अजित पवारांच्या अकाली एक्झिट नंतर मित्र प्रेमापोटी देवेंद्र फडणवीस यांनी प्रचाराचा त्याग केला, पण एकनाथ शिंदे यांच्या मात्र या निवडणुकीतला प्रचार जोरात आला.
अजित पवारांच्या विमान अपघाताच्या आदल्या दिवशी अनेक घडामोडी घडल्या, त्यामुळे त्यांच्या विमान अपघातामागे काही घातपात आहे का याची चौकशी करावी, अशी मागणी राष्ट्रवादी कॉंग्रेस शरद पवार गटाच्या नेत्या रुपाली पाटील ठोंबरे यांनी केली आहे. तसेच अपघाताच्या दिवशी ऐनवेळी दोन्ही पायलट का बदलले असा सवालही ठोंबरे यांनी उपस्थित केला आहे.
यशवंत शिष्याची काय ही अवस्था??, सुनेच्या पक्षात सुद्धा विलीन होत येईना!!, अशी राजकीय स्थिती महाराष्ट्रात येऊन ठेपली आहे.
भारत सरकारने केंद्रीय अर्थसंकल्प 2026-27 मध्ये बांगलादेशला दिल्या जाणाऱ्या मदतीत मोठी कपात केली आहे. या वर्षी बांगलादेशसाठी फक्त 60 कोटी रुपये ठेवण्यात आले आहेत, तर गेल्या वर्षी 120 कोटी रुपये दिले होते. म्हणजेच भारताने बांगलादेशची मदत निम्मी केली आहे.
एकनाथ शिंदे हा शब्दाचा पक्का आहे, लाडक्या बहिणींना लखपती केल्याशिवाय थांबणार नाही. लवकरच आम्ही लाडक्या बहिणींना 2100 रुपये देणार, असे विधान उपमुख्यमंत्री एकनाथ शिंदे यांनी केले आहे. कोल्हापूरच्या कागल येथे एका जाहीर सभेत ते बोलत होते. ज्या उमेदवाराच्या मागे महिला, त्याचा मत पेटीत नंबर पहिला. त्यामुळे दर महिन्याला ओवाळणी देणारा हा भाऊ आज विनंती करायला आला असल्याचे यावेळी एकनाथ शिंदे म्हणाले.
उपमुख्यमंत्री अजित पवार यांच्या निधनानंतर दोन्ही राष्ट्रवादी काँग्रेसच्या विलीनीकरणाच्या चर्चेने राज्याच्या राजकारणात मोठे वादळ निर्माण केले आहे. “दोन्ही पक्ष १२ फेब्रुवारीला एकत्र येणार होते,” या शरद पवार आणि जयंत पाटील यांचा दावा मुख्यमंत्री देवेंद्र फडणवीस यांनी खोडून काढला आहे. “अजित पवार भाजपशी चर्चा केल्याशिवाय विलीनीकरणाचा निर्णय घेतील का?” असा थेट सवाल करत, राष्ट्रवादीने असा कोणताही निर्णय घेण्यापूर्वी भाजपशी चर्चा करणे आवश्यक असल्याची ‘अट’ मुख्यमंत्र्यांनी घातली आहे.
राज्याचे माजी उपमुख्यमंत्री अजित पवारांच्या अकाली निधनानंतर महाराष्ट्राच्या राजकारणात अनेक घडामोडी घडत आहेत. विशेषतः राष्ट्रवादी पक्षात व पवार कुटुंबात देखील अनेक हालचाली सुरू असल्याचे दिसून येत आहे. परंतु, या सगळ्यात राष्ट्रवादी कॉंग्रेस शरद पवार गटाचे आमदार सावध भूमिका घेताना दिसत आहे. तसेच त्यांनी अजितदादांचा तेरावा होईपर्यंत कुठलेही राजकीय भाष्य करणार नसल्याचे स्पष्ट केले आहे.
