प्रतिनिधी
प्रयागराज : Mahakumbh प्रयागराजमध्ये सुरू असलेल्या महाकुंभ मेळ्याच्या 42व्या दिवशी भाविकांची गर्दी प्रचंड वाढली असून, वाहतूक व्यवस्थेवर ताण आला आहे. जत्रेच्या बाहेरील भागात मोठी वाहतूक कोंडी निर्माण झाली असून, यमुना नदीवरील पुलाकडे जाणारा मार्ग तब्बल 7 तासांपासून जाम आहे.Mahakumbh
गुन्हेगारी अफवा – सोशल मीडियावर 34 अकाउंट्सवर कारवाई
महाकुंभ संदर्भातील चुकीची माहिती सोशल मीडियावर पसरवल्याच्या आरोपावरून 34 सोशल मीडिया अकाउंट्सविरुद्ध FIR दाखल करण्यात आला आहे. बांगलादेशमध्ये 2022 मध्ये झालेल्या एका रेल्वे आगीच्या घटनेचे फोटो आणि व्हिडिओ महाकुंभशी जोडून काही जणांनी अफवा पसरवल्या होत्या, त्यामुळे पोलिसांनी कठोर पावले उचलली आहेत.
भाविकांना मोठा त्रास – वाहतूक कोंडी आणि मनमानी भाडे
लखनौहून आलेल्या एका महिलेने सांगितले की, शहराच्या बाहेर बसने सोडल्यानंतर शटल बसने मेळ्याकडे प्रवास करताना मोठ्या अडचणींचा सामना करावा लागला. फक्त अर्ध्या तासाच्या प्रवासासाठी तब्बल 4 तास लागले.
शहराच्या सातही प्रवेशद्वारांवर बाहेरून येणारी वाहने थांबवण्यात येत असून, भाविकांना 10 ते 12 किमी चालत जावे लागत आहे. प्रशासनाने शटल बसेस, ई-रिक्षा आणि ऑटोची सुविधा पुरवली असली तरी मनमानी भाडे आकारले जात आहे.
– ऑटो आणि ई-रिक्षा चालक प्रति किमी 100 रुपये पर्यंत भाडे आकारत आहेत.
– दुचाकीस्वार 50 रुपये घेत असून, एकूण भाडे 500 ते 1000 रुपये पर्यंत वाढले आहे.
विमान भाडे 12 पट वाढले!
दिल्ली ते प्रयागराज विमान भाडे सध्या 38 ते 42 हजार रुपयांपर्यंत पोहोचले आहे, तर 26 फेब्रुवारीनंतर ते फक्त 3 हजार रुपयांवर येणार आहे.
संगमात 60 कोटींहून अधिक भाविकांचे स्नान
शनिवारी संध्याकाळपर्यंत 1.29 कोटी भाविकांनी संगमात स्नान केले. 13 जानेवारीपासून 60.02 कोटी भाविकांनी पवित्र स्नान केले आहे. सरकारच्या मते, जगभरात 120 कोटी सनातनी असून, यातील 50% लोकांनी आधीच संगमात स्नान केले आहे. महाशिवरात्री (26 फेब्रुवारी) पर्यंत ही संख्या 65 कोटींहून अधिक जाईल, असा अंदाज वर्तवला जात आहे.
Rumors wreak havoc at Mahakumbh Mela – FIR filed against 34 social media accounts
महत्वाच्या बातम्या
- Amit Shah सहकारी बँकांनी प्रगतीसाठी नवीन तंत्रज्ञान स्विकारणे आवश्यक,केंद्रीय सहकार मंत्री अमित शाह यांचे आवाहन
- Bangladesh : बांगलादेशात अराजकता सुरूच, बीएनपी नेत्याची मारहाण करत हत्या!
- Madan Rathore : भाजपच्या राजस्थान प्रदेशाध्यक्ष पदावर मदन राठोड यांची बिनविरोध निवड!
- Gaza : गाझा पुननिर्माणासाठी अरब देशांचा पुढाकार, 5 वर्षांत विकसित करण्याचे उद्दिष्ट; सहा देश आले एकत्र