धर्मेंद्र प्रधानांच्या खाते बदलाच्या बातम्या चुकीच्या; भाजपच्या प्रवक्त्यांचा अधिकृत खुलासा!!

By, wankhadepravin - July 28, 2026 02:47:19

0

वृत्तसंस्था

नवी दिल्ली : केंद्र सरकारचे प्रतिनिधी आरोग्य मंत्री जगत प्रकाश नड्डा आणि केंद्रीय मंत्री जितेंद्र सिंह यांच्याशी कॉकरोच जनता पार्टीच्या प्रतिनिधींनी केलेल्या चर्चेत धर्मेंद्र प्रधानांच्या खाते बदलाच्या विषयी चर्चा झाल्याची बातमी आली. पण कॉकरोच जनता पार्टीच्या प्रतिनिधींनी सरकारचा तो प्रस्ताव फेटाळल्याचा दावा बातमीत केला. भाजपच्या अधिकृत प्रवक्त्यांनी बातमी आणि त्यातला दावा फेटाळून लावला.

भाजपचे खासदार संबित पात्रा म्हणाले, “आज सकाळी ‘द इंडियन एक्सप्रेस’मधील एक बातमी माझ्या वाचनात आली. या बातमीचे शीर्षक शिक्षण मंत्री धर्मेंद्र प्रधान यांच्या राजीनाम्याशी संबंधित होते. त्यात असे म्हटले होते की, केंद्रीय मंत्री (विशेषतः नड्डा जी आणि जितेंद्र सिंह जी) आणि CJP चे प्रतिनिधी यांच्यातील चर्चेदरम्यान, केंद्र सरकारच्या वतीने मंत्र्यांनी असा प्रस्ताव मांडला होता की शिक्षण मंत्र्यांचे खाते बदलले जाईल; त्यांना दुसरे एखादे मंत्रालय दिले जाईल आणि त्यांच्या जागी नवीन शिक्षण मंत्री येतील. पण ही बातमी चुकीची आहे.

#WATCH | Delhi: BJP MP Sambit Patra says, "This morning, I came across a report in The Indian Express. The headline concerned the resignation of the Education Minister Dharmendra Pradhan. It stated that during negotiations between Union Ministers—specifically Nadda ji and… pic.twitter.com/zyChd4d2P0

— ANI (@ANI) July 28, 2026

त्या बातमीत पुढे असा दावा करण्यात आला होता की, CJP ने या प्रस्तावाला तीव्र विरोध दर्शविला आणि तो मान्य करण्यास नकार दिला; आणि याच कारणामुळे शिक्षण मंत्र्यांना राजीनामा द्यावा लागला. आज, पक्षाचा अधिकृत प्रवक्ता म्हणून या संपूर्ण प्रकरणाचा आढावा घेतल्यानंतर, मला हे स्पष्ट करायचे आहे की प्रकाशित झालेली ही बातमी पूर्णपणे निराधार आहे. ती पूर्णपणे काल्पनिक असून तिला कोणताही ठोस आधार नाही. या बातमीला काहीही तथ्य नाही; केवळ खळबळ माजवण्याच्या उद्देशाने ती प्रसारित केली गेली आहे. कोणताही संभ्रम निर्माण होऊ नये म्हणून, पक्षाचे अधिकृत प्रवक्ता या नात्याने मी आज हे स्पष्टीकरण देत आहे, असे संबित पात्रा यांनी सांगितले.