देशात कंडोमच्या किमती 50% पर्यंत वाढू शकतात, कारण अमेरिका-इराणमधील युद्धामुळे पुरवठा साखळी विस्कळीत झाली आहे. यामुळे तेल आणि गॅसनंतर आता कंडोम बनवण्यासाठी वापरल्या जाणाऱ्या कच्च्या मालाची टंचाई निर्माण झाली आहे.
सोनिया ते सुनेत्रा; पवारांच्या राजकीय कारकीर्दीचा चुकलेला पाढा!!, असंच म्हणायची वेळ दोन्ही राष्ट्रवादींच्या विलीनीकरणाच्या नव्या चर्चेमुळे समोर आली.
पंतप्रधान नरेंद्र मोदी यांनी शनिवारी दुपारी 12.30 वाजता यूपीमधील जेवर येथे नोएडा आंतरराष्ट्रीय विमानतळाच्या पहिल्या टप्प्याचे उद्घाटन केले. हे सध्या भारतातील सर्वात मोठे आणि आशियातील दुसरे सर्वात मोठे विमानतळ आहे. 4 टप्पे पूर्ण झाल्यावर हे आशियातील सर्वात मोठे विमानतळ बनेल.
राज्यातील विविध शहरांत स्वयंपाकाच्या गॅसचा तुटवडा निर्माण झाला असताना राज्याचे अन्न व नागरी पुरवठा मंत्री छगन भुजबळ यांनी कदाचित 3 महिन्यांत एलपीजी गॅस बंद होईल असे पोटात गोळा उठवणारे विधान केले आहे. सध्या पीएनजी गॅस स्वस्त पडत आहे. त्यामुळे त्याचा अधिकाधिक वापर झाला पाहिजे. केंद्राच्या एका पत्रकात 3 महिन्यांनी कदाचित एलपीजी बंद होईल असा उल्लेख आहे. त्यामुळे आपण पीएनजीच्या जास्तीत जास्त जोडण्या घेतल्या पाहिजेत, असे ते म्हणालेत.
गृहमंत्री अमित शाह यांनी शनिवारी कोलकाता येथे ममता सरकारविरोधातील आरोपपत्र प्रसिद्ध केले. शाह म्हणाले, “या दस्तऐवजात गेल्या १५ वर्षांतील टीएमसी (TMC) सरकारच्या दुष्कृत्यांचा सविस्तर तपशील देण्यात आला आहे; हे जनतेने दाखल केलेले आरोपपत्र आहे. बंगालमध्ये अराजकता आणि दारिद्र्याने थैमान घातले आहे. येथील अर्थव्यवस्था पूर्णपणे उद्ध्वस्त झाली आहे.”
मध्य प्रदेशातील ग्वाल्हेर येथे अदानी डिफेन्स अँड एरोस्पेसने भारतीय सैन्याला 2,000 ‘प्रहार’ लाइट मशीन गन (LMG) चा पहिला साठा सुपूर्द केला. ही 7.62 मिमी कॅलिबरची शस्त्रे ग्वाल्हेर येथील स्मॉल आर्म्स कॉम्प्लेक्समध्ये तयार करण्यात आली आहेत.
देशातील चार राज्यांमध्ये होणाऱ्या विधानसभा निवडणुकांच्या पार्श्वभूमीवर महिलांना थेट रोख रक्कम देण्याचा ट्रेंड मोठ्या प्रमाणात दिसत आहे. या चार राज्यांमध्ये मिळून तब्बल २४,५०० कोटी रुपये महिलांच्या बँक खात्यात जमा करण्यात येत आहेत. सत्तेत आल्यास पुढील पाच वर्षेही अशीच आर्थिक मदत सुरू ठेवली जाईल, असे आश्वासनही दिले जात आहे.
रेमंड ग्रुपचे माजी अध्यक्ष विजयपत सिंघानिया यांचे 87 व्या वर्षी निधन झाले. त्यांचे पुत्र गौतम सिंघानिया यांनी सोशल मीडियावर ही माहिती दिली. त्यांचे अंत्यसंस्कार आज दुपारी 3 वाजता मुंबईतील चंदनवाडी स्मशानभूमीत होतील.
