‘ममता बॅनर्जींच्या सांगण्यावरून झाला ‘हा’ घोटाळा’; ज्योतिप्रिय मलिकांच्या अटकेवरून शुभेंदू अधिकारींचं विधान!

ईडीने यापूर्वी गुरुवारी  ज्योतिप्रिय मलिक यांच्या घरावर आणि इतर ७ ठिकाणी छापे टाकले होते.

विशेष प्रतिनिधी

कोलकाता : रेशन वितरण घोटाळ्यावरून पश्चिम बंगालचे राजकारण चांगलेच तापले आहे. शुक्रवारी (२७ ऑक्टोबर) अंमलबजावणी संचालनालयाने (ईडी) या प्रकरणी मोठी कारवाई करत बंगालचे वनमंत्री ज्योतिप्रिय मलिक यांना अटक केली. यावरून भाजपने ममता सरकारवर हल्लाबोल केला आहे. This scam happened at the behest of Mamata Banerjee Statement of Shubhendu Aadhikari on the arrest of Jyotipriya Malik

पश्चिम बंगाल विधानसभेतील विरोधी पक्षनेते शुभेंदू अधिकारी यांनी मोठा हल्ला चढवला आणि मुख्यमंत्री ममता बॅनर्जी यांच्या सांगण्यावरून हा घोटाळा झाला असल्याचा आरोप केला. हा मोठा घोटाळा असल्याचे ते म्हणाले.तसेच, येथील सार्वजनिक वितरण प्रणाली आणि धान खरेदीमध्ये अनियमितता आढळून आली आहे. यात राईस मिल मालकच नाही तर नोकरशहाही सामील असून मुख्यमंत्र्यांच्या सूचनेवरून हा प्रकार घडला आहे. असेही ते म्हणाले आहेत.

ममता सरकारवर निशाणा साधत शुभेंदू अधिकारी म्हणाले की, राईस मिल मालकांनी बनावट खाती उघडली आहेत आणि केंद्राकडून पैसे घेत आहेत.

काय आहे रेशन वितरण घोटाळा? –

2011 ते 2021 दरम्यान, पश्चिम बंगालमधील सार्वजनिक वितरण प्रणाली (PDS) मध्ये अनेक अनियमितता झाल्याची तक्रार करण्यात आली होती. ज्योतिप्रिय मलिक तेव्हा राज्याचे अन्न व पुरवठा मंत्री होते. हे प्रकरण करोना महामारी आणि लॉकडाउन दरम्यान अन्नधान्य वितरणाशी संबंधित आहे.

या प्रकरणात, ईडीने यापूर्वी गुरुवारी (२६ ऑक्टोबर) ज्योतिप्रिय मलिक यांच्या घरावर आणि इतर ७ ठिकाणी छापे टाकले होते. 18 ते 20 तास चाललेल्या छाप्यानंतर पोलिसांनी शुक्रवारी पहाटे त्यांना या कथित घोटाळ्याप्रकरणी अटक केली.

This scam happened at the behest of Mamata Banerjee Statement of Shubhendu Aadhikari on the arrest of Jyotipriya Malik

महत्वाच्या बातम्या

• दिल्लीत नागरी संरक्षण स्वयंसेवकांना काढून टाकण्याचा प्रस्ताव मंजूर; सरकारने स्वतः एलजीकडे पाठवली होती फाइल, आता केजरीवाल सुप्रीम कोर्टात
• संयुक्त राष्ट्रात इस्रायल-हमास युद्ध थांबवण्याचा ठराव मंजूर; बाजूने 120 मते, 14 विरोधात; भारतासह 45 देशांचे मतदान नाही
• 10 वर्षांची शिक्षा ऐकताच माफिया डॉन मुख्तार अन्सारी भर कोर्टात रडत पडला आडवा!!
• दिवसभराची तोंडी वक्तव्ये आणि त्याचा प्रत्यक्ष कृतीत परिणाम!!; वाचा नेमका काय??