पाकिस्तानची राजधानी इस्लामाबादमधील शिया मशिदीत शुक्रवारच्या नमाज दरम्यान आत्मघाती बॉम्बस्फोट झाला. पाकिस्तानी वृत्तपत्र द डॉननुसार, या हल्ल्यात ३१ जणांचा मृत्यू झाला आणि १६९ जण जखमी झाले. यापूर्वी, पाकिस्तानी माध्यमांच्या वृत्तामध्ये ६९ जणांचा मृत्यू झाल्याची माहिती होती.
अजित पवारांच्या अपघाती निधनानंतर त्यांच्या पत्नी तथा उपमुख्यमंत्री सुनेत्रा पवार यांचा शपथविधी अत्यंत घाईगडबडीत उरकण्यात आला. आता याविषयी उपमुख्यमंत्री एकनाथ शिंदे यांच्या नेतृत्वातील सत्ताधारी शिवसेनेच्या 2 बड्या मंत्र्यांनी प्रश्नचिन्ह उपस्थित केले आहे. शपथविधी लवकर कुणी करायला लावला? दुःखद घटनेनंतर लवकर शपथविधी लोकांना फारसे आवडले नाही, असे या मंत्र्यांनी म्हटले आहे.
भारताने सहाव्यांदा अंडर-१९ विश्वचषक जिंकला आहे. शुक्रवारी संघाने इंग्लंडवर १०० धावांनी विजय मिळवला. हरारे स्पोर्ट्स क्लब येथे झालेल्या सामन्यात भारतीय संघाने नाणेफेक जिंकून फलंदाजीचा निर्णय घेतला. संघाने ५० षटकांत ९ गडी गमावून ४११ धावा केल्या.
राज्यातील 12 जिल्हा परिषदा आणि 125 पंचायत समित्यांच्या सार्वत्रिक निवडणुकांसाठी शनिवारी मतदान सुरू आहे. छत्रपती संभाजीनगर, परभणी, धाराशिव, लातूर, पुणे, सातारा, सांगली, सोलापूर, कोल्हापूर, रायगड, रत्नागिरी आणि सिंधुदुर्ग या जिल्ह्यांत ही प्रक्रिया पार पडेल. अजित पवार यांच्या निधनामुळे ५ फेब्रुवारी रोजी होणारे हे मतदान पुढे ढकलण्यात आले होते.
औद्योगिक क्षेत्रात विदर्भाची घोडदौड सुरू असून विदर्भातल्या वेगवेगळ्या शहरांमध्ये आंतरराष्ट्रीय आणि राष्ट्रीय पातळीवरचे उद्योजक आकर्षित व्हावेत, त्यांनी वेगवेगळ्या शहरांमध्ये गुंतवणूक करून रोजगार निर्मिती करावी, यासाठी राज्यातल्या फडणवीस सरकारने पुढाकार घेतला असून मुख्यमंत्री देवेंद्र फडणवीस आणि केंद्रीय मंत्री नितीन गडकरी यांच्या हस्ते आज ‘ॲडव्हांटेज विदर्भ 2026 : खासदार औद्योगिक महोत्सवाचे आज उद्घाटन करण्यात आले.
मुख्यमंत्री देवेंद्र फडणवीस यांच्या प्रमुख उपस्थितीत महाराष्ट्र सरकार आणि महिंद्रा अँड महिंद्रा लिमिटेड यांमध्ये प्रमुख क्षेत्रांमध्ये नवीन ग्रीनफिल्ड उत्पादन सुविधा स्थापन करण्यासंदर्भात सामंजस्य करार करण्यात आला.
अजित पवारांच्या अकाली एक्झिट नंतर राष्ट्रवादी काँग्रेसच्या राष्ट्रीय अध्यक्ष पदासाठी शरद पवारांनी पार्थ पवार च्या नावाचा आग्रह धरला, अशी बातमी सकाळ समूहाच्या साम टीव्हीने दिली. पण त्यामुळेच कवडीची किंमत वाढली की बाहेरून आलेल्या पवारांची किंमत कमी करण्यासाठी पवारांनी नवी *खेळी” केली??, असा सवाल समोर आला
रशियाने बुधवारी सांगितले की, भारत कोणत्याही देशाकडून कच्चे तेल खरेदी करण्यास पूर्णपणे स्वतंत्र आहे. रशियाचे प्रवक्ते दिमित्री पेस्कोव म्हणाले की, रशिया कधीही भारताचा एकमेव ऊर्जा भागीदार राहिला नाही आणि पुरवठ्यातील बदलांना असामान्य किंवा चुकीचे मानले जाऊ शकत नाही.
