राहुल गांधींशिवाय काँग्रेसकडून कोण असू शकतो पंतप्रधानपदाचा उमेदवार? शशी थरूर यांनी केला खुलासा|Apart from Rahul Gandhi, who can be the prime ministerial candidate from Congress? Shashi Tharoor disclosed

राहुल गांधींशिवाय काँग्रेसकडून कोण असू शकतो पंतप्रधानपदाचा उमेदवार? शशी थरूर यांनी केला खुलासा

प्रतिनिधी

नवी दिल्ली : काँग्रेसचे ज्येष्ठ नेते शशी थरूर यांनी पक्षाच्या पंतप्रधानपदाच्या उमेदवाराबाबत मोठा खुलासा केला आहे. थरूर यांनी सोमवारी सांगितले की, जर इंडिया आघाडीने लोकसभा निवडणुकीत विजय मिळवला तर काँग्रेस आपले राष्ट्रीय अध्यक्ष मल्लिकार्जुन खरगे किंवा राहुल गांधी यांना पंतप्रधान म्हणून नियुक्त करू शकते.Apart from Rahul Gandhi, who can be the prime ministerial candidate from Congress? Shashi Tharoor disclosed

निवडणुकीचे निकाल आश्चर्यकारक असतील

मिळालेल्या माहितीनुसार, शशी थरूर यांनी सोमवारी केरळची राजधानी तिरुअनंतपुरममधील टेक्नोपार्क येथे आपल्या कार्यालयाचे उद्घाटन केले. यानंतर त्यांनी एका अमेरिकन खासगी कंपनीच्या अधिकाऱ्यांशी चर्चा केली. यावेळी ते म्हणाले की, 2024 मध्ये होणाऱ्या लोकसभा निवडणुकीचे निकाल आश्चर्यकारक असू शकतात. भाजपला दूर करून जनता विरोधी आघाडीला संधी देऊ शकते. त्यामुळे वाट बघावी लागेल.

विशेषाधिकार भंग प्रकरणी राहुल गांधींना नोटीस : लोकसभा सचिवालयाने 15 फेब्रुवारीपर्यंत मागवले उत्तर

खरगे देशाचे पहिले दलित पंतप्रधान होऊ शकतात

थरूर म्हणाले की, जर विरोधी आघाडी जिंकली आणि सत्तेत आली तर सर्व विरोधी नेत्यांना पुन्हा एकत्र यावे लागेल. एका नेत्याची पंतप्रधानपदी निवड करावी लागेल. मला असे वाटते की काँग्रेस आपले राष्ट्रीय अध्यक्ष मल्लिकार्जुन खरगे किंवा माजी अध्यक्ष राहुल गांधी यांचे नाव सुचवू शकते. जर खरगे पंतप्रधान झाले तर ते देशाचे पहिले दलित पंतप्रधान असतील. त्याचवेळी थरूर यांनी राहुल गांधींवर विश्वास व्यक्त करत त्यांच्यावर जी काही जबाबदारी सोपवली जाईल, ती ते अधिक चांगल्या पद्धतीने पार पाडतील, असे सांगितले.

बैठकीला कोणते पक्ष उपस्थित होते?

इंडियाच्या आघाडीत एकूण 26 पक्षांचा समावेश आहे. यामध्ये भारतीय राष्ट्रीय काँग्रेस, अखिल भारतीय तृणमूल काँग्रेस, भारतीय कम्युनिस्ट पक्ष, भारतीय कम्युनिस्ट पक्ष (एम), राष्ट्रवादी काँग्रेस पार्टी, जनता दल (युनायटेड), द्रविड मुनेत्र कळघम, आम आदमी पार्टी, झारखंड मुक्ती मोर्चा, शिवसेना (UBT), राष्ट्रीय जनता दल, समाजवादी पार्टी, जम्मू आणि काश्मीर नॅशनल कॉन्फरन्स, पीपल्स डेमोक्रॅटिक पार्टी, CPI (ML), राष्ट्रीय लोक दल, IUML, केरळ काँग्रेस (M), MDMK, VCK, RSP, केरळ काँग्रेस, KMDK, AIFB यांचा समावेश आहे.