हैदराबादच्या सिगाची केमिकल फॅक्टरीत भीषण स्फोट; १० जणांचा मृत्यू , २० जण जखमी

By, Pravin Wankhade - June 30, 2025 02:00:39

0

स्फोटामुळे कारखान्याचा एक भाग पूर्णपणे कोसळला. स्फोट होताच संपूर्ण कारखान्यात आग पसरली

विशेष प्रतिनिधी

हैदराबाद – हैदराबादमधील एका केमिकल फॅक्टरीत सोमवारी मोठा स्फोट झाला. त्यामुळे संपूर्ण परिसरात घबराट पसरली. या स्फोटात अनेक जणांना आपला जीव गमवावा लागला आहे. तर १५-२० जण जखमी झाले आहेत. मिळालेल्या माहितीनुसार, हा स्फोट सिगाची केमिकल्स फॅक्टरीत झाला जिथे सकाळी रसायनांनी भरलेल्या टँकरचा अचानक स्फोट झाला. अपघातातील जखमींना जवळच्या रुग्णालयात दाखल करण्यात आले आहे. मदत आणि बचाव कार्य सुरू आहे. पोलिसांनी संपूर्ण घटनेचा तपास सुरू केला आहे.

माहितीनुसार, हा स्फोट पाटांचेरुवू परिसरात असलेल्या सिगाची केमिकल फॅक्टरीत झाला. प्राथमिक माहितीनुसार, या स्फोटात किमान १० जणांचा मृत्यू झाला आहे. तर १५ ते २० जण जखमी झाले आहेत. हा स्फोट सिगाची केमिकल फॅक्टरीच्या रिअॅक्टरमध्ये झाल्याचे सांगितले जात आहे. त्यानंतर कारखान्यात आग लागली.

Hindi Language GRs Canceled हिंदी भाषेसंदर्भातील दोन्ही शासन जीआर रद्द; CM देवेंद्र फडणवीसांची मोठी घोषणा

या स्फोटात अनेक कामगार गंभीररित्या भाजले आहेत. त्यापैकी अनेकांची प्रकृती गंभीर असल्याचे सांगण्यात येत आहे. तर काही लोक ढिगाऱ्यात अडकल्याची भीतीही व्यक्त केली जात आहे. असे सांगितले जात आहे की स्फोट इतका शक्तिशाली होता की अनेक कामगार हवेत १०० मीटर दूरवर पडले.

स्फोटामुळे कारखान्याचा एक भाग पूर्णपणे कोसळला. स्फोट होताच संपूर्ण कारखान्यात आग पसरली. आगीवर नियंत्रण मिळविण्यासाठी अग्निशमन दलाच्या अनेक गाड्या घटनास्थळी उपस्थित आहेत आणि मदत आणि बचाव कार्यात गुंतल्या आहेत.