विशेष प्रतिनिधी
नवी दिल्ली: काँग्रेस आणि शिवसेनेसह इतर प्रादेशिक पक्ष एकत्र आले होते. पण एकत्र येण्यामागचा त्यांचा हेतू हा आपली ‘घराणेशाही वाचवण्याचा’ होता, असा आरोप भारतीय जनता पक्षाचे प्रवक्ते संबित पात्रा यांनी विरोधकांना लगावला आहे. पंतप्रधान मोदी हे देशाच्या विकासासाठी कटिबद्ध आहेत, असेही त्यांनी सांगितले.Allegations of Congress, Shiv Sena and Opposition united to save the dynasty
पेगासस हेरगिरी प्रकरणावरून केंद्र सरकार आणि सत्ताधारी भाजपची संसदेत कोंडी करण्याचा प्रयत्न विरोधकांकडून सुरू आहे. केंद्र सरकारविरोधात १४ विरोधी पक्षांची बैठक झाली. यावर बोलताना पात्रा म्हणाले, देशावर आणि संपूर्ण जगावर परिणाम करणाऱ्या करोनाच्या संसर्गावर चर्चा करण्यास विरोधक तयार नाहीत.
यामुळे हाच खरा देशद्रोह आहे. पेगासस हेरगिरी प्रकरणावरून विरोधी पक्षांनी संसदेचं कामकाज रोखून धरलं आहे. यामागे त्यांचा राजकीय स्वार्थ दडला आहे. सध्या करोनाची तिसरी लाट कशी रोखता येईल? आणि लसीकरण हे मोठे मुद्दे आहेत. पण विरोधक संसदेत यावर चर्चा होऊ देत नाहीत. यामुळे हाच खरा देशद्रोह आहे.
पेगासस हेरगिरीचा मुद्दा हा विरोधी पक्षांनी तयार केलेला आहे. काँग्रेस आणि तृणमूल काँग्रेस या मुद्द्याचं हत्यार बनवू पाहत आहेत. जो मुद्दाच नाही अशा गोष्टीवरून ते संसदेचं कामकाज रोखत आहेत. हे विरोधी पक्ष संसदेत जनतेचा आवाज दडपण्याचा प्रयत्न करत आहेत.
करोना संसर्गावर चचेर्साठी हेच विरोधी पक्ष संसदेच्या विशेष अधिवेशनाची मागणी करत होते. आता संसदेच नियमित अधिवेशन सुरू असताना करोनावर चर्चा करण्याऐवजी ते कामकाज होऊ देत नाहीत, असं संबित पात्रा म्हणाले.
पात्रा म्हणाले, विरोधी पक्ष यापूवीर्ही एकत्र आले होते. २०१८ मध्ये कर्नाटकात काँग्रेस-जेडीएस (धर्मनिरपेक्ष जनता दल ) यांचे आघाडी सरकार स्थापन झाले होते. यावेळी भाजपविरोधी नेते एकजूट झाले होते. एवढचं नव्हे तर काँग्रेस आणि समाजवादी पक्षाने २०१७ ची उत्तर प्रदेश विधानसभा निवडणूकही एकत्रित लढवली होती.
काँग्रेस, शिवसेना, समाजवादी पक्ष यांचा हेतू हा देशाचा विकास नव्हे तर आपली घराणेशाही वाचवण्याचा आह . नरेंद्र मोदी हे कुठल्या राजकीय घराण्यातून आलेले नाहीत. यामुळे ते देशाच्या विकासासाठी कटिबद्ध आहेत.
Allegations of Congress, Shiv Sena and Opposition united to save the dynasty
महत्त्वाच्या बातम्या
- बालकांच्या हक्कांचे रक्षण करण्यासाठी केंद्राने संसदेने मंजूर केले बाल न्याय सुधारणा विधेयक
- जगभर ढोल वाजवलेले कोरोनाविरुद्धचे केरळ मॉडेल अपयशी ठरतंय..? आकडेवारी तरी तसेच सांगतेय…
- छत्तीसगडचे आरोग्य मंत्री आणि मुख्यमंत्री आमने-सामने, मुख्यमंत्रीपदाबाबत बदलाच्या चर्चेनंतर कॉँग्रेस आमदाराकडूनच आरोग्य मंत्र्यांवर खुनाचा प्रयत्न केल्याचा आरोप
- CRPF Recruitment 2021 : CRPF मध्ये अधिकारी होण्याची सुवर्ण संधी ; त्वरीत करा अर्ज-उद्या शेवटची तारिख