तृणमूल काँग्रेसच्या प्रमुख आणि पश्चिम बंगालच्या मुख्यमंत्री ममता बॅनर्जी या तीन दिवसांच्या दौऱ्यावर गुरुवारी संध्याकाळी गोव्यात पोहोचणार आहेत. पश्चिम बंगाल विधानसभा निवडणुकीत टीएमसीच्या विजयानंतर ममता बॅनर्जी यांचा दुसऱ्या राज्याचा दौरा आहे. याआधी त्यांनी नवी दिल्लीचा दौरा केला होता. त्यांचा हा पहिलाच गोवा दौरा आहे. गोवा दौऱ्यात ममता बॅनर्जी यांचा चहापान, धार्मिक स्थळांना भेटी, पदयात्रा आणि स्थानिक मच्छिमार, बुद्धिजीवी आणि प्रसारमाध्यमांच्या भेटीसह तीन दिवसांचा व्यग्र कार्यक्रम असणार आहे. Mamata Banerjee Mission Goa From today many programs including Padayatra Elections 2022
वृत्तसंस्था
पणजी : तृणमूल काँग्रेसच्या प्रमुख आणि पश्चिम बंगालच्या मुख्यमंत्री ममता बॅनर्जी या तीन दिवसांच्या दौऱ्यावर गुरुवारी संध्याकाळी गोव्यात पोहोचणार आहेत. पश्चिम बंगाल विधानसभा निवडणुकीत टीएमसीच्या विजयानंतर ममता बॅनर्जी यांचा दुसऱ्या राज्याचा दौरा आहे. याआधी त्यांनी नवी दिल्लीचा दौरा केला होता. त्यांचा हा पहिलाच गोवा दौरा आहे. गोवा दौऱ्यात ममता बॅनर्जी यांचा चहापान, धार्मिक स्थळांना भेटी, पदयात्रा आणि स्थानिक मच्छिमार, बुद्धिजीवी आणि प्रसारमाध्यमांच्या भेटीसह तीन दिवसांचा व्यग्र कार्यक्रम असणार आहे.
टीएमसीने जाहीर केलेल्या कार्यक्रम यादीनुसार, “पश्चिम बंगालच्या मुख्यमंत्री 28 ऑक्टोबर रोजी सायंकाळी 5.30 वाजता गोव्यात पोहोचतील. ममता बॅनर्जी यांचा हा पहिलाच गोवा दौरा आहे. तृणमूल काँग्रेसने फेब्रुवारी २०२२ मध्ये होणाऱ्या विधानसभा निवडणुका लढवण्याचा निर्णय घेतला आहे. “त्यांच्या भेटीदरम्यान ममता बॅनर्जी या राज्यातील विचारवंत, व्यावसायिक आणि इतरांच्या भेटी घेतील,” असे टीएमसीच्या प्रवक्त्याने सांगितले.
या तीन दिवसांत ममता बॅनर्जी धार्मिक स्थळांपासून ते गजबजलेल्या भागात आणि बाजारहाटापासून सर्वत्र जाण्याचा प्रयत्न करणार आहेत. तृणमूल प्रमुख गोव्यातील प्रतिष्ठित लोकांसह चहापानाला उपस्थित राहणार आहेत. यामध्ये गोव्यातील महत्त्वाचे राजकारणी, पत्रकार आणि इतर प्रमुख लोकांना चहापानासाठी आमंत्रित करण्यात आले आहे. ममता बॅनर्जी आपल्या तीन दिवसांच्या दौऱ्यात गोव्यातील मच्छिमारांशी चर्चा करण्याचीही योजना आखत आहेत. तिसर्‍या दिवशी त्या गोव्यातील प्रतिष्ठित लोकांसोबत दुपारचे जेवण घेतील. सुमारे 800 प्रमुख लोकांना स्नेहभोजनासाठी आमंत्रित करण्यात आले आहे.
काँग्रेससाठी थांबणार नाही, भाजपशी लढायला तृणमूल खंबीर!
गुरुवारी TMC चे मुखपत्र जागो बांगलामध्ये प्रकाशित झालेल्या संपादकीयमध्ये असे लिहिले आहे की, “टीएमसी ममता बॅनर्जी आणि अभिषेक बॅनर्जी यांच्या नेतृत्वाखाली आपली शक्ती वाढवत राहील आणि नंतर जेव्हा विरोधी आघाडीसोबत कोणतेही प्रभावी पाऊल उचलण्याची वेळ येईल तेव्हा तृणमूल देशहिताचा निर्णय घेईल. युतीचे दरवाजे खुले आहेत. काँग्रेसशिवाय तृणमूल चालणार नाही. पुन्हा तृणमूल शतकानुशतके जुन्या पक्षासाठी वेळ वाया घालवणार नाही. काँग्रेस सध्या चळवळीत नाही. फक्त ट्विटरवर आहे. भाजपच्या विरोधात विरोधी पक्षांना एकत्र आणण्याच्या प्रयत्नात त्यांचा पक्ष काँग्रेससाठी अनिश्चित काळासाठी थांबू शकत नाही, असेही त्यात नमूद आहे.
Mamata Banerjee Mission Goa From today many programs including Padayatra Elections 2022
महत्त्वाच्या बातम्या
- राज्याबाहेरील विद्यार्थ्यांना कन्नडसक्ती नको , कर्नाटक उच्च न्यायालयाचे मत
- कोरोना लसीकरणात मागास जिल्ह्यांमध्ये ‘हर घर दस्तक’ केंद्र सुरू होणार
- शर्लिन चोप्राने राज कुंद्रा आणि शिल्पा शेट्टी यांच्याकडून केली ७५ कोटींची मागणी , मानसिक छळाचा केला आरोप
- पश्चिम बंगालमध्ये कोरोनाचे रुग्ण वाढतायत; सोनारपूर नगरपालिका क्षेत्रात आजपासून तीन दिवसांचा लॉकडाऊन