वृत्तसंस्था
नवी दिल्ली : दिल्ली हे महिलांसाठी देशातील सर्वात असुरक्षित शहर आहे. नॅशनल क्राईम रेकॉर्ड ब्युरो (NCRB) च्या आकडेवारीनुसार, 2020 मध्ये दिल्लीत 9,782 महिलांवरील गुन्हे नोंदवण्यात आले होते, जे 2021 मध्ये 40% ने वाढून 13,892 वर पोहोचले. दिल्लीनंतर, मुंबई 5,543 प्रकरणांसह दुसऱ्या क्रमांकावर आहे आणि बेंगळुरूमध्ये 3,127 प्रकरणे आहेत.Delhi most unsafe for women Mumbai second and Bengaluru third
महिलांवरील सर्वाधिक गुन्हे मुंबईत 12.76% आणि बेंगळुरूमध्ये 7.2% नोंदले गेले. देशातील 19 प्रमुख शहरांमध्ये महिलांवरील एकूण गुन्ह्यांपैकी 32% गुन्ह्यांची नोंद एकट्या दिल्लीत झाली आहे.
2021 मध्ये दिल्लीत महिलांवरील गुन्हे
इतर प्रमुख शहरांच्या तुलनेत दिल्लीत अपहरणाच्या ३,९४८ घटनांची नोंद झाली आहे. पतीकडून क्रुरतेचे ४६७४ तर अल्पवयीन मुलींवर बलात्काराचे ८३३ गुन्हे दाखल झाले आहेत. दिल्लीत दररोज सरासरी दोन मुलींवर बलात्कार होतो. हुंड्यासाठी खुनाचे १३६ गुन्हे दाखल झाले.
दिल्लीत दररोज 2 अल्पवयीनांवर बलात्कार
आकडेवारीनुसार, 2021 मध्ये दिल्लीत दररोज दोन अल्पवयीन मुली बलात्काराच्या बळी ठरल्या. गेल्या वर्षी 19 प्रमुख शहरांमध्ये एकूण 43,414 महिलांवरील गुन्ह्यांची नोंद झाली होती. त्यापैकी 13,982 प्रकरणे दिल्लीत नोंदवण्यात आली आहेत. त्याच वेळी, हुंडाबळी मृत्यूची १३६ प्रकरणे नोंदवण्यात आली आहेत, जी १९ महानगरांमधील एकूण मृत्यूंपैकी ३६.२६% आहे.
POCSO कायद्यांतर्गत 1,357 गुन्हे दाखल
गेल्या वर्षी, दिल्लीत महिलांवर विनयभंग करण्याच्या उद्देशाने 2,022 हल्ल्यांची नोंद झाली होती. NCRB ने सांगितले की 2021 मध्ये POCSO कायद्यांतर्गत 1,357 प्रकरणे नोंदवण्यात आली. आकडेवारीनुसार, 2021 मध्ये मुलींवर बलात्काराचे 833 गुन्हे दाखल झाले.
Delhi most unsafe for women Mumbai second and Bengaluru third
महत्वाच्या बातम्या
- मेट्रोसह इतर पायाभूत सुविधांची कामे युद्ध पातळीवर करा : मुख्यमंत्री एकनाथ शिंदे यांचे निर्देश
- सोनिया गांधींच्या PAवर बलात्काराचा आरोप : पीडिता म्हणाली- केस मागे घेण्यासाठी धमक्या मिळाल्या; तपास अधिकारीही बदलले
- विधिमंडळाच्या समोर पेटवून घेणाऱ्या शेतकऱ्याचा मृत्यू, जमीन हडपल्याच्या वादातून केले होते आत्मदहन
- अलाहाबाद हायकोर्टाचे आदेश : मथुरेतील वादग्रस्त जागेच्या वैज्ञानिक सर्वेक्षणाचा मुद्दा 4 महिन्यात निकाली काढा!!