प्रजासत्ताक दिनाच्या एक दिवस आधी रविवारी केंद्र सरकारने शौर्य पुरस्कार आणि सेवा पदकांची घोषणा केली. अंतराळवीर आणि हवाई दलातील ग्रुप कॅप्टन शुभांशू शुक्ला यांना अशोक चक्राने सन्मानित केले जाईल. तर तीन अधिकाऱ्यांना किर्ती चक्र आणि 13 जणांना शौर्य चक्र दिले जाईल.
७७व्या प्रजासत्ताक दिनाच्या पूर्वसंध्येला राष्ट्रपती द्रौपदी मुर्मू यांनी देशाला संबोधित केले. यावेळी त्यांनी प्रजासत्ताक दिनाच्या शुभेच्छा देताना सांगितले की, हा उत्सव देशवासियांमध्ये राष्ट्रीय एकता आणि अभिमानाची भावना दृढ करतो.
अमेरिकेत रविवारी आलेल्या बर्फाच्या वादळामुळे देशभरातील परिस्थिती बिघडली आहे. सुमारे 10 लाख घरांमध्ये वीजपुरवठा खंडित झाला आहे. राष्ट्राध्यक्ष डोनाल्ड ट्रम्प यांनी 20 राज्ये आणि राजधानी वॉशिंग्टन डीसीमध्ये आणीबाणी जाहीर केली आहे.
अमेरिकेचे अर्थमंत्री स्कॉट बेसेंट यांनी सांगितले आहे की, डोनाल्ड ट्रम्प सरकार भारतावर लावलेल्या 50% शुल्कापैकी (टॅरिफ) अर्धे शुल्क हटवण्याचा विचार करू शकते.
काँग्रेस खासदार शशी थरूर म्हणाले की, मी संसदेत काँग्रेसच्या कोणत्याही भूमिकेचा कोणत्याही टप्प्यावर विरोध केलेला नाही. ते पुढे म्हणाले की, तत्त्वाच्या आधारावर सार्वजनिकरित्या मतभेद झालेला एकमेव मुद्दा ‘ऑपरेशन सिंदूर’ होता.
अमित शाहांनी गोळी मारली होती लखनऊ, पण ती जाऊन लागली पाटण्यात!!, अशीच राजकीय घडामोडी आज पाटण्यातून समोर आली.
सर्वोच्च न्यायालयाच्या आदेशानुसार निवडणूक आयोगाने SIR ची लॉजिकल डिस्क्रेपन्सी यादी वेबसाइटवर प्रसिद्ध केली, पंचायत-ब्लॉक आणि वॉर्ड कार्यालयांमध्ये चिकटवली जाईल
निवडणुकीत कितीही मोठा पराभव होऊ द्या, सगळे कुटुंब तुटू द्या, तरी आम्ही नाहीच सुधारणार, याचा प्रत्यय आज देशाला आला. देशातल्या एका मोठ्या प्रादेशिक पक्षाने आज आपला कार्यकारी अध्यक्ष नेमला. लालूप्रसाद यादव यांनी तेजस्वी यादव यांना राष्ट्रीय जनता दलाचे कार्यकारी अध्यक्ष केले. पण तेजस्वी यादव यांना कार्यकारी अध्यक्ष पदाची बक्षीसी दिल्यानंतर यादव कुटुंबातली फूट जास्त रुंदावली.
सर्वोच्च न्यायालयाचे न्यायमूर्ती उज्ज्वल भुईया यांनी शनिवारी सांगितले की, न्यायाधीशांची बदली हा न्यायपालिकेचा अंतर्गत मामला आहे. यात सरकार किंवा केंद्राची कोणतीही भूमिका नाही.
निवडणुकीत कितीही मोठा पराभव होऊ द्या, सगळे कुटुंब तुटू द्या, तरी आम्ही नाहीच सुधारणार, याचा प्रत्यय आज देशाला आला. देशातल्या एका मोठ्या प्रादेशिक पक्षाने आज आपला कार्यकारी अध्यक्ष नेमला. लालूप्रसाद यादव यांनी तेजस्वी यादव यांना राष्ट्रीय जनता दलाचे कार्यकारी अध्यक्ष केले.
ब्रिटिश पंतप्रधान कीर स्टार्मर यांनी अमेरिकेचे राष्ट्राध्यक्ष डोनाल्ड ट्रम्प यांनी अफगाणिस्तानमधील युरोपीय सैनिकांबद्दल केलेल्या विधानाला अपमानजनक आणि धक्कादायक म्हटले आहे.
