\
महाराष्ट्र व गोवा बार कौन्सिलने सोमवारी सुप्रसिद्ध विधिज्ञ असीम सरोदे यांची वकिलीची सनद 3 महिन्यांसाठी रद्द करून त्यांना जोरदार झटका दिला. असीम सरोदे हे सुप्रीम कोर्टात शिवसेना पक्ष व चिन्हाविषयी सुरू असलेल्या सुनावणीत सहभागी असणाऱ्या वकिलांपैकी एक आहेत. पण आता त्यांची सनद रद्द झाल्यामुळे त्यांना या प्रकरणात कोणताही युक्तिवाद करता येणार नाही.
मविआकडून ठरवून फेक नरेटिव्हची बांधणी केली जात आहे. त्यासाठी निवडणूक आयोगावर टीका केली जात आहे. मविआमधील अनेक नेत्यांच्या मतदारसंघात ते जितक्या मतांनी निवडून आले त्या पेक्षा जास्त मुस्लिम दुबार मतदार आहेत, असा आरोप भाजपचे नेते मंत्री आशिष शेलार यांनी केला आहे. तर ठाकरे बंधूंना केवळ हिंदू दुबार मतदार दिसले असा टोलाही त्यांनी यावेळी लगावला आहे.
सोमवारी ईशान्य नेपाळमधील यालुंग री शिखरावर हिमस्खलन झाल्याने सात जणांचा मृत्यू झाला आणि चार जण जखमी झाले. ५,६३० मीटर उंचीच्या शिखराच्या बेस कॅम्पवर हिमस्खलन झाल्याने ही दुर्घटना घडली. अपघातानंतर चार जण बेपत्ता आहेत.
फलटण महिला डॉक्टर आत्महत्या प्रकरणी विरोधकांनी सरकारला चांगलेच घेरले आहे. शिवसेना ठाकरे गटाच्या सुषमा अंधारे यांनी थेट फलटण पोलिस स्टेशनसमोर ठिय्या आंदोलन केले होते. आता महाराष्ट्र नवनिर्माण सेनेचे माजी प्रवक्ते प्रकाश महाजन यांनी देखील राज्य महिला आयोगाच्या अध्यक्षा रुपाली चाकणकर आणि मंत्री जयकुमार गोरे यांच्यावर टीका केली आहे. मृत डॉक्टरचे चारित्र्यहनन करणाऱ्या रुपाली चाकणकर अजूनही पदावर कशा? अजित पवार अशा कोणत्या रूपात अडकले आहेत? असा सवाल महाजन यांनी विचारला आहे.
सोमवारी सर्वोच्च न्यायालयाने अश्लील व्हिडिओंवर बंदी घालण्याची मागणी करणाऱ्या याचिकेवर सुनावणी करण्यास नकार दिला. न्यायालयाने सप्टेंबरमध्ये नेपाळमध्ये झालेल्या जेन-झी निदर्शनांचा उल्लेख करत म्हटले की, “नेपाळमध्ये सोशल मीडिया ॲप्सवर बंदी घालण्यात आल्यानंतर काय झाले ते पाहा.”
मुंबई महानगरपालिका निवडणुकीच्या तोंडावर मराठी विरुद्ध अमराठी असा वाद पेटलेला असतानाच, शिवसेना शिंदे गटाचे आमदार प्रकाश सुर्वे यांनी केलेल्या वक्तव्यामुळे नवा वाद निर्माण होण्याची शक्यता आहे. एका कार्यक्रमात बोलताना सुर्वे यांनी वादग्रस्त विधान केले की, मराठी माझी आई आहे, तर उत्तर भारत माझी मावशी आहे. आई मेली तरी चालेल, मात्र मावशी मरायला नाही पाहिजे. या वादग्रस्त विधानामुळे सुर्वे यांनी मनसे आणि शिवसेना ठाकरे गटाला आयते कोलित दिले आहे, तसेच त्यांच्या या वक्तव्यामुळे मराठी विरुद्ध अमराठी वादाला आणखी हवा मिळून मोठा वादंग निर्माण होण्याची चिन्हे आहेत.
मध्य प्रदेशातील खंडवा जिल्ह्यातील पैठियान गावातील एका मदरशातील इमाम झुबेर अन्सारी यांच्या खोलीतून अंदाजे २० लाख रुपयांचे बनावट चलन जप्त करण्यात आले. बॅगेत ५०० रुपयांच्या नोटांचे बंडल होते. पोलिसांनी नोटा मोजल्या तेव्हा त्यांना १९.७८ लाख रुपयांचे बनावट चलन आढळले.
