वृत्तसंस्था
श्रीनगर : जम्मू-काश्मीरमध्ये सोमवारी रात्री उशिरा एक मोठी घटना उघडकीस आली. जम्मू-काश्मीरचे पोलीस महासंचालक (तुरुंग) हेमंत लोहिया यांची त्यांच्या राहत्या घरी गळा चिरून हत्या करण्यात आली. या हल्ल्याची जबाबदारी TRF (द रेझिस्टन्स फ्रंट) या दहशतवादी संघटनेने स्वीकारली आहे. याबाबत एक कथित पत्र समोर आले आहे. मात्र, या घटनेनंतर हेमंत लोहियांचा घरगुती नोकरही फरार आहे.J&K DG Murder Jammu and Kashmir DG Hemant Lohia murdered in his residence, terrorist organization TRF claims responsibility
एका वरिष्ठ पोलीस अधिकाऱ्याने यासंदर्भात माहिती दिली आहे. अतिरिक्त पोलीस महासंचालक (जम्मू प्रदेश) मुकेश सिंग यांनी सांगितले की, घटनेपासून घरगुती मदतनीस फरार आहे. पोलिसांनी त्याचा शोध सुरू केला आहे. केंद्रीय गृहमंत्री अमित शाह जम्मू-काश्मीरच्या दौऱ्यावर असताना ही घटना घडली आहे. हेमंत लोहिया हत्येप्रकरणी त्यांनी जम्मू-काश्मीरच्या डीजीपींकडून संपूर्ण अहवाल घेतला. यासोबतच आरोपींना तात्काळ अटक करण्याच्या सूचना देण्यात आल्या आहेत.
1992 बॅचचे आयपीएस
अतिरिक्त पोलीस महासंचालक (जम्मू प्रदेश) मुकेश सिंह यांनी सांगितले की, 1992 च्या बॅचचे आयपीएस अधिकारी हेमंत लोहिया (52 वर्षे) हे शहराच्या बाहेरील त्यांच्या उदयवाला निवासस्थानी मृतावस्थेत आढळले. माहिती मिळताच पोलीस पथक घटनास्थळी पोहोचले असता त्याचा गळा चिरलेला होता. घटनास्थळ पाहता ही हत्या संशयास्पद असल्याचे दिसून येत आहे. सध्या लोहियाचा नोकर फरार आहे. त्याच्या शोधासाठी अनेक पथके तयार करण्यात आली आहेत. त्याचवेळी फॉरेन्सिक आणि गुन्हे अन्वेषण पथकाने लोहिया यांच्या घराचीही तपासणी केली. जम्मू-काश्मीर पोलिसांनी दिलेल्या माहितीनुसार, त्याच्या खोलीतून एक तुटलेली बाटली सापडली आहे.
ऑगस्टमध्ये मिळाली होती मोठी जबाबदारी
अतिरिक्त पोलीस महासंचालक (जम्मू झोन) मुकेश सिंह म्हणाले की, जम्मू आणि काश्मीर पोलीस कुटुंब त्यांच्या वरिष्ठ अधिकाऱ्याच्या मृत्यूबद्दल शोक व्यक्त करत आहे. लोहिया यांना ऑगस्टमध्ये पोलीस महासंचालक (कारागृह) बनवण्यात आले होते. त्याचवेळी हेमंतच्या मृत्यूची बातमी ऐकून त्याच्या कुटुंबीयांची अवस्था वाईट झाली आहे.
जम्मू-काश्मीरपासून दिल्लीपर्यंत अलर्ट
हेमंत लोहिया यांच्या हत्येची बातमी मिळताच जम्मू-काश्मीर अलर्ट मोडवर आले. त्याचवेळी त्याचा प्रभाव दिल्लीपर्यंत दिसून आला आणि गुप्तचर यंत्रणा सतर्क झाली आहे. केंद्रीय गृहमंत्री अमित शहा यांनी सोमवारपासून जम्मू-काश्मीरचा तीन दिवसांचा दौरा सुरू केला आहे. अशा स्थितीत तिथे राहूनही एवढी मोठी घटना घडल्याने कुठेतरी सुरक्षेचा प्रश्न निर्माण होतो. अमित शाह आज त्यांच्या दौऱ्याच्या दुसऱ्या दिवशी माता वैष्णोदेवीच्या दर्शनाला जाणार आहेत. तेथे मंदिरात प्रार्थना केल्यानंतर ते राजौरी येथे एका जाहीर सभेला संबोधित करतील आणि अनेक विकास प्रकल्पांचे उद्घाटन आणि पायाभरणी करतील.
J&K DG Murder Jammu and Kashmir DG Hemant Lohia murdered in his residence, terrorist organization TRF claims responsibility
महत्वाच्या बातम्या
- पवारांच्याच हस्ते महर्षी पुरस्कार स्वीकारताना सुशीलकुमारांनी काढली वसंतदादांचे सरकार पवारांनी पाडल्याची आठवण
- लम्पी आजारातून गोधन संपवण्याचा भाजप सरकारचा डाव, लम्पीग्रस्त नायजेरियातून आणले चित्ते!; नानांचा जावईशोध
- एसटी गाड्यांचे बुकिंग : दसरा मेळाव्यासाठी किती पण होऊ दे खर्च; ठाकरे – शिंदे गर्दी ‘खेचण्यात’ गर्क
- कॅनडात भगवद् गीता पार्कमध्ये तोडफोड : भारताने केला निषेध, हेटक्राइमच्या चौकशीचे आदेश