नेपाळचे माजी पंतप्रधान केपी शर्मा ओली आणि माजी गृहमंत्री रमेश लेखक यांना पोलिसांनी शनिवारी सकाळी अटक केली. ही अटक गेल्या वर्षी झालेल्या GEN-Z आंदोलनाच्या प्रकरणात झाली आहे.
मुख्यमंत्री देवेंद्र फडणवीस यांनी आज सह्याद्री अतिथीगृह, मुंबई येथे 150 दिवसांच्या ई-गव्हर्नन्स सुधारणा तसेच सेवाकर्मी कार्यक्रमांतर्गत सर्वोत्तम पोलीस आयुक्त यांना प्रशस्तिपत्रांचे वितरण केले. यामध्ये नाशिक जिल्हा कायद्याचा बालेकिल्ला ही मोहीम यशस्वी करून भल्या भल्या गुंडांना गजाआड करणारे पोलीस आयुक्त संदीप कर्णिक यांचा सन्मान करण्यात आला.
भारतीय रुपया आज 27 मार्च (शुक्रवार) रोजी अमेरिकन डॉलरच्या तुलनेत 94.7 च्या विक्रमी नीचांकी पातळीवर पोहोचला. मध्यपूर्वेत सुरू असलेले युद्ध आणि ऊर्जा पुरवठा साखळीतील अडथळ्यांमुळे भारतीय रुपयामध्ये ही घसरण नोंदवली गेली.
रशियाने 1 एप्रिलपासून पेट्रोलच्या निर्यातीवर बंदी घालण्याचा निर्णय घेतला आहे. ही बंदी 31 जुलैपर्यंत राहू शकते. रशियाचे उपपंतप्रधान अलेक्झांडर नोवाक यांनी ऊर्जा मंत्रालयाला पेट्रोल निर्यातीवर बंदी घालण्याचा प्रस्ताव तयार करण्यास सांगितले आहे.
बंगाली अस्मितेच्या नावाखाली ममतांच्या तृणमूल काँग्रेसच्या सावरकरांना आणि गुजरात्यांना शिव्या, बंगालच्या निवडणुकीत मते मागायला धावा!!, असलाच प्रकार आज समोर आला.
संरक्षण मंत्री राजनाथ सिंह यांच्या अध्यक्षतेखाली झालेल्या संरक्षण अधिग्रहण परिषद (DAC) च्या बैठकीत सुमारे 2.38 लाख कोटी रुपयांच्या संरक्षण खरेदी प्रस्तावांना मंजुरी देण्यात आली. यात सैन्यदल, वायुसेना आणि तटरक्षक दलासाठी अनेक महत्त्वाच्या प्रणाली आणि प्लॅटफॉर्मचा समावेश आहे.
दोन्ही राष्ट्रवादींच्या विलीनीकरणाची पुन्हा सोडून पुडी, सूत्रे जाऊ लागली सुनेत्रा चरणी!!, असेच राजकीय चित्र अजित पवारांच्या अकाली एक्झिटला दोन महिने पूर्ण झाल्याच्या पार्श्वभूमीवर आज दिसून आले.
मेरिकेत रेस्टॉरंट उद्योग बदलाच्या टप्प्यातून जात आहे. येथील पॉश रेस्टॉरंटमध्ये टेबल मिळणे आता ‘नशिबाचा’ भाग नसून ‘सबस्क्रिप्शन’चा खेळ बनला आहे. म्हणजेच, आता लढाई चवीसाठी नसून ती मेज मिळवण्यासाठी होत आहे. याला ‘रेस्टॉरंट रिझर्व्हेशन वॉर’ असे म्हटले जात आहे. सुमारे ₹11,293 कोटींच्या मोठ्या करारांमध्ये आणि लाखो रुपयांच्या मेंबरशिप फीमध्ये, मोना पंजवानींसारख्या रेस्टॉरंट मालकांसाठी हा केवळ बुकिंगचा प्रश्न नाही, तर हा ‘ग्राहक डेटा’वर ताबा मिळवण्याचा संघर्ष आहे, जो तुमची पुढील डिनर डेट कुठे आणि कशी असेल हे ठरवतो.