काँग्रेस अध्यक्ष मल्लिकार्जुन खरगे यांनी शनिवारी सांगितले की, पंतप्रधान कार्यालय आणि केंद्रीय गृह मंत्रालय राज्यपालांना निर्देश देत आहेत. काँग्रेसची सत्ता असलेल्या आणि इतर बिगर-भाजप राज्य सरकारांना त्रास देण्यासाठी राज्यपालांना बाहुले बनवल्याचा आरोप खरगे यांनी भाजप सरकारवर केला.
कॅनडाचे पंतप्रधान मार्क कार्नी यांनी ट्रम्प यांच्या टॅरिफ धमकीनंतर देशवासियांना स्वदेशी वस्तू खरेदी करण्याचे आवाहन केले आहे. कार्नी यांनी एक व्हिडिओ संदेश जारी करत म्हटले की, कॅनडाच्या अर्थव्यवस्थेवर सध्या बाह्य धोका आहे, त्यामुळे जे आपल्या नियंत्रणात आहे, त्यावरच लक्ष केंद्रित करावे लागेल.
अमेरिकेत बर्फाच्या वादळाच्या इशाऱ्यानंतर 15 राज्यांमध्ये आणीबाणी घोषित करण्यात आली आहे. तर, दोन दिवसांत 7000 हून अधिक विमानांची उड्डाणे रद्द झाली आहेत. नॅशनल वेदर सर्व्हिस (NWS) नुसार, 20 कोटी म्हणजेच सुमारे दोन-तृतीयांश अमेरिकन या वादळाच्या तडाख्यात येऊ शकतात.
AI, इनोव्हेशन सिटी ते रायगड – पेण ग्रोथ कॉरिडॉर अशी आर्थिक प्रगतीची घोडदौड सुरू असताना मुख्यमंत्री देवेंद्र फडणवीस यांनी दावोस येथे पार पडलेल्या ‘वर्ल्ड इकोनॉमिक फोरम 2026’मध्ये सहभाग नोंदविला. यावेळी बोलताना त्यांनी सांगितले की, वर्ल्ड इकोनॉमिक फोरमसाठी भारताच्या वतीने 10 राज्यांचे प्रतिनिधित्व करण्यात आले असून, त्यामध्ये महाराष्ट्राचे प्रतिनिधित्व करणे ही अत्यंत अभिमानास्पद आणि आनंदाची बाब आहे.
आसामचे गायक जुबीन गर्ग यांच्या मृत्यू प्रकरणी त्यांच्या कुटुंबीयांनी शनिवारी (24 सप्टेंबर) पंतप्रधान नरेंद्र मोदी यांना पत्र लिहिले. गायकाच्या मृत्यू प्रकरणाची जलद सुनावणी करण्यासाठी विशेष न्यायालय स्थापन करावे, अशी मागणी पत्रात केली आहे. शिक्षा मिळेपर्यंत या प्रकरणातील कोणत्याही आरोपीला जामीन देऊ नये, अशी मागणीही कुटुंबीयांनी केली आहे.
व्हेनेझुएलाच्या कार्यकारी अध्यक्ष डेल्सी रॉड्रिगेज यांचा एक व्हिडिओ लीक झाला आहे. द गार्डियनच्या वृत्तानुसार, यात रॉड्रिगेज दावा करत आहेत की, अमेरिकेने तत्कालीन अध्यक्ष निकोलस मादुरो यांना पकडले, तेव्हा त्यांना आणि त्यांच्या मंत्रिमंडळातील सदस्यांना फक्त 15 मिनिटांचा वेळ दिला होता. त्यांना सांगण्यात आले होते की, जर त्यांनी अमेरिकेच्या अटी मान्य केल्या नाहीत, तर सर्वांना गोळ्या घालण्यात येतील.
काँग्रेसमधील अंतर्गत कलह आणि चंद्रपूर महानगरपालिकेतील सत्तास्थापनेच्या पेचावरून भाजप नेते तथा आमदार परिणय फुके यांनी काँग्रेस नेते विजय वडेट्टीवार यांच्यावर जोरदार हल्लाबोल केला आहे. ” चंद्रपुरात मोठा पक्ष ठरूनही सत्ता स्थापित करता न येणे, हे काँग्रेससाठी अत्यंत लाजिरवाणे आहे. वडेट्टीवारांची सध्या नाचता येईना अंगण वाकडं अशी अवस्था आहे,” असे परिणय फुके म्हणालेत. यावेळी त्यांनी शरद पवार यांच्याबाबत मोठे विधान केले.