आज, तुमच्या ताटातील भाज्यांपासून ते हातातल्या स्मार्टफोनपर्यंत, बहुतेक गोष्टींचे दर जीएसटी कौन्सिल ठरवते. अर्थसंकल्पात तर फक्त आयात शुल्काच्या कमी-जास्त होण्यामुळे वस्तूंच्या किमती थोड्याफार वर-खाली होतात. या अर्थसंकल्पातून काय स्वस्त झाले आणि काय महाग झाले ते समजून घेऊया…
केंद्रीय अर्थमंत्री निर्मला सीतारमण यांनी आज संसदेत सलग नववे केंद्रीय बजेट सादर केले. ८५ मिनिटांच्या या भाषणात ‘विकसित भारत’ हे मुख्य उद्दिष्ट ठेवून विविध क्षेत्रांसाठी भरीव तरतुदी करण्यात आल्या आहेत. या अर्थसंकल्पाचे राज्याचे मुख्यमंत्री देवेंद्र फडणवीस यांनी स्वागत केले असून, “हा अर्थसंकल्प विकसित भारताकडे टाकलेले एक दमदार पाऊल आहे,” अशी प्रतिक्रिया त्यांनी दिली आहे. तसेच हायस्पीड रेल्वे कॉरिडॉरमुळे जीडीपीत मोठी वाढ होईल, असा विश्वासही मुख्यमंत्री फडणवीस यांनी व्यक्त केला.
अर्थमंत्री निर्मला सीतारमण यांनी आज, म्हणजेच 1 फेब्रुवारी रोजी संसदेत सर्वसाधारण अर्थसंकल्प 2026 सादर केला. या अर्थसंकल्पात कर्करोगावरील औषधांवरील शुल्क रद्द करण्यापासून ते शेअर बाजारात सिक्युरिटी ट्रान्झॅक्शन टॅक्स वाढवण्यापर्यंतच्या घोषणा करण्यात आल्या.
पंतप्रधान मोदींनी रविवारी अर्थसंकल्पावर बोलताना सांगितले की, ‘देशात सुधारणा एक्सप्रेस धावू लागली आहे. जे बदल करण्यात आले आहेत, ते अभिव्यक्तीने भरलेल्या भारताच्या धाडसी आणि प्रतिभावान तरुणांना मोकळे आकाश देतात
जानेवारी 2025 मध्ये GST संकलन 6.2% नी वाढून 1.93 लाख कोटी रुपयांच्या पुढे गेले आहे. 1 फेब्रुवारी रोजी जारी केलेल्या सरकारी आकडेवारीनुसार, जानेवारी 2025 मध्ये हा आकडा ₹1.82 लाख कोटी होता. सप्टेंबरमध्ये कमी केलेल्या कर दरांनंतरही संकलन सातत्याने वाढत आहे.
मुख्यमंत्री देवेंद्र फडणवीस यांनी टाकलेल्या राजकीय बॉम्बमुळे शरद पवारांच्या राष्ट्रवादी काँग्रेसमध्ये धुराळा उडाला. आता दोन राष्ट्रवादींचे विलीनीकरण होत नाही आणि झाले तर ते आपल्या अटी शर्तींवर होत नाही, हे लक्षात येताच आम्ही काय शस्त्र टाकून शरणागती पत्करायला जात नव्हतो, असा राणा भीमदेवी थाट पवारांच्या राष्ट्रवादीचे प्रांताध्यक्ष आमदार शशिकांत शिंदे यांनी आणला. जयंत पाटलांनी सुद्धा शशिकांत शिंदे यांच्या म्हणण्याला वेगळ्या शब्दांनी दुजोरा दिला, पण दोघांनीही अजित पवारांची शपथ वाहून विलीनीकरण करण्याचा आग्रह अजित पवारांचाच होता, असा वारंवार दावा केला
सोशल मीडियावरील सर्वात मोठ्या चेहऱ्यांपैकी एक असलेले खाबी लॅम आता एआयच्या जगात एक नवीन अध्याय लिहिणार आहेत. 2020 मध्ये ओव्हर-द-टॉप लाइफ हॅक्सवर न बोलता प्रतिक्रिया देऊन चर्चेत आलेले 25 वर्षीय लॅम आता डिजिटल ट्विनच्या माध्यमातून व्हर्च्युअल अवतारात समोर येणार आहेत.
अमेरिकन रेग्युलेटर सिक्युरिटी अँड एक्सचेंज कमिशन (SEC) ने दाखल केलेल्या दिवाणी फसवणूक प्रकरणात 15 महिन्यांनंतर गौतम अदानी आणि त्यांचे पुतणे सागर अदानी कायदेशीर नोटीस स्वीकारण्यास तयार झाले आहेत. न्यूयॉर्कमधील न्यायालयात दाखल केलेल्या कागदपत्रांनुसार, अदानींच्या वकिलांनी रेग्युलेटरची कागदपत्रे स्वीकारण्यास सहमती दर्शवली आहे.