अंमलबजावणी संचालनालयाने (ईडी) अनिल अंबानी यांच्या रिलायन्स ग्रुपच्या ४० हून अधिक मालमत्ता जप्त केल्या आहेत. या मालमत्तांमध्ये अनिल अंबानी यांचे पाली हिल येथील घर देखील समाविष्ट आहे. जप्त केलेल्या मालमत्तांची एकूण किंमत ₹३,०८४ कोटी असल्याचा अंदाज आहे.
उपमुख्यमंत्री एकनाथ शिंदे यांनी पंजाब राज्यातील गुरुदासपूर जिल्ह्यातील घुमान येथे आयोजित करण्यात आलेल्या श्री संत नामदेव महाराज यांच्या ७५५ व्या जयंती निमित्त आयोजित करण्यात आलेल्या कार्यक्रमाला उपस्थित राहून स्थानिक नागरिकांशी संवाद साधला.
शांततेच्या नोबेल पासून अण्वस्त्र चाचण्यांपर्यंत डोनाल्ड ट्रम्पची फिरली मती; उरली नाही रणनीती!!, असंच म्हणायची वेळ अमेरिकन अध्यक्ष डोनाल्ड ट्रम्प यांनी नुकत्याच उधळलेल्या मुक्ताफळांवरून आली
अमेरिकेचे राष्ट्राध्यक्ष डोनाल्ड ट्रम्प यांनी चीनला तैवानवर हल्ला केल्यास गंभीर परिणाम भोगावे लागतील असा इशारा दिला आहे. ट्रम्प यांनी दावा केला की चीनचे राष्ट्राध्यक्ष शी जिनपिंग परिस्थिती चांगल्या प्रकारे समजतात.
नाशिकच्या दिंडोरी तालुक्यातील खेडगाव येथील राष्ट्रीय तिरंदाज अर्जुन सोनवणेचा राजस्थानच्या कोटा रेल्वे स्थानकावर अपघाती मृत्यू झाला. तो सहकाऱ्यांसह भटिंडाहून शकुरबस्ती- मुंबई सेंट्रल एसी स्पेशल ट्रेनने घरी परतत होता. कोटा रेल्वे स्थानकावर जेवणाचे पॅकेट घेण्यासाठी तो उतरत होता. चालत्या ट्रेनमधून उतरण्याची चूक त्याने केली आणि तो पडला. प्लॅटफॉर्म आणि ट्रेनमध्ये सापडून अडकल्याने त्याला गंभीर दुखापत झाली. रुग्णालयात उपचारासाठी त्याला दाखल करण्यात आले परंतु, त्याचा मृत्यू झाला.
ठाकरे बंधू आणि महाविकास आघाडीने दिली भाजपला संधी; आशिष शेलारांनी वाचली मुस्लिम दुबार मतदारांची यादी!!, असे आज घडले. त्यामुळे Vote chori विरुद्ध Vote jihad असा नवा डाव खेळायला सुरुवात झाली.
तेलंगणातील खम्मम जिल्ह्यातील मनुगुरु भागात रविवारी काँग्रेस कार्यकर्त्यांनी बीआरएस (भारत राष्ट्र समिती) च्या स्थानिक कार्यालयावर हल्ला केला. त्यांनी कार्यालयाची तोडफोड केली, फर्निचर जाळले आणि काँग्रेसचा झेंडा फडकावला.
राज्यातील जिल्हा मध्यवर्ती सहकारी बँकांच्या नोकरभरती प्रक्रियेवर अनेकदा अपारदर्शकतेचे आणि पैशांच्या व्यवहाराचे प्रश्न उपस्थित केले जात होते. या तक्रारींची दखल घेत राज्य शासनाने आता एक महत्त्वाचा निर्णय घेतला आहे. या बँकांमधील भरती प्रक्रिया आता ऑनलाईन पद्धतीने घेण्यात येणार असून, त्यासंबंधीचा शासन निर्णय जारी करण्यात आला आहे.
काँग्रेसचे बुद्धिमान मुख्य प्रवक्ते जयराम रमेश यांनी इंदिरा गांधींना त्यांच्या पुण्यतिथी निमित्त आदरांजली वाहताना अत्यंत चतुराईने बिहार विधानसभा निवडणुकीची पार्श्वभूमी निवडली
रविवारी पंतप्रधान मोदींनी भोजपूर आणि नवादा येथे जाहीर सभा घेतल्या. त्यांनी त्यांच्या सभांमध्ये काँग्रेस आणि राजदवर निशाणा साधला. त्यांनी असाही दावा केला की, काँग्रेस आणि राजदमधील संबंध बिघडले आहेत आणि निवडणुकीनंतर ते एकमेकांशी लढतील.
वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी उपमुख्यमंत्री अजित पवार यांच्यावर तीव्र शब्दांत टीका केली आहे. अजित पवार यांनी केलेल्या “सरकार शेतकऱ्यांचे कर्ज किती काळ माफ करत राहणार?” या विधानावर प्रतिक्रिया देताना आंबेडकर म्हणाले की, “अजित पवारजी, तुम्हाला महाराष्ट्रातील शेतकऱ्यांनी आत्महत्या कराव्यात असे वाटते का?”
प्रहारचे प्रमुख बच्चू कडू यांनी त्यांच्या शेतकरी आंदोलनावर टीका करणाऱ्या विरोधकांना जोरदार प्रत्युत्तर दिले आहे. ते म्हणाले की, राज्यभरात त्यांच्या आंदोलनाची प्रशंसा करण्याऐवजी बदनामी अधिक केली जात आहे आणि ‘आम्ही मॅनेज झालो’ असे बोलणाऱ्यांना लाज वाटत नाही का, असा सवाल त्यांनी केला आहे.
भारताचे माजी सरन्यायाधीश (CJI) न्यायमूर्ती एन.व्ही. रमणा म्हणाले की, त्यांच्यावर दबाव आणण्यासाठी त्यांच्या कुटुंबातील सदस्यांवर खटले दाखल करण्यात आले. ते शनिवारी अमरावती येथील व्हीआयटी-एपी विद्यापीठाच्या पाचव्या दीक्षांत समारंभात बोलत होते.
भारतीय लष्कराचे जनरल उपेंद्र द्विवेदी यांनी शनिवारी रेवा येथील टीआरएस कॉलेजमध्ये एका मेळाव्याला संबोधित केले. त्यांनी भविष्यातील युद्धाच्या गुंतागुंती, तांत्रिक धोके आणि बदलत्या जागतिक परिदृश्यावर विस्तृत चर्चा केली. त्यांनी अमेरिकेचे माजी राष्ट्राध्यक्ष डोनाल्ड ट्रम्प यांच्या अनपेक्षित विधानांवर आणि भारत आणि पाकिस्तानमधील “ऑपरेशन सिंदूर” बद्दल सुरू असलेल्या चर्चेवरही टीका केली.
राष्ट्राध्यक्ष डोनाल्ड ट्रम्प यांच्या दुसऱ्या कार्यकाळात अमेरिकेत भारतीय-अमेरिकन लोकांविरुद्ध द्वेषपूर्ण गुन्हे वाढले आहेत. बायडेन यांच्या कार्यकाळात दक्षिण आशियाई वंशाच्या लोकांविरुद्ध ऑनलाइन द्वेष आणि हिंसाचार मर्यादित होता.
अमेरिकेचे राष्ट्राध्यक्ष डोनाल्ड ट्रम्प यांनी नायजेरियाला कडक इशारा देत म्हटले आहे की, जर नायजेरियातील ख्रिश्चन लोकांवरील हत्या आणि हल्ले थांबले नाहीत, तर अमेरिका नायजेरियन सरकारला देण्यात येणारी सर्व आर्थिक आणि लष्करी मदत तात्काळ थांबवेल.
इजिप्तमधील गिझाच्या पिरॅमिडजवळील जगातील सर्वात मोठे संग्रहालय, ग्रँड इजिप्शियन संग्रहालय, शनिवारी जनतेसाठी खुले झाले. इजिप्तचे राष्ट्राध्यक्ष अब्देल फताह अल-सिसी आणि जगभरातील नेते उद्घाटन समारंभाला उपस्थित होते, ज्याच्या बांधकामासाठी १ अब्ज डॉलर्सपेक्षा जास्त खर्च आला होता.
जम्मू आणि काश्मीरचे मुख्यमंत्री ओमर अब्दुल्ला यांना सर्व बाजूंनी राजकीय हल्ल्यांना तोंड द्यावे लागत आहे. त्यांचा स्वतःचा पक्ष आणि आघाडीतील भागीदार काँग्रेस पक्ष आता उघडपणे नाराजी व्यक्त करत आहे, तर विरोधी पीडीपी आणि भाजपने त्यांचे हल्ले तीव्र केले आहेत. सूत्रांच्या माहितीनुसार, मुख्यमंत्री ओमर अब्दुल्ला यांच्या “एकतर्फी निर्णय घेण्याच्या” रणनीतींबद्दल वरिष्ठ काँग्रेस नेत्यांनी नाराजी व्यक्त केली आहे.