वृत्तसंस्था
कीव्ह : युक्रेनचे राष्ट्राध्यक्ष वोलोडिमिर झेलेन्स्की यांनी गुरुवारी पंतप्रधान मोदींना फोन करून लोकसभा निवडणुकीतील विजयाबद्दल त्यांचे अभिनंदन केले. यानंतर त्यांनी स्वित्झर्लंडमध्ये १५-१६ जून रोजी होणाऱ्या शांतता परिषदेत भारताच्या सहभागाचे आवाहन केले.Ukrainian President Zelensky’s call to PM Modi; Invitation to participate in Switzerland’s Peace Summit
झेलेन्स्की यांनी सोशल मीडिया प्लॅटफॉर्मवर एका पोस्टद्वारे ही माहिती दिली. त्यांनी लिहिले, “मी पंतप्रधान मोदींना भारतात लवकरात लवकर सरकार स्थापन करण्यासाठी शुभेच्छा देतो, जेणेकरून ते भारतीयांच्या विकासासाठी काम करत राहू शकतील. आम्ही ग्लोबल पीस समिटबद्दलही बोललो. मला आशा आहे की भारत नक्कीच त्यात सहभागी होईल.”
याशिवाय झेलेन्स्की यांनी पंतप्रधान मोदींना युक्रेनमध्ये येण्याचे निमंत्रणही दिले होते. झेलेन्स्की यांच्या अभिनंदन संदेशाबद्दल पंतप्रधान मोदींनी त्यांचे आभार मानले. सोशल मीडियावरील एका पोस्टमध्ये मोदी म्हणाले, “राष्ट्रपती झेलेन्स्की यांच्याशी बोलून आनंद झाला. सार्वत्रिक निवडणुकीत एनडीएच्या ऐतिहासिक विजयाबद्दल त्यांचे अभिनंदन केल्याबद्दल मी त्यांचे आभार मानले. आम्ही दोघांनी भारत आणि युक्रेनमधील भागीदारी मजबूत करण्यावर सहमती दर्शवली.”
स्विस पीस समिटसाठी युक्रेनने 10 पॉइंट योजना तयार केली
याआधी 5 जून रोजी झेलेन्स्की यांनीही पंतप्रधान मोदींना तिसऱ्या कार्यकाळासाठी शुभेच्छा दिल्या होत्या. स्वित्झर्लंडमध्ये होणाऱ्या युक्रेनच्या शांतता शिखर परिषदेचा उद्देश रशिया आणि युक्रेन यांच्यातील अडीच वर्षांचे युद्ध संपविण्यासंबंधीच्या पर्यायांवर चर्चा करणे हा आहे. यासाठी युक्रेनने 10 कलमी योजनाही तयार केली आहे. या योजनेत युक्रेनमधून रशियन सैन्य मागे घेण्याची आणि युद्ध गुन्ह्यांसाठी रशियाला जबाबदार धरण्याची मागणी करण्यात आली आहे.
मात्र, या परिषदेसाठी रशियाला निमंत्रित करण्यात आलेले नाही. स्वित्झर्लंडच्या परराष्ट्र मंत्रालयाच्या म्हणण्यानुसार, आतापर्यंत 80 देशांनी या परिषदेत आपला सहभाग निश्चित केला आहे. झेलेन्स्कीच्या प्रवक्त्यानुसार, 107 देश आणि आंतरराष्ट्रीय संस्थांनी परिषदेत सहभागी होण्यास सहमती दर्शवली आहे.
तर अमेरिकेचे राष्ट्राध्यक्ष बायडेन यांनी या परिषदेला उपस्थित राहण्यास नकार दिला आहे. त्यांच्या जागी अमेरिकेच्या उपराष्ट्रपती कमला हॅरिस या शिखर परिषदेला उपस्थित राहणार आहेत.
Ukrainian President Zelensky’s call to PM Modi; Invitation to participate in Switzerland’s Peace Summit
महत्वाच्या बातम्या
- नितीश कुमार यांचा निर्धार, मी कायम मोदींसोबत असेन, भाषणानंतर पंतप्रधानांचे चरण स्पर्श करू लागले तेव्हा मोदींनी हात धरला
- पुण्यात आजपासून “सक्षम” संघटनेचे राष्ट्रीय अधिवेशन; शोभायात्रा आणि प्रदर्शन घेतील लक्ष वेधून!!
- फरिदाबादमध्ये रेल्वेचे दोन डबे रुळावरून घसरले, बचावकार्य सुरू
- मोदींच्या हॅटट्रिक शपथविधीचा मुहूर्त ठरला; स्थळ : राष्ट्रपती भवन, 9 जून 2024 सायंकाळी 7:15!!