विशेष प्रतिनिधी
लखनौ : रखरखत्या उन्हात आभाळातून आगीचा वर्षाव…. उष्ण हवेचा असह्य वार…. आणि सावलीच्या शोधात असहाय शहरी… गुरुवारी उत्तर प्रदेश राजधानीतही असेच वातावरण होते. कमाल पारा ४४ अंशांवर पोहोचता पोहचता ४३.८ अंशांवर नोंदवण्यात आला आहे. कडाक्याच्या उन्हामुळे शहर घामाने चिंब झाले होते. हा संघर्ष कायम राहणार असल्याचे विभागीय हवामान केंद्राचे संचालक जे पी गुप्ता सांगतात. तसेच आगामी काळात उष्णतेच्या लाटेसाठी तयार राहण्याचेही त्यांनी सांगितले आहे. In Uttar Pradesh, the mercury is close to 44 degrees
एप्रिलमध्येच पारा ४५ अंशांवर जाण्याची शक्यता
हवामान खात्याच्या वेबसाइटनुसार तापमानात चढ-उतार सुरूच राहणार आहेत. मात्र, ३ आणि ४ मे रोजी अंशत: ढगाळ वातावरणामुळे काहीसा दिलासा मिळण्याची शक्यता आहे. ज्येष्ठ भू-शास्त्रज्ञ डॉ. सी एम नौटियाल सांगतात की, पारा जितका वेगाने वाढत आहे त्याचा कल पाहता आता दोन-तीन दिवस पारा चढणार हे नाकारता येत नाही. पारा ४४ अंशांपर्यंत राहील, परंतु स्थानिक कारणे सक्रिय राहिल्यास तो ४५ अंशांपर्यंत जाऊ शकतो. असे झाल्यास लखनौचा २३ वर्षांचा विक्रम मोडीत निघेल. यापूर्वी ३० एप्रिल १९९९ रोजी पारा ४५ अंशांवर नोंदवला गेला होता.
चार वर्षांत दुसऱ्यांदा एप्रिल सर्वाधिक उष्ण
हवामान खात्याच्या आकडेवारीवरून उष्णतेचे मोजमाप केले असता चार वर्षांत दुसऱ्यांदा एप्रिल इतका गरम झाला आहे. याआधी ३० एप्रिल १९९९ रोजी पारा ४५ अंशांवर नोंदवला गेला होता.
४ एप्रिलला १० वर्षांचा हा विक्रम मोडीत निघाला.
एप्रिलच्या पहिल्या आठवड्यात ४ एप्रिलला पारा ४१ अंशांवर नोंदला गेला. रेकॉर्डवर नजर टाकली तर एप्रिलमध्ये १५ तारखेनंतर पारा चाळीशी पार गेला होता. त्याचबरोबर यंदा एप्रिलपासून राज्यात उन्हाचा तडाखा सुरू झाला.
तोंडाला कोरडेपणा, डोकेदुखी आणि थकव्याच्या समस्या वाढल्या
वाढत्या उष्णतेच्या दरम्यान, लोक वारंवार कोरडे तोंड, डोकेदुखी आणि थकव्याच्या तक्रारी करताना दिसले. उकाडा जास्त वाढला की अशा समस्या उद्भवतात, असे डॉक्टरांचे म्हणणे आहे. तीव्र ताप व दम लागणे, अतिसार, डोके व शरीर दुखणे, हातापाय सैल होणे, बेशुद्ध पडणे ही उष्माघाताची लक्षणे आहेत.
उष्णता टाळण्यासाठी काय करावे
प्रखर उन्हात बाहेर जाणे टाळा, बाहेर जावे लागले तर शरीर पूर्णपणे झाकून बाहेर पडा. फिकट रंगाचे सुती आणि तागाचे कपडे घाला. हलका आहार घ्या. एसीमध्ये बसल्यानंतर लगेच बाहेर पडू नका. जास्त मीठ, तिखट, तेलकट खाणे टाळा. जास्त पाणी प्या, ताक, लिंबू सेवन केल्यास फायदा होईल.
In Uttar Pradesh, the mercury is close to 44 degrees
महत्त्वाच्या बातम्या
- हिंदीविरुध्द वादात आता कर्नाटकचे माजी मुख्यमंत्री एच. डी. कुमारस्वामी यांची उडी, बॉलीवुडवर साधला निशाणा
- समाज ठरवेल तोपर्यंतच सरकार राहू शकते, सरसंघचालक मोहन भागवत यांचे मत
- मुंबई पोलीसांनी आपल्या नावावर बनावट एफआयआर केला दाखल, उच्च न्यायालयात दाद मागण्याचा इशारा
- शेतकरी मेळाव्यांमध्ये अल्ला हू अकबरच्या घोषणा देणारे राकेश टिकैत यांचा भोंगे हटविण्याच्या मागणीला पाठिंबा