विशेष प्रतिनिधी
अमृतसर : पंजाबमध्ये कॅ. अमरिंदर सिंग यांच्या राजीनाम्यानंतर कॉँग्रेसची अवस्था नाजूक झाल्याचे पुन्हा एकदा समोर आले आहे. तब्बल ५० वर्षे कॉँग्रेसचा झेंडा हाती घेऊन राजकारणात असलेल्या एका ज्येष्ठ नेत्याने न्याय मिळत नसल्याने आम आदमी पक्षात (आप) प्रवेश केला आहे.Congress flag in hand for fifty years, senior leader from Punjab joins AAP due to lack of justice
ज्येष्ठ नेते आणि माजी मंत्री जोगींदर मान यांनी काँग्रेसला राजीनामा दिल्याच्या एका दिवसानंतर शनिवारी आम आदमी पक्षात प्रवेश केला. जोगींदर मान यांचा राजीनामा हा काँग्रेस पक्षासाठी मोठा धक्का मानला जात आहे. त्यांनी पंजाब विधानसभा निवडणुकीच्या अवघ्या काही आठवड्यांपूर्वी पक्षाशी असलेले त्यांचे ५० वर्षांचे संबंध तोडले आहेत.
जोगींदर मान हे पंजाबमधील अनुसूचित जातीचे नेते आहेत. ते शिष्यवृत्ती घोटाळ्यातील दोषींवर कोणतीही कारवाई न केल्याबद्दल पंजाबमधील काँग्रेस सरकारवर नाराज होते. फगवाडा या त्यांच्या मतदारसंघाला जिल्ह्याचा दर्जा देण्याच्या वारंवार केलेल्या मागण्यांकडे दुर्लक्ष केले जात होते.
याच नाराजीतून त्यांनी काँग्रेसचा राजीनामा दिला आणि आम आदमी पक्षात प्रवेश केला.आपचे आमदार आणि पंजाबचे सह-प्रभारी राघव चढ्ढा यांनी जोगींदर मान यांचं पक्षात स्वागत केलं. ते म्हणाले की, मान यांच्यासारख्या दिग्गज नेत्याच्या आप प्रवेशामुळे राज्यात पक्षाला मोठी चालना मिळेल.
Congress flag in hand for fifty years, senior leader from Punjab joins AAP due to lack of justice
महत्त्वाच्या बातम्या
- टेक्सासच्या सिनेगॉगमध्ये चार जण ओलीस,पाकिस्तानी शास्त्रज्ञाच्या सुटकेची मागणी
- संजय राऊत राहताहेत राष्ट्रवादीला धरून; शिवसेना नेते मात्र ठोकताहेत राष्ट्रवादीला घेरून!!
- ती पडली बहिणीच्या नणंदेच्या प्रेमात, २२ वर्षीय तरुणीने केला १८ वर्षीय तरुणीशी लेस्बियन विवाह
- विरोधक धर्मांच्या राजकारणात अडकले, उत्तर प्रदेशात भाजपने सामाजिक न्यायाचा डंका