20 वर्षांतील ड्रग्जची सर्वात मोठी जप्ती, एनसीबीने 6 तस्कर पकडले, 15 हजार एलएसडी पाकिटे जप्त; डार्क वेबवरून करायचे व्यवहार|Biggest drug seizure in 20 years, NCB nabs 6 smugglers, seizes 15 thousand LSD packets; Transactions from dark web

20 वर्षांतील ड्रग्जची सर्वात मोठी जप्ती, एनसीबीने 6 तस्कर पकडले, 15 हजार एलएसडी पाकिटे जप्त; डार्क वेबवरून करायचे व्यवहार

वृत्तसंस्था

नवी दिल्ली : नार्कोटिक्स कंट्रोल ब्युरो (NCB) ने देशभरात पसरलेल्या मोठ्या ड्रग्ज सिंडिकेटचा खुलासा केला आहे.Biggest drug seizure in 20 years, NCB nabs 6 smugglers, seizes 15 thousand LSD packets; Transactions from dark web

एनसीबीचे डेप्युटी डीजी ज्ञानेश्वर सिंह यांनी मंगळवारी पत्रकार परिषदेत सांगितले की, देशात वेगवेगळ्या छाप्यांमध्ये अमली पदार्थांची तस्करी करणाऱ्या टोळीतील 6 जणांना अटक करण्यात आली आहे.

गुजरात : १६ वर्षांचा शाळकरी मुलगा फक्त पाच रुपयांसाठी करतोय ड्रग्जची तस्करी

सिंह म्हणाले की, तस्करांकडून लायसेर्जिक अॅसिड डायथिलामाइड (एलएसडी) या अंमली पदार्थाची 15,000 पाकिटे जप्त करण्यात आली आहेत. त्यांची बाजारातील किंमत हजारो कोटींच्या घरात आहे.

एनसीबीच्या म्हणण्यानुसार, 20 वर्षांतील ही आतापर्यंतची सर्वात मोठी जप्ती आहे. यापूर्वी, कर्नाटक पोलीस आणि कोलकाता एनसीबीने 2021-2022 मध्ये एलएसडीचे 5000 पाउच जप्त केले होते.

सिंह यांच्या म्हणण्यानुसार, संशयितांच्या सांगण्यावरून 2.5 किलो गांजा आणि 4.65 लाख रुपयांची रोकडही जप्त करण्यात आली आहे. त्याचबरोबर त्यांच्या बँक खात्यातून 20 लाख रुपयेही मिळाले आहेत.

सिंह यांनी सांगितले की, देशभरात पसरलेले हे सिंडिकेट डार्क वेब, क्रिप्टो करन्सी आणि परदेशी पोस्ट ऑफिसच्या माध्यमातून हा व्यवसाय चालवत होते. सोशल मीडियाच्या माध्यमातून अंमली पदार्थांचा व्यवहार होत होता.

अमेरिकेपासून केरळपर्यंत नेटवर्क

एनसीबीचे डेप्युटी डीजी ज्ञानेश्वर सिंह यांनी सांगितले की, या ड्रग्ज सिंडिकेटचे जाळे अमेरिका, पोलंड, नेदरलँड्सपासून दिल्ली-एनसीआर, राजस्थान, महाराष्ट्र, केरळ, तामिळनाडू आणि उत्तर प्रदेशपर्यंत पसरले होते. एनसीबी आणि इतर राज्यांच्या दिल्ली झोनल टीमच्या मदतीने या सिंडिकेटचा पर्दाफाश करण्यात आला आहे.