Bengal Post Poll Violence : पश्चिम बंगालमधील निवडणुकीनंतर उसळलेल्या हिंसाचाराच्या सीबीआय चौकशीसाठी कोलकाता उच्च न्यायालयाच्या आदेशाबाबत सर्वोच्च न्यायालयात कॅव्हेट दाखल करण्यात आले आहे. एएनआय या वृत्तसंस्थेने दिलेल्या माहितीनुसार, याचिकाकर्ते-वकील अनिंद्य सुंदर दास यांनी हे कॅव्हेट दाखल केले आहे. bengal post poll violence petitioner filed caveat in supreme court
वृत्तसंस्था
नवी दिल्ली : पश्चिम बंगालमधील निवडणुकीनंतर उसळलेल्या हिंसाचाराच्या सीबीआय चौकशीसाठी कोलकाता उच्च न्यायालयाच्या आदेशाबाबत सर्वोच्च न्यायालयात कॅव्हेट दाखल करण्यात आले आहे. एएनआय या वृत्तसंस्थेने दिलेल्या माहितीनुसार, याचिकाकर्ते-वकील अनिंद्य सुंदर दास यांनी हे कॅव्हेट दाखल केले आहे. पश्चिम बंगालमधील विधानसभा निवडणुकीनंतर झालेल्या हिंसाचाराची कोलकाता उच्च न्यायालयाने न्यायालयीन देखरेखीखाली सीबीआय चौकशीचे आदेश दिले आहेत. यासोबतच न्यायालयाने तपासासाठी एसआयटी स्थापन करण्याचे आदेशही दिले आहेत.
सुप्रीम कोर्टात दाखल केलेल्या कॅव्हेटमध्ये, फिर्यादीने त्याची सुनावणी न करता त्याच्याविरोधात कोणताही आदेश दिला जाऊ नाही, याची खात्री करण्याची मागणी केली आहे.
दास यांनी एएनआयला सांगितले की, “मी सर्वोच्च न्यायालयात एक कॅव्हेट दाखल केले आहे की, कलकत्ता उच्च न्यायालयाच्या निर्णयाविरोधात सर्वोच्च न्यायालयात केलेल्या अपिलात माझी सुनावणीही व्हावी.”
उच्च न्यायालयाचे सीबीआय चौकशीचे आदेश
पश्चिम बंगालमधील हिंसाचारावर कलकत्ता उच्च न्यायालयाने गुरुवारी सीबीआय चौकशीचे आदेश दिले होते. न्यायालयाने आपल्या निकालात हिंसाचाराच्या पीडितांनी तक्रार नोंदवली नसल्याचे आरोप ‘निश्चित आणि साधार’ असल्याचे आढळले होते. मतदानानंतरच्या हिंसाचारात बलात्कार आणि हत्येसारख्या भयंकर प्रकरणांमध्ये सरकारवर कारवाई न केल्याच्या आरोपांची दखल घेत उच्च न्यायालयाने सीबीआय चौकशीचे आदेश दिले होते.
यासोबतच न्यायालयाने या काळात काही अटी केंद्रासमोरही ठेवल्या आहेत, ज्याअंतर्गत सीबीआयची ही चौकशी न्यायालयाच्या देखरेखीखाली होईल. पाच न्यायाधीशांच्या खंडपीठाने तीन सदस्यीय विशेष तपास पथक (एसआयटी) स्थापन करण्याचे आदेश दिले आहेत, ज्यात बंगाल केडरच्या केवळ वरिष्ठ आयपीएस अधिकाऱ्यांचा समावेश आहे.
bengal post poll violence petitioner filed caveat in supreme court
महत्त्वाच्या बातम्या
- मोठी बातमी : झायडस कॅडिलाच्या कोरोना लसीला केंद्राकडून तातडीच्या वापराची मंजुरी, भारतात आता कोरोनाविरुद्ध 6 लसी
- Bengal Post Poll Violence : बंगाल हिंसाचाराच्या तपासात CBI सक्रिय, डीजीपींकडून हत्या आणि बलात्काराच्या प्रकरणांची माहिती मागितली
- पारदर्शक निर्णय : आता संरक्षण खरेदीची माहिती मंत्रालयाच्या वेबसाइटवर होणार प्रकाशित, राजनाथ सिंह यांनी या प्रस्तावाला दिली मंजुरी
- अक्षयच्या ‘बेल बॉटम’मुळे अरब देशांचा जळफळाट; सौदी अरब, कतार आणि कुवैतमध्ये चित्रपटावर बंदी
- मुंबई पोलिसांकडून भाजप कार्यकर्त्यांवर FIR, नारायण राणे यांच्या ‘जन आशीर्वाद यात्रे’त कोरोना प्रोटोकॉल मोडल्याचा आरोप