ठाणे महापालिका निवडणुकीतील विजयानंतर एमआयएमच्या नवनिर्वाचित नगरसेविका सहर शेख यांनी ‘कैसा हराया’ म्हणत राष्ट्रवादी काँग्रेस पार्टी शरदचंद्र पवार पक्षाचे आमदार जितेंद्र आव्हाड यांना चिडवले होते. यावेळी त्यांनी संपूर्ण मुंब्रा हिरवे करण्याचीही घोषणा केली होती. त्याचे तीव्र पडसाद उमटल्यानंतर अखेर सहर शेखने पोलिसांकडे आपला माफीनामा लिहून दिला आहे. या माफीनाम्यात सहर शेखने आपल्या विधानाचा विपर्यास करण्यात आल्याचा दावा केला आहे.
ठाणे महानगरपालिका निवडणुकीच्या निकालानंतर एमआयएमच्या (AIMIM) नगरसेविका सहर शेख यांनी केलेल्या विधानावरून सुरू झालेला राजकीय गदारोळ थांबण्याचे नाव घेत नाहीये. आता या वादात एमआयएमचे प्रदेशाध्यक्ष आणि माजी खासदार इम्तियाज जलील यांनी उडी घेतली असून, त्यांनी सहर शेख यांच्या विधानाचे जोरदार समर्थन केले आहे. “सहर शेख यांचे विधान हे केवळ त्यांचे वैयक्तिक मत नसून ती पक्षाचीच अधिकृत भूमिका आहे,” असे म्हणत जलील यांनी येणाऱ्या काळात संपूर्ण महाराष्ट्र ‘हिरवा’ करणार,” असे ते म्हणाले.
महाराष्ट्र सदन घोटाळा प्रकरणात राष्ट्रवादी काँग्रेस अजित पवार गटाचे ज्येष्ठ नेते छगन भुजबळ यांना लाचलुचपत प्रतिबंधक विभागानंतर (ACB) आता सक्तवसुली संचालनालयाच्या (ED) केसमध्येही मोठा दिलासा मिळाला आहे. मात्र, या निर्णयामुळे सामाजिक कार्यकर्त्या अंजली दमानिया यांनी संताप व्यक्त केला आहे. “छगन भुजबळांवरील सर्व प्रकरणे संपलेली नाहीत, त्यांना कोणतीही क्लीन चिट मिळालेली नाही. आम्ही या निर्णयाविरोधात उच्च न्यायालयात दाद मागणार आहोत,” असे त्यांनी सांगितले. तसेच फडणवीस सगळ्या भ्रष्टाचारांना घेऊन पुढे जात आहेत, असा आरोपही त्यांनी केला.
गेल्या काही महिन्यांपासून शिवसेना ठाकरे गटाचे नेते आणि खासदार संजय राऊत यांच्या प्रकृतीबाबत राजकीय वर्तुळात अनेक चर्चा आणि तर्क-वितर्क लढवले जात होते. अखेर खुद्द संजय राऊत यांनीच या मौनाला पूर्णविराम दिला आहे. “मला पोटाचा कॅन्सर झाला होता,” असा धक्कादायक पण तितकाच धाडसी उलगडा त्यांनी एका मुलाखतीत केला आहे. गेल्या काही महिन्यांपासून सुरू असलेल्या या वैयक्तिक लढाईतून ते आता यशस्वीपणे बाहेर पडत असून, त्यांनी पुन्हा एकदा राजकीय मैदानात पूर्ण ताकदीने एन्ट्री केली आहे.
अभिनेता कमाल रशीद खान, ज्याला केआरके म्हणूनही ओळखले जाते, त्याला मुंबई पोलिसांनी गोळीबार प्रकरणात ताब्यात घेतले आहे. तो या प्रकरणातील मुख्य आरोपी होता.
अमेरिका आणि इराण यांच्यातील तणाव सातत्याने वाढत आहे. द वॉल स्ट्रीट जर्नलने अमेरिकन अधिकाऱ्यांच्या हवाल्याने सांगितले आहे की, राष्ट्राध्यक्ष ट्रम्प इराणविरुद्ध लष्करी पर्यायांवर विचार करत आहेत.
एक नगरसेवक पद काय जिंकले, तर सगळा मुंब्रा हिरवा करायला निघालेल्या सहर शेखला माफी मागावी लागली, पण तिने मागितलेल्या माफी नंतर माझी खासदार इम्तियाज जलील यांना “कंठ” फुटला आणि त्यांनी सगळा महाराष्ट्र हिरवा करायची धमकी दिली.