलानंतर सत्तेवर आलेल्या बांग्लादेश नॅशनलिस्ट पार्टी (बीएनपी) सरकारमुळे भारत-बांग्लादेश संबंधांत सुधारणा होण्याचे संकेत दिसू लागले आहेत. दीड वर्षांच्या तणावानंतर उभय देशांनी रखडलेले प्रकल्प पुन्हा सुरू करण्याच्या प्रयत्नांना वेग आणला आहे. नवीन सरकारने सत्तेवर येताच मंआधीचे सामंजस्य करार (एमओयू) आणि प्रकल्प पुन्हा मार्गावर आणण्याचा प्रयत्न सुरू केला. शपथविधीनंतरच्या पहिल्याच आठवड्यात भारतीयांसाठी व्हिसा सेवा पुन्हा सुरू केले.
धार्मिक श्रद्धेचा बाजार मांडून महिलांचे लैंगिक शोषण करणारा आणि कोट्यवधींची माया जमवणारा नराधम अशोक खरात महिलांना गुंगीकारक पेढा आणि कडवट पाणी देऊन संमोहित करायचा आणि नंतर अत्याचार करायचा, असा खळबळजनक आरोप रविवारी (दि. २९) नाशिक जिल्हा न्यायालयात सरकारी पक्षातर्फे करण्यात आला. खरातच्या पोलिस कोठडीची मुदत संपल्याने त्याला हजर केले असता, अतिरिक्त मुख्य सत्र न्यायाधीश श्रीमती बराडे यांनी त्याला १ एप्रिलपर्यंत पुन्हा पोलिस कोठडी सुनावली आहे.
RBIने निर्देश दिले आहेत की, बँका आता दररोज त्यांच्याकडे 100 दशलक्ष डॉलर (सुमारे 950 कोटी रुपये) पेक्षा जास्त ठेवू शकणार नाहीत. यापूर्वी बँका दररोज 300 ते 500 दशलक्ष डॉलर (2,845-4,743 कोटी रुपये) ठेवत होत्या.
विशाखापट्टणमहून येणाऱ्या इंडिगो फ्लाइट 6E 579 चे इंजिन निकामी झाले. त्यानंतर दिल्लीत तिची आपत्कालीन लँडिंग करण्यात आली. सर्व 160 प्रवासी सुरक्षित आहेत.
आसाम विधानसभा निवडणुकीच्या प्रचारात काँग्रेसच्या अध्यक्षांना आज अचानक माजी पंतप्रधान मनमोहन सिंग यांची आठवण झाली. पंतप्रधान नरेंद्र मोदी आणि आसामचे मुख्यमंत्री हेमंत विश्वकर्मा यांच्यावर विश्वासघाताचा आरोप करताना काँग्रेसचे अध्यक्ष मल्लिकार्जुन खर्गे यांनी माजी पंतप्रधान मनमोहन सिंग यांची आठवण काढली.
पाकिस्तानचे माजी लष्करप्रमुख जनरल कमर जावेद बाजवा यांचे वयाच्या 65 व्या वर्षी शनिवारी निधन झाले. फेब्रुवारीमध्ये घरातील बाथरूममध्ये घसरल्याने त्यांच्या डोक्याला गंभीर दुखापत झाली होती, त्यानंतर रावळपिंडी येथील मिलिटरी रुग्णालयात त्यांच्यावर उपचार सुरू होते आणि ते आयसीयूमध्ये दाखल होते.
30 मार्चपासून राज्यात ढगाळी हवामान आणि दुपारनंतर होणाऱ्या वादळी पावसाचे नवीन सत्र सुरू होण्याचा अंदाज वर्तविण्यात आला आहे. 30 मार्च रोजी प्रामुख्याने खानदेश, मराठवाडा, पश्चिम विदर्भ तसेच मध्य महाराष्ट्रातील घाट परिसरातील जिल्ह्यांमध्ये विजांचा कडकडाट, वादळी वारे, पाऊस आणि काही ठिकाणी गारपिटीची शक्यता आहे. उर्वरित विदर्भात देखील काही प्रमाणात हवामानात बदल दिसून येऊ शकतो. या संदर्भात मुख्यमंत्री देवेंद्र फडणवीस यांनी ट्विट करून शेतकऱ्यांना सावध केले.
