विशेष प्रतिनिधी
नवी दिल्ली : पंतप्रधान नरेंद्र मोदी यांनी आज नवीन संसद भवनाचे उद्घाटन केले. तत्पूर्वी, पंतप्रधान मोदींनी अधिनाम संतांच्या उपस्थितीत ऐतिहासिक ‘सेंगोल’ स्थापित केले. एक दिवस आधी शनिवारी (27 मे) तामिळनाडूहून आलेल्या अधिनाम संतांनी हा ऐतिहासिक राजदंड पंतप्रधान मोदींना सुपूर्द केला. जाणून घेऊया या सेंगोलची खासियत.5 historical interesting aspects of the scepter installed by Prime Minister Modi in Parliament
सेंगोलबद्दल 5 रंजक गोष्टी
1. लोकसभेच्या अध्यक्षांच्या आसनाजवळ सेंगोल स्थापित केले आहे. सेन्गोल हा शब्द तमिळ शब्द सेम्माईपासून आला आहे. याचा अर्थ – नैतिकता. आता सेंगोल हे देशाचे पवित्र राष्ट्रीय चिन्ह म्हणून ओळखले जाईल.
2. केंद्रीय गृहमंत्री अमित शहा म्हणाले होते की, ब्रिटिश राजवटीतून भारतात हस्तांतरित झालेल्या सत्तेचे प्रतीक असलेले ऐतिहासिक ‘सेंगोल’ नवीन संसद भवनात स्थापित केले जाईल. ‘सेंगोल’ आतापर्यंत प्रयागराजमधील संग्रहालयात ठेवण्यात आले होते.
3. तामिळनाडूचे चोल राज्य हे भारतातील एक प्राचीन राज्य होते. तेव्हा चोल सम्राट सेंगोलच्या सुपूर्द करून सत्ता हस्तांतरित करत असे. भगवान महादेवाचे आवाहन करत ते राजाकडे सुपूर्द करण्यात यायचे. राज गोपालाचारी यांनी नेहरूंना ही परंपरा सांगितली.
4. यानंतर पंडित जवाहरलाल नेहरू यांनी सेंगोल परंपरेनुसार सत्ता हस्तांतरणाचा मुद्दा मान्य केला आणि तो तामिळनाडूतून मागवण्यात आला. प्रथम हे सेंगोल लॉर्ड माउंटबॅटन यांना देण्यात आले आणि नंतर त्यांच्याकडून हस्तांतरण म्हणून ते नेहरूंच्या निवासस्थानी नेण्यात आले. जिथे गंगाजलाने सेंगोलचे शुद्धीकरण करण्यात आले. त्यानंतर मंत्रोच्चारासह नेहरूंना सुपूर्द करण्यात आला.
5. प्रयागराज संग्रहालयात हा सोन्याचा राजदंड पहिल्या मजल्यावरील नेहरू गॅलरीच्या प्रवेशद्वारावरील शोकेसमध्ये ठेवण्यात आला होता. या गॅलरीत पंडित नेहरूंच्या बालपणीच्या छायाचित्रांपासून ते त्यांच्या घरांच्या मॉडेल्सपर्यंत, आत्मचरित्र आणि भेटवस्तू ठेवण्यात आल्या आहेत. केंद्रीय सांस्कृतिक मंत्रालयाच्या सूचनेनुसार, हे सेंगोल सुमारे 6 महिन्यांपूर्वी 4 नोव्हेंबर 2022 रोजी प्रयागराज संग्रहालयातून दिल्लीतील राष्ट्रीय संग्रहालयात पाठवण्यात आले होते.
5 historical interesting aspects of the scepter installed by Prime Minister Modi in Parliament
महत्वाच्या बातम्या
- ‘विकसित भारत @ 2047’ संकल्पनेचे स्वप्न साकार करण्यासाठी शासन वचनबद्ध – एकनाथ शिंदे
- द फोकस एक्सप्लेनर : कोण आहेत पद्मा सुब्रमण्यम? ज्यांनी पीएमओला लिहिलेल्या पत्राद्वारे जगासमोर आले ‘सेंगोल’, वाचा सविस्तर
- वैद्यकीय क्षेत्रात ”इंटिग्रेटेड अप्रोच” काळाची गरज – डॉ. माधुरी कानिटकर
- India First : भारताच्या आक्रमक परराष्ट्र धोरणाचे भीष्म पितामह स्वातंत्र्यवीर सावरकर!!