यशासाठी दृष्टीकोन फार महत्वाचा

By, Vishal Joshi - July 9, 2021 11:25:51

0

दर दिवशी, प्रत्येक सेकंदाला आपण निर्णय घेत असतो. या लहान-मोठ्या निर्णयांचा आपल्या आयुष्यावर परिणाम होत असतो. प्रत्येक निर्णय, कितीही छोटा का असेना, महत्वाचा असतोच. जीवनात यश येणार की अपयश हे अशाच त्या त्या वेळी घेतलेल्या अनेक छोट्या मोठ्या निर्णयातून ठरत असते. त्यामुळे आपण सतत सतर्क राहायला हवं. आयुष्यात किती आणि कसे पैसे कमवायचे हा तुमचा निर्णय असतो. Attitude is very important for success

तुम्हाला तो निर्णय घ्यावा लागतो व तो घेण्यासाठी तुम्हाला स्वतःला काही प्रश्न विचारायची गरज असते, जसे की मी माझं सगळं कर्ज लवकरात लवकर कधीपर्यंत फेडू शकतो? त्यासाठी मला काय करावं लागेल? माझ्या सध्याच्या नोकरी, व्यवसायापलीकडे मी जास्तीचे पैसे कमवण्यासाठी अजून काय करू शकतो? माझ्या वागण्यात किंवा कामाच्या पद्धतीत असा कोणता बदल गरजेचा आहे की ज्याच्यामुळे मला अधिक फायदा होईल? जे आपल्याकडे आहे त्यात समाधानी राहण्याने आपली प्रगती खुंटते आणि नवीन मार्ग आपण शोधू शकत नाही. सतत आज आहोत त्यापेक्षा पुढे जायची धडपड करत राहणे गरजेचे आहे. कदाचित यातून थोडी यातायात होईल पण जेव्हा शेवटी यश मिळते त्यावेळी त्याची मजा काही औरच असते. छोट्या छोट्या गोष्टीतूनच पुढे भविष्यात मोठे यश मिळत असते. तसेच जीवनात वाटचाल करताना एक मुद्दा नेहमी लक्षात टेवाव तो म्हणजे जीवनात कधीही हार मानू नका. हा खूप महत्वाचा मुद्दा आहे. तुमची वेळ आणि मेहेनत द्यायची तयारी असेल तर यश मिळवणे म्हणजे काही फार अवघड काम नाही.

तुम्हाला जर एखादी गोष्ट हवी असेल तर न कंटाळता, परीस्थितीमुळे न डगमगता तुम्ही तुमचे प्रयत्न चालू ठेवले पाहिजेत. असं झालं तर यश मिळेलच. एखाद्या अपयशाने खचून न जाता चिकाटीने पुढे जाण्यामुळेच यश मिळणार हे नक्की. यशासाठी तुमचा दृष्टीकोन फार महत्वाचा आहे. समोर असलेली संधी हेरण्यात तुम्ही यशस्वी झालात की झालं. मग शक्य असेल त्या चांगल्या मार्गाने, स्वकष्टाने तुम्ही वेगवेगळ्या पद्धतीने यश मिळवू शकता आणि ते सुद्धा कसलंही टेन्शन न घेता!