वृत्तसंस्था
नवी दिल्ली : काँग्रेस नेते राहुल गांधी हे अमेरिकेच्या दौऱ्यावर असून तिथे ते सातत्याने मोदी सरकारवर निशाणा साधत आहेत. संस्था कमकुवत करणे, विरोधकांना त्रास देणे, फोन टॅपिंग असे गंभीर आरोप करत राहुल गांधींनी केंद्र सरकारवर हल्लाबोल केला, पण एक मुद्दा असा होता की, ज्यावर काँग्रेस नेते मोदी सरकारच्या भूमिकेशी सहमत असल्याचे दिसले आणि परदेशी भूमीवर त्यांचे कौतुकही केले. राहुल गांधी यांनी रशिया-युक्रेन युद्धावर भारताची भूमिका सार्थ ठरवली आहे.Rahul Gandhi praised Prime Minister Modi’s move on foreign soil, what exactly did he say? Read in detail!
राहुल गांधी स्टॅनफोर्ड विद्यापीठात एका संवाद कार्यक्रमात सहभागी झाले होते. यादरम्यान रशिया-युक्रेन युद्धासंदर्भात विचारलेल्या प्रश्नावर राहुल गांधी यांनी आपण या मुद्द्यावर मोदी सरकारसोबत असल्याचे स्पष्ट केले. काँग्रेस नेते म्हणाले, आमचे रशियाशी संबंध आहेत. रशियावर आपले काही अवलंबित्व (संरक्षण) आहेत. त्यामुळे माझी भूमिका भारत सरकारसारखीच असेल. अखेर आपल्याला आपले हितही जपले पाहिजे.
भारताचे संबंध इतर ठरवू शकत नाहीत – राहुल
राहुल गांधी म्हणाले, भारत हा एक मोठा देश आहे आणि त्याचे संबंध नेहमीच मोठ्या संख्येने देशांशी राहतील. काही देशांशी आपले संबंध चांगले असतील, इतर देशांशी संबंध विकसित होतील. तो समतोल आहे, पण या लोकसमूहाशी भारताचे संबंध राहणार नाहीत असे म्हणणे भारतासाठी अवघड आहे. ते म्हणाले की, भारत हा एवढा छोटा आणि स्वयंपूर्ण देश नाही की त्याचे संबंध फक्त एकाशी असले पाहिजेत, बाकीच्यांशी नाही.
चीनबद्दल काय म्हणाले?
चीनबाबत काँग्रेस नेते म्हणाले की, लोकशाही जग अलोकतांत्रिक चीनचा मुकाबला करण्याची दृष्टी समोर आणण्यात अपयशी ठरले आहे. उत्पादनासाठी नवीन प्रणाली सुरू करण्याच्या गरजेवर त्यांनी भर दिला, ज्यामध्ये अमेरिका आणि भारत एकत्र काम करू शकतील.
येत्या 10 वर्षांत भारताच्या चीनसोबतच्या संबंधांबाबत राहुल गांधी म्हणाले, आता हे कठीण आहे. म्हणजे त्यांनी आमचा काही प्रदेश काबीज केला आहे. हे फार सोपे नाही. भारताला बाजूला ढकलले जाऊ शकत नाही. ते होणार नाही.
Rahul Gandhi praised Prime Minister Modi’s move on foreign soil, what exactly did he say? Read in detail!
महत्वाच्या बातम्या
- राहुल गांधी यांनी मुस्लिम लीगला दिले धर्मनिरपेक्ष पक्षाचे प्रमाणपत्र, भाजपचा पलटवार- असे सांगणे त्यांची मजबुरी!
- Chief Minister Relief Fund : आता एका मिस्ड कॉलवर मिळणार मुख्यमंत्री सहाय्यता निधीचा अर्ज; शिंदे – फडणवीस सरकारचा निर्णय
- छत्रपती शिवाजी महाराज यांच्या राज्याभिषेकाला आज ३५० वर्षे पूर्ण
- मुंबईच्या मालवणीत बांगलादेशींनी उभारलेल्या अनधिकृत बांधकामांवर हातोडा