विशेष प्रतिनिधी
कोलकाता :Abhishek Banerjee तृणमूल काँग्रेसचे राष्ट्रीय सरचिटणीस आणि खासदार अभिषेक बॅनर्जी यांना सोनारपूर येथे झालेल्या हल्ल्यानंतर रुग्णालयात दाखल करण्यात आले आहे. त्यांच्या डोक्याला मार लागल्याने रक्ताची गाठ झाल्याची माहिती समोर आली असून त्यांच्यावर वैद्यकीय उपचार सुरू आहेत. या घटनेनंतर पक्षप्रमुख ममता बॅनर्जी यांनी रुग्णालयात जाऊन त्यांची भेट घेत प्रकृतीची विचारपूस केली.Abhishek Banerjee
शनिवारी सोनारपूर भागात अभिषेक बॅनर्जी हे भेटी आणि पक्षकार्यक्रमासाठी गेले असताना त्यांच्यावर दगडफेक, अंडीफेक आणि धक्काबुक्की झाल्याचा आरोप करण्यात आला होता. या गोंधळात त्यांच्या डोक्याजवळ आणि चेहऱ्यावर दुखापत झाल्याचे सांगितले जात आहे. त्यानंतर त्यांना तातडीने कोलकात्यातील रुग्णालयात नेण्यात आले.Abhishek Banerjee
वैद्यकीय तपासणीत डोक्याला मार लागल्यामुळे रक्ताची गाठ झाल्याचे आढळून आले. डॉक्टरांकडून त्यांच्यावर सतत लक्ष ठेवले जात असून प्रकृती सध्या स्थिर असल्याची माहिती सूत्रांनी दिली आहे.
घटनेनंतर ममता बॅनर्जी यांनी रुग्णालयात जाऊन अभिषेक बॅनर्जी यांची भेट घेतली. त्यांनी डॉक्टरांशी चर्चा करून उपचारांची माहिती घेतली. या हल्ल्याचा तृणमूल काँग्रेसने तीव्र निषेध केला असून हा पूर्वनियोजित हल्ला असल्याचा आरोप पक्षाकडून करण्यात आला आहे.
दरम्यान, अभिषेक बॅनर्जी यांनी यापूर्वीच या हल्ल्यामागे राजकीय कट असल्याचा आरोप केला होता. “मला लक्ष्य करून हल्ला करण्यात आला,” असे त्यांनी म्हटले होते. या प्रकरणानंतर पश्चिम बंगालमधील राजकीय वातावरण आणखी तापले असून सत्ताधारी तृणमूल काँग्रेस आणि भाजप यांच्यात आरोप-प्रत्यारोप तीव्र झाले आहेत.
या घटनेची चौकशी सुरू असून हल्लेखोरांची ओळख पटवण्याचे काम सुरू असल्याची माहिती पोलिसांनी दिली आहे. आगामी निवडणुकांच्या पार्श्वभूमीवर घडलेल्या या घटनेमुळे पश्चिम बंगालमधील राजकीय संघर्ष पुन्हा एकदा चर्चेत आला आहे.
Abhishek Banerjee Hospitalized Following Sonarpur Attack; Mamata Banerjee Visits
महत्वाच्या बातम्या
- एकनाथ शिंदे राष्ट्रवादीला कोकणात दणका द्यायच्या तयारीत; अनिकेत सुनील तटकरेंना निवडणूक अवघड!
- शेतकऱ्यांनी पेरणीची घाई करू नये; 10 जून पर्यंत मान्सूनच्या पावसाच्या आगमनाची शक्यता धूसर; IMD चा इशारा
- Malappuram : केरळ, कर्नाटक आणि तामिळनाडूत एनआयएचे १९ ठिकाणी छापे; मलप्पुरम स्फोटकसाठा प्रकरणात मोठी कारवाई
- Pune-Pimpri : पुणे-पिंपरी दारूकांडाचे धक्कादायक सत्य समोर; एकूण मृतांची संख्या 22 वर पोहोचली