विशेष प्रतिनिधी
नवी दिल्ली : रशिया आणि युक्रेनमधील युद्धाचा आज १२ वा दिवस आहे. १२व्या दिवशी रशियाने युक्रेनच्या अनेक शहरांमध्ये हल्ले तीव्र केले आहेत. खार्किवमधील अनेक निवासी भागांवरही हल्ले झाले आहेत. दरम्यान, दोन्ही देशांचे शिष्टमंडळ आज तिसऱ्यांदा चर्चा करणार आहेत. यापूर्वी झालेल्या चर्चेत सुरक्षित कॉरिडॉरवर एकमत झाले होते. आज होणाऱ्या चर्चेत युद्धविरामावर चर्चा होऊ शकते. Crude oil At 125 dollar a barrel
कच्च्या तेलाचा दर प्रति बॅरल १२५ डॉलरवर पोहोचला, युक्रेनच्या संकटाच्या पार्श्वभूमीवर कच्च्या तेलाच्या किमती सातत्याने वाढत आहेत. बातम्यांनुसार, आंतरराष्ट्रीय बाजारात कच्च्या तेलाची किंमत प्रति बॅरल १० डॉलरने वाढून १२५ डॉलरवर पोहोचली आहे.
पंतप्रधान मोदी आज झेलेन्स्की यांच्याशी बोलणार
पंतप्रधान नरेंद्र मोदी आज युक्रेनचे राष्ट्राध्यक्ष व्होलोडिमिर झेलेन्स्की यांच्याशी फोनवर चर्चा करणार आहेत. सूत्रांनी दिलेल्या माहितीनुसार, युक्रेनच्या संकटाच्या काळात पंतप्रधान मोदी भारतीय विद्यार्थ्यांच्या सुरक्षेसाठी आणि युद्ध टाळण्यासाठी फोनवर चर्चा करणार आहेत.
दरम्यान, कीवमध्ये सैनिकांच्या गोळीबारात जखमी झालेला भारतीय विद्यार्थी हरजोत सिंग लवकरच भारतात परतणार आहे. गोळी लागल्याने हरजोतचा पासपोर्टही हरवला असल्याचे ट्विट केंद्रीय मंत्री जनरल व्ही के सिंह यांनी केले आहे. मात्र, मंगळवारी तो भारतात परतणार आहे.
Crude oil At 125 dollar a barrel
महत्त्वाच्या बातम्या
- उत्तर प्रदेशातील ८० विरुध्द २० ची लढाई, योगी आदित्यनाथ यांचा ३२५ जागा जिंकण्याचा दावा
- दिल्लीमध्ये चालणार पहिली हायड्रोजन कार, नितीन गडकरी यांची माहिती
- पुण्यात मेट्रोचे उद्घाटनही झाले, पण मुंबईत बेबी पेंग्विन अजून जागा शोधताहेत, नितेश राणेंचा आदित्य ठाकरेंना टोला
- पिंपरीत देवेंद्र फडणवीसांच्या गाड्यांवर राष्ट्रवादीची चप्पलफेक, नितेश राणेंचा राष्ट्रवादीला जशास तसेचा इशारा