कंपनीने काढून टाकलेल्या कर्मचाऱ्यांमध्ये आजारी रजेवर गेलेल्या कर्मचाऱ्यांचा समावेश
विशेष प्रतिनिधी
नवी दिल्ली: एअर इंडिया एक्स्प्रेसने कर्मचाऱ्यांच्या बंडामुळे 25 केबिन क्रू सदस्यांना बडतर्फ केले आहे. एअर इंडियाने नियमांचा हवाला देत ही कारवाई केली आहे. कंपनीने काढून टाकलेल्या कर्मचाऱ्यांमध्ये आजारी रजेवर गेलेल्या कर्मचाऱ्यांचा समावेश आहे, आता कर्मचाऱ्यांच्या बंडाचा फटका प्रवाशांना सहन करावा लागत आहे.Air India Express major action 25 cabin crew members sacked
गुरुवारीही एअर इंडिया एक्स्प्रेसच्या 70 हून अधिक उड्डाणे एकतर रद्द किंवा उशिराने धावत आहेत. त्यामुळे प्रवाशांचे प्रचंड हाल होत आहेत. आतापर्यंत मिळालेल्या माहितीनुसार, गुरुवारी रद्द करण्यात आलेल्या फ्लाइट्समध्ये चेन्नई ते कोलकाता, चेन्नई ते सिंगापूर आणि त्रिची ते सिंगापूर या विमानांचा समावेश आहे. तर लखनऊ ते बंगळुरूचे विमान उशिराने धावत आहे.
एअर इंडिया एक्सप्रेसमध्ये काम करणारे ३०० हून अधिक कर्मचारी बुधवारपासून कामावर येत नाहीत. या सर्व कर्मचाऱ्यांनी आधी आजारी रजेसाठी एकत्र अर्ज केला आणि मोबाईल बंद केला. त्यामुळे बुधवारीही विमाने चालवण्यात अनेक अडचणी आल्या.
या कर्मचाऱ्यांच्या बंडखोरीमागील कारण म्हणजे रोजगाराच्या नव्या अटी. या नव्या अटीला हे सर्व कर्मचारी विरोध करत आहेत. एअर इंडिया एक्स्प्रेसच्या प्रवक्त्याने बुधवारी सांगितले की, आमच्या केबिन क्रूचे अनेक सदस्य मंगळवारी रात्रीपासून ड्युटीवर जाण्यापूर्वीच आजारी पडले आणि त्यामुळे अनेक उड्डाणे रद्द करावी लागली किंवा उशीर झाला.