मोदी आडनावप्रकरणी आज सर्वोच्च सुनावणी; राहुल गांधींची शिक्षेला स्थगितीची मागणी; म्हणाले- कायदेशीर प्रक्रियेचा गैरवापर झाला|Supreme Court Hearing on Modi Surname Case Today; Rahul Gandhi's demand for suspension of sentence; He said

मोदी आडनावप्रकरणी आज सर्वोच्च सुनावणी; राहुल गांधींची शिक्षेला स्थगितीची मागणी; म्हणाले- कायदेशीर प्रक्रियेचा गैरवापर झाला

विशेष प्रतिनिधी

नवी दिल्ली : मोदी आडनाव बदनामीप्रकरणी राहुल गांधी यांच्या याचिकेवर आज सर्वोच्च न्यायालयात सुनावणी होणार आहे. 23 मार्च रोजी गुजरातच्या सत्र न्यायालयाने राहुल गांधींना दोन वर्षांची शिक्षा सुनावली होती. त्यामुळे राहुल यांची खासदारकी गेली होती.Supreme Court Hearing on Modi Surname Case Today; Rahul Gandhi’s demand for suspension of sentence; He said – the legal process was misused

त्यानंतर राहुल गांधींनी उच्च न्यायालयात धाव घेतली. तिथेही त्यांना दिलासा मिळाला नाही. 7 जुलै रोजी गुजरात उच्च न्यायालयाने आपल्या निकालात दोन वर्षांची शिक्षा कायम ठेवली. अखेर 15 जुलै रोजी राहुल गांधींनी शिक्षेविरोधात सर्वोच्च न्यायालयात याचिका दाखल केली.

पूर्णेश मोदी हे मोदी समाजातले नाहीत, मी माफी मागायचा प्रश्नच नाही, मी दोषीही नाही!!; राहुल गांधींचे सुप्रीम कोर्टात उत्तर

11 एप्रिल 2019 रोजी, राहुल गांधी यांनी कोलार, बेंगळुरू येथे निवडणूक रॅलीला संबोधित करताना मोदी आडनावाबाबत विधान केले. याविरोधात भाजप आमदार पूर्णेश मोदी यांनी मानहानीची तक्रार दाखल केली होती. सत्र न्यायालयात चार वर्षे खटला चालला आणि यावर्षी 23 मार्च रोजी निकाल लागला. मानहानीच्या प्रकरणात राहुलला कमाल दोन वर्षांची शिक्षा झाली आहे. त्यामुळे त्यांची खासदारकी गेली.

सर्वोच्च न्यायालयाचा दिलासा न मिळाल्यास 2031 पर्यंत निवडणूक लढवू शकणार नाहीत

राहुल यांना सर्वोच्च न्यायालयाकडून दिलासा मिळाला नाही, तर ते 2031 पर्यंत कोणतीही निवडणूक लढवू शकणार नाहीत. याप्रकरणी 23 मार्च 2023 रोजी राहुल गांधींना 2 वर्षांची शिक्षा सुनावण्यात आली होती. नियमानुसार त्यांना शिक्षा पूर्ण झाल्यानंतर 6 वर्षे निवडणूक लढविण्यास बंदी आहे. अशा परिस्थितीत त्यांची शिक्षा 2025 मध्ये पूर्ण होईल आणि त्यानंतर 6 वर्षांसाठी निवडणूक लढविण्यास बंदी असेल.