विशेष प्रतिनिधी
मुंबई : Mumbai High Court उच्च न्यायालयाच्या इमारती, राज्यभरातील न्यायमूर्तींची निवासस्थाने आणि सर्व कनिष्ठ न्यायालयांच्या सुरक्षा ऑडिटचा तपशील सादर करा, असे निर्देश मुंबई उच्च न्यायालयाने पोलिस विभागाला दिले आहेत. १७ फेब्रुवारीला होणाऱ्या पुढील सुनावणीपूर्वी हा तपशील द्यावा लागणार आहे.Mumbai High Court
मुख्य न्यायमूर्ती श्री चंद्रशेखर आणि न्यायमूर्ती गौतम अंखड यांच्या खंडपीठाने नुकतेच हा आदेश दिला. न्यायालयीन अधिकारी व कायदेशीर क्षेत्रातील लोकांच्या सुरक्षेबाबत सुप्रीम कोर्टाच्या चिंतेच्या पार्श्वभूमीवर उच्च न्यायालयाने सुमोटो याचिका दाखल करत हे आदेश दिले.Mumbai High Court
देशभरातील न्यायालयीन सुरक्षेची दखल
झारखंडमध्ये २८ जुलै २०२१ रोजी धनबादचे अतिरिक्त सत्र न्यायमूर्ती उत्तम आनंद मॉर्निंग वॉकसाठी निघाले होते. त्या वेळी एका रिक्षाने त्यांना मागून जोरदार धडक दिली. यात त्यांचा मृत्यू झाला. नंतर ही हत्या असल्याचे उघड झाले. त्यानंतर देशभरातील न्यायालयीन अधिकाऱ्यांना भेडसावणाऱ्या धमक्यांची सर्वोच्च न्यायालयाने दखल घेतली होती. ‘न्यायमूर्ती आणि वकिलांना निर्भयपणे काम करता यावे यासाठी सुरक्षित वातावरण निर्माण करणे हे राज्याचे कर्तव्य आहे,’ असे निरीक्षण न्यायालयाने नोंदवले होते.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more
Download App