प्रतिनिधी
तिरुवनंतपुरम : NCERT कडून वगळण्यात आलेला अभ्यासक्रम केरळमधील शाळांमध्ये शिकवण्याची शिफारस केली जात आहे. मुख्यमंत्री पिनारई विजयन यांनी आधीच याचे समर्थन केलेले आहे. पुस्तकांतून हटवण्यात आलेली मुघल इतिहास आणि गुजरात दंगलींची प्रकरणे पुन्हा अभ्यासक्रमात समाविष्ट करण्याचे त्यांचे प्रयत्न आहेत.NCERT to teach deleted syllabus in Kerala, re-introduce case of Gujarat riots
NCERT ने शालेय पाठ्यपुस्तकांतून मुघल इतिहास, गुजरात दंगल आणि डार्विनचा सिद्धांत हटवला होता. या संदर्भात केरळातील अभ्यासक्रम ठरवणाऱ्या समितीने मंगळवारी एक बैठक घेतली. यात NCERT ने हटवलेला भाग अभ्यासक्रमात पुन्हा समाविष्ट करण्याची सूचना देण्यात आली.
बैठकीत पुरवणी पाठ्यपुस्तक तयार करण्याची सूचना
राज्याचे शिक्षणमंत्री व्ही. सिवानकुट्टी म्हणाले की, अभ्यासक्रम ठरवणाऱ्या समितीने निर्णय घेतला आहे की, NCERT हटवलेला भागही मुलांना शिकवायला हवा. याविषयी केरळचे मुख्यमंत्री आणि केंद्राला माहिती दिली जाईल. यासोबतच NCERT ने गरजेचा भाग हटवल्याबद्दल पंतप्रधान आणि केंद्रिय शिक्षण मंत्र्यांकडे तक्रारही केली जाईल.
यावर चर्चा करून अंतिम निर्णय घेण्यासाठी समितीने शिक्षणमंत्री सिवानकुट्टी यांची निवड केली आहे. या बैठकीत पुरवणी पाठ्यपुस्तक तयार करण्याची सूचनाही करण्यात आली आहे. या प्रकरणी अंतिम निर्णय राज्य सरकार आणि मुख्यमंत्री पिनारई विजयन घेतील.
NCERT कडून अभ्यासक्रमातील काही भाग वगळण्याच्या निर्णयाला केरळ सरकारने सुरूवातीपासूनच विरोध केला आहे. राजकीय हेतूने पाठ्यपुस्तकांतून काही प्रकरणे आणि घटना हटवण्याचा निर्णय हा केवळ इतिहासाशी छेडछाड नसून आक्षेपार्हही आहे असे मुख्यमंत्री पिनारई विजयन यांनी म्हटले आहे.
NCERT to teach deleted syllabus in Kerala, re-introduce case of Gujarat riots
महत्वाच्या बातम्या
- आसामचे मुख्यमंत्री हिमंता बिस्वा सरमा यांचा राहुल गांधींना सवाल, ‘हिंमत असेल तर पवारांच्या अदानींसोबतच्या संबंधांवर प्रश्न विचारा?’
- Operation Kaveri: सुदानमधून भारतीयांना घेऊन दिल्लीत पोहोचले विमान, नागरिकांच्या ‘भारतीय सेना झिंदाबाद, पीएम मोदी झिंदाबाद’च्या घोषणा
- पुंछ हल्ल्यानंतर पाकिस्तानला भरली धडकी, आणखी एका ‘सर्जिकल स्ट्राईक’ची भीती
- चीनच्या प्रत्येक कृतीला भारतही देणार जशास तसे उत्तर! LAC वर रस्ते आणि रेल्वे कनेक्टिव्हिटीवर फोकस