कर्नाटक काँग्रेसचे प्रमुख डीके शिवकुमार यांच्यावर गुन्हा दाखल, रॅलीमध्ये केला होता 500-500 च्या नोटांचा वर्षाव|Case filed against Karnataka Congress chief DK Shivakumar, raining 500-500 notes in rally

कर्नाटक काँग्रेसचे प्रमुख डीके शिवकुमार यांच्यावर गुन्हा दाखल, रॅलीमध्ये केला होता 500-500 च्या नोटांचा वर्षाव

वृत्तसंस्था

बंगळुरू : कर्नाटकात विधानसभा निवडणुकीचा बिगुल वाजला आहे. दक्षिण भारतातील हे राज्य जिंकण्यासाठी काँग्रेस आणि भाजपने जोरदार प्रचार सुरू केला आहे. येथे आता भाजपचे सरकार आहे. मात्र, काँग्रेसलाही सत्तेत येण्याची आशा आहे. 2024च्या सार्वत्रिक निवडणुकीपूर्वी हे राज्य जिंकून काँग्रेसला सकारात्मक वातावरण निर्माण करायचे आहे. पण काँग्रेससाठी हे तितकं सोपं नाही, कारण पक्ष येथे अंतर्गत कलहाचा सामना करत आहे. याशिवाय काँग्रेस प्रदेशाध्यक्ष डीके शिवकुमार यांच्यावरही गुन्हा दाखल करण्यात आला आहे.Case filed against Karnataka Congress chief DK Shivakumar, raining 500-500 notes in rally

कर्नाटकातून काँग्रेसला आशा आहेत, पण पक्षाच्या नेत्यांमुळे अडचणी निर्माण होत आहेत. प्रदेशाध्यक्ष डीके शिवकुमार यांच्यावर गुन्हा दाखल करण्यात आला आहे. त्यांनी रॅलीदरम्यान उधळलेल्या पैशांमुळे त्यांच्याविरुद्ध मध्यवर्ती पोलिसांनी गुन्हा दाखल केला आहे.

कर्नाटक निवडणुकीपूर्वीच काँग्रेसमध्ये दुफळी! सिद्धरामय्या यांच्या मुलाचा खुलासा- वडिलांना मुख्यमंत्री होण्याची महत्त्वाकांक्षा

व्हिडिओ व्हायरल झाला

Karnataka Congress President DK Shivakumar throwing 500rs currency notes on people during rally in Mandya pic.twitter.com/a66CC3rapI

— Wali- ವಾಲಿ (@bhairav_hara) March 28, 2023

काही दिवसांपूर्वी त्यांचा व्हिडिओ सोशल मीडियावर व्हायरल झाला होता. ज्यामध्ये डीके शिवकुमार 500-500 च्या नोटांचा वर्षाव करत होते. पोलिसांनी या व्हिडिओची दखल घेतली आहे. मात्र, यापूर्वी रॅलीत सांस्कृतिक कार्यक्रम करणाऱ्यांना पैसे देत असल्याचे स्पष्टीकरणात म्हटले होते.

काँग्रेस-भाजपमध्ये वार-पलटवार

Karnataka Congress chief DK Shivakumar booked by Mandya rural police after he was seen throwing Rs 500 currency notes at the artists during a yatra in Mandya district on March 28, say police

(File Pic) pic.twitter.com/OTXnfNHu4O

— ANI (@ANI) April 4, 2023

कर्नाटकात 10 मे रोजी निवडणुका आहेत. काँग्रेसची स्थिती येथे भक्कम आहे, पण भाजपही जोरदार मोहीम उघडली आहे. दोन्ही बाजूंनी संघर्ष आहे. काँग्रेसमध्ये डीके शिवकुमार विरुद्ध सिद्धरामय्या असा सामना आहे. डीके शिवकुमार हे स्वत:ला सीएमपदाचे उमेदवार मानतात, मात्र माजी सीएम सिद्धरामय्या आधीच आपली महत्त्वाकांक्षा जाहीर केली आहे.

येडियुरप्पा यांच्या मुलाने वरुणा मतदारसंघातून सिद्धरामय्या यांच्या विरोधात निवडणूक लढवावी अशी भाजपची इच्छा आहे, परंतु वडिलांची इच्छा आहे की त्यांनी शिकारीपुरा मतदारसंघातून निवडणूक लढवावी. काँग्रेसही आपली अंतिम उमेदवार यादी जाहीर करण्यापूर्वी 100 वेळा विचार करत आहे. यामुळे काँग्रेसमध्ये बंडाळीची भीती व्यक्त करण्यात येत आहे.