बॉलिवूड अभिनेता राजपाल यादव यांनी दिल्ली उच्च न्यायालयाच्या आदेशानंतर गुरुवारी तुरुंगात आत्मसमर्पण केले. हे प्रकरण चेक बाऊन्सशी संबंधित आहे, ज्यात अलीकडेच दिल्ली उच्च न्यायालयाने राजपाल यादव यांना 4 फेब्रुवारी 2026 रोजी संबंधित तुरुंग अधीक्षकासमोर हजर राहण्याचे निर्देश दिले होते.
अजित पवार यांच्या अकाली एक्झिट मुळे सध्या राजकीय वर्तुळावर शोककळा पसरली आहे. राजकारणातील एक खंबीर नेतृत्व हरपल्याची भावना सर्वत्र व्यक्त होत आहे.
एप्सटीन फाइल्समध्ये नाव आल्याच्या चर्चेवर चित्रपट निर्माता अनुराग कश्यपने मौन सोडले आहे. कश्यपने सांगितले की, त्याचा एप्सटीन फाइल्स किंवा जेफ्री एप्सटीनच्या कोणत्याही गतिविधीशी कोणताही संबंध नाही.
मुंबई-पुणे एक्सप्रेस वेवरील वाहतूक कोंडी अखेर 32 तासानंतर सुरळीत झाली आहे. महामार्गावर असलेल्या घाटात गॅसचा कंटेनर आडवा झाल्याने या वाहतूक कोंडी झाली होती. या घटनेकडे सगळ्यांचेच लक्ष लागले होते. एकीकडे समृद्धी महामार्ग तयार केला आणि आता शक्तिपीठ महामार्गाच्या तयारीत असलेल्या सरकारचे या कोंडीमुळे अपयश समोर आले आहे. विशेष म्हणजे या मुंबई-पुणे एक्सप्रेस वेला पर्यायी मार्गाचा प्रस्ताव सार्वजनिक बांधकाम विभागाने दोन वर्षांपूर्वी
तामिळनाडूचे कृषी मंत्री एमआरके पन्नीरसेल्वम म्हणाले की, उत्तर भारतातून आलेल्या लोकांना फक्त हिंदी येते, त्यामुळे त्यांना चांगल्या नोकऱ्या मिळत नाहीत. ते तामिळनाडूत येऊन टेबल साफ करणे, मजुरी करणे किंवा पाणीपुरी विकणे यांसारखी कामे करतात.
अहमदाबादमधील मोटेरा येथील आसारामचा मुख्य आश्रम आता कायदेशीर वादात सापडला आहे. गुजरात उच्च न्यायालयाने आश्रमाची 45,000 चौरस मीटरपेक्षा जास्त जमीन राज्य सरकारच्या ताब्यात घेण्यास आणि बेकायदेशीर बांधकामे हटवण्यास मंजुरी दिली आहे.
मेघालयमधील ईस्ट जैंतिया हिल्स जिल्ह्यात गुरुवारी एका बेकायदेशीर कोळसा खाणीत स्फोट झाला. या अपघातात किमान 16 मजुरांचा मृत्यू झाला. अनेक मजूर अजूनही खाणीत अडकले असल्याची भीती आहे. ही माहिती राज्याच्या पोलिस महासंचालक आय. नोंगरांग यांनी दिली.
संजय राऊत यांनी आज त्यांच्या नियमित पत्रकार परिषदेत शरद पवारांना महाविकास आघाडी कडून राज्यसभेची निवडणूक लढवायची “ऑफर” दिली.
पंतप्रधान नरेंद्र मोदी यांनी राज्यसभेत राष्ट्रपतींच्या अभिभाषणावरील आभार प्रस्तावाला उत्तर दिले. त्यांच्या भाषणादरम्यान विरोधकांनी घोषणाबाजी सुरू केली. विरोधी पक्षाच्या नेत्यांनी राहुल गांधींना बोलण्याची परवानगी देण्याची मागणी केली आणि म्हटले की, हुकूमशाही चालणार नाही. पंतप्रधानांनी सुचवले की, खरगेजींचे वय पाहता, त्यांना बसून घोषणाबाजी करण्याची परवानगी द्यावी. त्यानंतर विरोधकांनी सभात्याग केला.
