विशेष प्रतिनिधी
नवी दिल्ली : वेस्टर्न डिस्टर्बन्सच्या सक्रियतेमुळे दिल्लीत गेल्या दोन दिवसांच्या पावसाने नवा विक्रम केला आहे. रविवारी सकाळपर्यंत ८८.२ मिमी पावसाची नोंद झाली असून, गेल्या १२२ वर्षांतील जानेवारीतील सर्वाधिक पाऊस आहे. The highest rainfall in January in 122 years in Delhi
याआधीचा सर्वाधिक पाऊस म्हणजे १९८९ मध्ये ७९.३ मिमी झाला होता. आठवडाभर कडाक्याची थंडी पडण्याची शक्यता वर्तवत हवामान खात्याने सोमवारपासून यलो अलर्ट जारी केला आहे. मात्र, यादरम्यान राजधानीला पावसापासून दिलासा मिळणार आहे.
हवामान खात्याच्या म्हणण्यानुसार, एका दिवसापूर्वी रात्री ८.३० वाजेपर्यंत दिल्लीत ६९.८ मिमी पावसाची नोंद झाली होती, जो गेल्या ३२ वर्षांतील जानेवारीतील सर्वाधिक पाऊस होता. मात्र, शनिवारी रात्रभर पाऊस सुरूच होता, तो सकाळी थांबला. दरम्यान, सकाळी ८.३० वाजेपर्यंत १९.७ मिमी पावसाची नोंद झाली होती, त्यानंतर पावसाचा आकडा ८८.२ मिमीवर पोहोचला असून, १९८९ चा विक्रम मोडला आहे.
दुसरीकडे, आतापर्यंत एकट्या पालममध्ये ११० मिमी पावसाची नोंद झाली आहे. रविवारी सकाळी पाऊस थांबल्यानंतरही थंडीपासून नागरिकांना दिलासा मिळाला नाही. ढगाळ दिवसांमुळे सूर्यदर्शन झाले नाही. त्यामुळे दिवसाचे तापमान सहा अंश सेल्सिअसने घसरून १४.९ अंश सेल्सिअस झाले. त्याच वेळी, कमाल तापमान १०.५ अंश सेल्सिअस नोंदवले गेले, जे सामान्यपेक्षा तीन जास्त होते.
मोसमातील थंडीचे दिवस असल्याने लोकांना हुडहुडी भरली. गारठा टाळण्यासाठी, लोक उबदार कपडे तसेच शेकोटी यांचा आधार घेत होते. गेल्या २४ तासांत हवेतील आर्द्रतेचे प्रमाण ७८ ते १०० टक्के इतके नोंदवले गेले. त्याचवेळी सायंकाळी थंड वाऱ्यामुळे लोकांच्या अडचणी वाढल्या होत्या.
सोमवारपासून यलो अलर्ट, आठवडाभर थंडी राहणार, हवामान खात्याने सोमवारपासून राजधानीत पिवळा, यलो अलर्ट जारी केला असून, कडाक्याची थंडी पडण्याची शक्यता व्यक्त केली आहे. विभागाच्या म्हणण्यानुसार, कमाल तापमान १६ आणि किमान तापमान झपाट्याने ७ अंश सेल्सिअसपर्यंत खाली येऊ शकते.
तसेच सकाळच्या वेळेत आकाश मध्यम ते ढगाळ राहण्याची शक्यता आहे. त्याच वेळी, कमाल आणि किमान पारा जास्त घसरल्यामुळे, दिल्लीच्या विविध भागात थंड दिवसाची स्थिती देखील नोंदवली जाऊ शकते.
विभागाच्या अंदाजानुसार पुढील सहा दिवस किमान तापमानात सात ते सहा अंश सेल्सिअसने घट होईल. तसेच हिमालयातून येणाऱ्या बर्फाळ वाऱ्यांमुळे कडाक्याची थंडी पडण्याची शक्यता आहे. जेव्हा मैदानी भागात किमान तापमान १० पेक्षा कमी होते आणि कमाल तापमान साडेचार अंश सेल्सिअस सामान्य असते तेव्हा थंड दिवस घोषित केला जातो.
The highest rainfall in January in 122 years in Delhi
महत्त्वाच्या बातम्या
- शेती, पाणीपुरवठा यांचा वीजपुरवठा खंडितच करावा लागेल ऊर्जामंत्री डॉ. नितीन राऊत याचे मुख्यमंत्र्यांना पत्र
- तीव्र डोकेदुखी नंतर होतो ओमायक्रॉन संसर्ग डॉ. परवेश मलिक यांची माहिती
- पश्चिम उत्तर प्रदेशातील डाव अखिलेश यादव यांच्यावरच उलटणार, ओवेसी फॅक्टर ठरणार समाजवादी पक्षासाठी धोक्याची घंटा
- राष्ट्रवाद जिवंत ठेवण्याची प्रेरणा नेताजींकडून घेतली पाहिजे ; सुभाषचंद्र बोस यांच्या होलोग्राम पुतळ्याचे अनावरण