दोन राष्ट्रवादींच्या भांडणात अशोक खरात प्रकरणाची आग; पवारांचे पुरोगामी संस्कार जळून खाक!!, अशीच अवस्था महाराष्ट्रात दिसून आली.
केंद्र सरकारने देशात सुरू असलेल्या गॅस संकटाच्या पार्श्वभूमीवर राज्यांना पुन्हा एकदा एलपीजी पुरवठा वाढवण्याचे निर्देश दिले आहेत. सरकारने शुक्रवार (27 मार्च) रोजी व्यावसायिक एलपीजी सिलेंडरचे वाटप म्हणजेच कोटा 50% वरून 70% पर्यंत वाढवला आहे. या निर्णयाचा सर्वाधिक फायदा पूर्णपणे एलपीजीवर अवलंबून असलेल्या उद्योगांना होईल.
कॅनडाच्या संसदेच्या कनिष्ठ सभागृहात खलिस्तानी कारवायांवर कठोरता आणणारे मोठे विधेयक मंजूर झाले आहे. ‘कॉम्बॅटिंग हेट ॲक्ट’ नावाच्या या विधेयकाअंतर्गत बब्बर खालसासारख्या संघटनांचे झेंडे आणि प्रचार सामग्रीचे सार्वजनिक प्रदर्शन बेकायदेशीर ठरवले जाईल. तसेच, धार्मिक स्थळांबाहेर लोकांना धमकावणे किंवा अडथळा निर्माण करणे हा देखील गुन्हा मानला जाईल.
सरकारने पेट्रोल आणि डिझेलवरील उत्पादन शुल्कात प्रत्येकी 10 रुपयांची कपात केली आहे. पेट्रोलवरील शुल्क 13 रुपये प्रति लिटरवरून 3 रुपये करण्यात आले आहे, तर डिझेलवरील शुल्क 10 रुपयांवरून शून्य करण्यात आले आहे. पीटीआय या वृत्तसंस्थेने ही माहिती दिली.
नाशिक फाटा ते खेड ८ पदरी एलिव्हेटेड कॉरिडॉर प्रकल्पाने अखेर निर्णायक टप्पा गाठला असून, हा पिंपरी-चिंचवड आणि खेड परिसरासाठी हा ऐतिहासिक क्षण आहे.
राज्यातील अनेक कुटुंबांसाठी मोठा दिलासा देणारा निर्णय देवेंद्र फडणवीस यांच्या सरकारने घेतला आहे. सरकारी जमिनीवर १ जानेवारी २०११ पर्यंत बांधलेली आणि सध्या राहण्यासाठी वापरली जाणारी घरे आता नियमित (कायदेशीर) करण्याचा निर्णय जाहीर करण्यात आला आ
महाराष्ट्रातील अन्न व औषध प्रशासन मंत्री नरहरी झिरवाळ यांच्याशी संबंधित व्हायरल व्हिडिओ प्रकरणावर सध्या मोठी चर्चा सुरू आहे. या प्रकरणात त्यांचा राजीनामा होणार का, याबाबत स्पष्टता आली आहे. मुख्यमंत्री देवेंद्र फडणवीस यांनी सांगितले की, सध्या तरी झिरवाळ यांचा राजीनामा घेतलेला नाही आणि तातडीने असा कोणताही निर्णय होणार नाही.
राज्यातील “मुख्यमंत्री माझी लाडकी बहीण” योजनेतील महिलांसाठी दिलासादायक बातमी समोर आली आहे. फेब्रुवारी महिन्याचा 1500 रुपयांचा हप्ता आता लाभार्थी महिलांच्या बँक खात्यात जमा होण्यास सुरुवात झाली आहे. महिला व बालविकास मंत्री अदिती तटकरे यांनी याबाबत माहिती दिली असून ही रक्कम टप्प्याटप्प्याने खात्यात येणार असल्याचे स्पष्ट केले आहे.
राष्ट्रवादी काँग्रेसच्या महिला प्रदेशाध्यक्ष रुपाली चाकणकर यांनी अखेर आपल्या पदाचा राजीनामा दिला आहे. नाशिकमधील भोंदूबाबा अशोक खरात प्रकरणावरून निर्माण झालेल्या वादाच्या पार्श्वभूमीवर हा निर्णय घेण्यात आल्याची माहिती समोर आली आहे.