लोकसभा अध्यक्ष ओम बिर्ला यांनी गुरुवारी सांगितले की, बुधवारी लोकसभेत पंतप्रधान मोदींसोबत अनपेक्षित घटना घडू शकली असती. त्यामुळे त्यांचे काल संध्याकाळी 5 वाजता होणारे भाषण टाळावे लागले. शंकेमुळे मीच त्यांना न येण्याची विनंती केली होती.
सुप्रीम कोर्टाने अनिल धीरुभाई अंबानी ग्रुप (ADAG) संबंधित ₹40 हजार कोटींच्या बँक फसवणूक प्रकरणात तपास यंत्रणांवर नाराजी व्यक्त केली. कोर्टाने म्हटले की, CBI आणि ED तपासात झालेल्या विलंबाचे कारण सांगू शकल्या नाहीत. दोन्ही यंत्रणांनी आधीच बराच वेळ घेतला आहे. पुढे अशी दिरंगाई सहन केली जाणार नाही.
उपमुख्यमंत्री अजित पवार यांच्या विमान अपघातातील अकाली निधनाने संपूर्ण महाराष्ट्र सुन्न असतानाच, सिंचन घोटाळा पुराव्यानिशी बाहेर काढणारे जलसिंचन विभागाचे माजी मुख्य अभियंता विजय पांढरे यांनी या प्रकरणावर आपली अत्यंत रोखठोक आणि खळबळजनक प्रतिक्रिया दिली आहे. “अजित पवारांचा अपघात दुर्दैवी आहे, मात्र सरकारी चौकशी यंत्रणांवर माझा विश्वास राहिलेला नाही,” अशा शब्दांत पांढरे यांनी प्रशासकीय आणि न्यायालयीन व्यवस्थेवर तोफ डागली आहे.
प्रसिद्ध अमेरिकन अर्थशास्त्रज्ञ पीटर शिफ यांनी मोठ्या आर्थिक संकटाचा इशारा दिला आहे. शिफ यांचे मत आहे की, आपण अशा आर्थिक संकटाकडे वाटचाल करत आहोत, ज्याच्या तुलनेत 2008 ची मंदी मुलांच्या खेळासारखी वाटेल. डॉलर कोसळणार आहे आणि त्याची जागा सोने घेईल.
उपमुख्यमंत्री अजित पवार यांच्या विमान अपघाताने महाराष्ट्र सुन्न असतानाच, आता या अपघाताबाबत नवनवीन माहिती समोर येण्याची शक्यता निर्माण झाली आहे. “विमानात नक्की काय घडलं? कशा प्रकारे ही दुर्घटना झाली? याबाबत आमच्याकडे काही माहिती आली असून, ९ फेब्रुवारीनंतर मी यावर स्पष्टपणे भाष्य करणार आहे,” असे आमदार रोहित पवार यांनी सांगितले. आहे. तसेच दोन्ही राष्ट्रवादीच्या विलीनीकरणाबाबत पवार कुटुंबात कोणतीही राजकीय चर्चा झाली नाही, असेही त्यांनी सांगितले.
सामाजिक कार्यकर्त्या अंजली दमानिया यांनी आज पत्रकार परिषद घेत माजी उपमुख्यमंत्री अजित पवारांच्या मृत्यूवरून शंका उपस्थित केली. तसेच त्यांनी पार्थ पवार यांच्यावर जमीन घोटाळ्यावरून देखील भाष्य केले. यावरून त्यांच्यावर आता राष्ट्रवादी कॉंग्रेस अजित पवार गटाच्या नेत्या रुपाली चाकणकर यांनी थेट कारवाईचा इशारा दिला आहे. अंजली दमानिया यांची आजची पत्रकार परिषद ऐकून समाजामध्ये किती खालच्या पातळीची विकृत असू शकते, अशी टीका चाकणकर यांनी केली आहे.
पश्चिम बंगालमध्ये 21-40 वयोगटातील बेरोजगार लोकांना 1,500 रुपयांचा मासिक भत्ता दिला जाईल. मुख्यमंत्र्यांनी सांगितले की, जर त्यांचे सरकार पुन्हा सत्तेत आले, तर ही योजना 15 ऑगस्टपासून सुरू केली जाईल.
उत्तर प्रदेशातील गाझियाबादमध्ये तीन सख्ख्या बहिणींनी नवव्या मजल्यावरून उडी मारून आत्महत्या केली. मंगळवारी रात्री 2 वाजता तिन्ही बहिणींनी एकमेकींचा हात धरून बाल्कनीतून उडी मारली. पडण्याचा आवाज ऐकून कॉलनीतील लोक तिथे पोहोचले आणि त्यांनी पोलिसांना माहिती दिली.