पंतप्रधान नरेंद्र मोदीजी यांच्या नेतृत्त्वात केंद्रीय अर्थमंत्री निर्मला सीतारामन यांनी मांडलेला अर्थसंकल्प हा विकसित भारताकडे दमदार वाटचाल करणारा आहे. केंद्रीय करातून महाराष्ट्राला मिळणारा वाटा हा 98,306 कोटी रुपये इतका असणार आहे. याशिवाय अर्थसंकल्पाचे प्राथमिक आकलन करता, 12,355 कोटी विविध प्रकल्पांसाठी आहेत. त्यामुळे सुमारे 1 लाख कोटी महाराष्ट्राला मिळतील, असे मुख्यमंत्री श्री देवेंद्र फडणवीस यांनी आज सांगितले.
केंद्रीय अर्थमंत्री निर्मला सीतारामन यांनी आज सादर केलेल्या अर्थसंकल्पातून महाराष्ट्राला काय मिळाले??, याविषयी मुख्यमंत्री देवेंद्र फडणवीस यांनी आज मुंबईत माध्यमांशी संवाद साधला.
पाकिस्तानच्या बलुचिस्तान प्रांतात शनिवारी बलुच लिबरेशन आर्मी (BLA) ने एकाच वेळी 12 ठिकाणी हल्ले केले. न्यूज एजन्सी AFP नुसार, या हल्ल्यांमध्ये किमान 10 सुरक्षा कर्मचारी ठार झाले आहेत. प्रत्युत्तरादाखल केलेल्या कारवाईत 37 दहशतवादीही मारले गेले.
कामगार व रोजगार विभागाच्या वतीने डॉ. श्यामाप्रसाद मुखर्जी इनडोअर स्टेडियम, बांबोळी येथे करिअर कॉन्क्लेव्ह २०२६ चे आयोजन करण्यात आले. विद्यार्थ्यांना व युवकांना करिअर नियोजन, कौशल्य विकास तसेच उदयोन्मुख रोजगार संधींबाबत मार्गदर्शन देणे हा या उपक्रमाचा मुख्य उद्देश होता.
पाकिस्तान आपले कर्ज फेडण्यासाठी चीनच्या फायटर जेट्सची इतर देशांसोबत डीलिंग करत आहे. त्याने नायजेरिया, अझरबैजान, लिबिया, सौदी अरेबिया, मोरोक्को, इंडोनेशिया, इथिओपिया आणि सुदान यांसारख्या देशांना हे जेट्स विकले आहेत.
केंद्रीय अर्थमंत्री निर्मला सीतारामन यांनी यंदाच्या अर्थसंकल्पात gender – positive तरतुदी करण्यावर भर दिला. त्यांनी महिला आणि मुलांशी संबंधित मुद्दे पुन्हा एकदा केंद्रस्थानी आणले.
मायक्रोसॉफ्टचे सह-संस्थापक आणि अब्जाधीश बिल गेट्स यांनी रशियन मुलींशी संबंध ठेवल्याच्या आणि लैंगिक आजार झाल्याच्या आरोपांचे खंडन केले आहे.
आसामचे मुख्यमंत्री हिमंत बिस्व सरमा यांनी शनिवारी सांगितले की, काँग्रेसला केवळ बेकायदेशीर बांगलादेशी स्थलांतरितांची चिंता आहे, आसामच्या मूळ रहिवाशांच्या हिताची नाही.
विशेष प्रतिनिधी नवी दिल्ली : केंद्रीय अर्थमंत्री निर्मला सीतारमण यांनी आज 1 फेब्रुवारीला 2026-27 चा केंद्रीय अर्थसंकल्प संसदेत सादर केला. या अर्थसंकल्पातून त्यांनी युवकांसाठी पेटारा […]
शेतीपासून आरोग्यापर्यंत आणि रोजगार निर्मिती पासून शेअर मार्केट पर्यंत सर्वत्र संचार आणि विस्तार करणारा अर्थसंकल्प केंद्रीय अर्थमंत्री निर्मला सीताराम यांनी आज 2 फेब्रुवारी 2026 रोजी सादर केला.