मध्यपूर्वेतील वाढता संघर्ष आता केवळ प्रादेशिक राहिलेला नाही, तर त्याचे परिणाम थेट जागतिक अर्थव्यवस्थेवर दिसू लागले आहेत. येमेनमधील इराण-समर्थित हौथी बंडखोरांनी इस्रायलवर क्षेपणास्त्र हल्ला केल्यानंतर या संघर्षाने आणखी एक धोकादायक वळण घेतले आहे. इस्रायलने हा हल्ला निष्फळ ठरवला असला, तरी या घटनेने एक गोष्ट स्पष्ट केली आहे—मध्यपूर्वेतील युद्ध आता वेगवेगळ्या गटांमध्ये पसरत असून त्याचा प्रभाव समुद्री मार्गांपासून ऊर्जा बाजारापर्यंत सर्वत्र जाणवत आहे.
VIP आणि VVIP (जसे की मुख्यमंत्री, राज्यपाल इत्यादी) यांना घेऊन जाणाऱ्या नॉन-शेड्यूल्ड विमान आणि हेलिकॉप्टर ऑपरेटर्ससाठी नवीन मार्गदर्शक तत्त्वे जारी केली आहेत. DGCA ने स्पष्टपणे सांगितले आहे की, फ्लाइट क्रूवर कोणत्याही प्रकारचा दबाव टाकू नये, जेणेकरून सुरक्षेशी तडजोड होणार नाही.
दोन्ही राष्ट्रवादींच्या विलीनीकरणानंतर सुनेत्रा पवारांचे नेतृत्व प्रस्थापित आणि सुरक्षित राहील का??, असा गंभीर सवाल राष्ट्रवादींच्या विलीनीकरणाच्या नव्या चर्चेमुळे समोर आला.
इराण आणि अमेरिका यांच्या युद्धात पाकिस्तान मध्यस्थी करत आहे की लुडबुड करत आहे??, असा सवाल आज समोर आला कारण अमेरिकेचे आणि इराणचे परराष्ट्र मंत्री सोडून इतर तीन देशांचे परराष्ट्र मंत्री पाकिस्तानच्या इस्लामाबादेत दाखल झाले. त्याउलट उलट अमेरिकेने इराणच्या भूमीवर लढण्यासाठी अतिशय सैनिक पाठविले.
राज्यात पुन्हा एकदा हवामानात मोठा बदल होण्याची शक्यता आहे. महाराष्ट्र मध्ये 30 मार्चपासून शनिवारपर्यंत ढगाळ वातावरणासह दुपारनंतर वादळी पावसाचे नवे सत्र सुरू होणार असल्याचा अंदाज हवामान विभागाने व्यक्त केला आहे.
अमेरिकेचे राष्ट्राध्यक्ष ट्रम्प यांनी एक मोठे विधान करत म्हटले आहे की, आता पुढचा नंबर क्युबाचा आहे. हे त्यांनी शुक्रवारी मियामी येथील एका बिझनेस समिटमध्ये सांगितले.
कर्नाटकच्या बंगळुरूमध्ये एका खासगी विद्यापीठातील प्राध्यापकाविरोधात विद्यार्थ्याला दहशतवादी म्हटल्याप्रकरणी गुन्हा दाखल करण्यात आला आहे. घटनेचा 58 सेकंदांचा व्हिडिओ व्हायरल झाला आहे. पोलिसांनी या प्रकरणाची स्वतःहून दखल घेतली. ही घटना 24 मार्च रोजी घडली.