वृत्तसंस्था
पणजी : गोवा मुक्ती दिनाच्या 60 व्या वर्धापन दिनाचा 19 डिसेंबर रोजी घेण्यात येत असून यासाठी पंतप्रधान नरेंद्र मोदी एक दिवसांच्या गोवा दौऱ्यावर येणार आहेत पणजी मध्ये डॉ. श्यामाप्रसाद मुखर्जी स्टेडियम मध्ये हा भव्य कार्यक्रम होणार असून पंतप्रधान या दिवशी गोवेवासियांना संबोधित करतील अशी माहिती मुख्यमंत्री डॉ. प्रमोद सावंत यांनी पत्रकारांना दिली आहे.Prime Minister Narendra Modi in Goa on December 19; A grand celebration of the 60th anniversary of Liberation Day
पंतप्रधान मोदी हे दुपारी दोन वाजता आझाद मैदान येथे पोहोचतील आणि तीन वाजता मुख्य कार्यक्रम डॉ. मुखर्जी स्टेडियममध्ये होईल, असे प्रमोद सावंत यांनी म्हटले आहे भाजपचे गोवा निवडणूक प्रभारी आणि महाराष्ट्राचे माजी मुख्यमंत्री देवेंद्र फडणवीस सध्या गोव्यात आहेत.
त्यांनी काल दिवसभर गोव्यातील भाजप पदाधिकाऱ्यांची बैठक घेऊन पंतप्रधान नरेंद्र मोदी यांच्या दौऱ्याचे नियोजन केले. त्याचप्रमाणे गोवा मुक्ती दिनाचे औचित्य साधून मुख्यमंत्री डॉ. प्रमोद सावंत यांच्या हस्ते गोवा पोलिसांच्या पिंक सर्व्हिस फोर्सचे उद्घाटन करण्यात आले. महिलांनी तक्रार दाखल करताच काही मिनिटांमध्येच हा पिंक सर्विस फोर्स त्यांच्या सुटकेसाठी दाखल होईल, अशी व्यवस्था करण्यात आली आहे.
ममता, प्रियांका यांच्यानंतर मोदींचा दौरा
गोव्यात 2022 च्या फेब्रुवारी-मार्च महिन्यात निवडणुका अपेक्षित विधानसभेच्या निवडणुका अपेक्षित आहेत. पश्चिम बंगालच्या मुख्यमंत्री ममता बॅनर्जी तसेच काँग्रेसच्या सरचिटणीस प्रियांका गांधी यांनी गोव्यावर लक्ष केंद्रित केले आहे. ममता बॅनर्जी यांचे दोन गोवा दौरे झाले आहेत, तर प्रियांका गांधी यांचा एक गोवा दौरा झाला आहे.
या दोन्ही महत्त्वाच्या नेत्यांच्या दौऱ्यानंतर स्वतः पंतप्रधान नरेंद्र मोदी एक दिवसाच्या गोव्या दौऱ्यावर येत आहेत. गोवा मुक्ती दिनाच्या कार्यक्रमास संदर्भातला हा दौरा असला तरी भाजप कार्यकर्त्यांच्या दृष्टीने मनोधैर्य वाढवणारा हा दौरा असणार आहे.
Prime Minister Narendra Modi in Goa on December 19; A grand celebration of the 60th anniversary of Liberation Day
महत्त्वाच्या बातम्या
- OMICRON : युरोपात कोरोनाचा कहर ; इंग्लंडमध्ये एका दिवसांत 88 हजार
- तेरे नाम से सुरू, तेरे नाम पे खतम, माझी निष्ठा व राजकारण हे राजसाहेब यांना अर्पित असल्याचे बाळा नांदगावकर यांनी स्पष्ट केले
- अभिनेत्री अलिया भट्टवर होणार कारवाई, हाय रिस्क संपर्कात येऊनही होम क्वारंटाईनचा भंग
- विद्यापीठाचे करोडो रुपयांचे मोकळे भूखंड ठाकरे सरकारचे लक्ष्य, आता कुलगुरू युवा सेनेच्या किचन कॅबिनेटमध्ये ठरविणार, आशिष शेलार यांचा आरोप
- काका- पुतण्याची युती, मात्र स्वत;च्या पक्षांची ओळख कायम ठेऊन सोबत लढणार