शासकीय वसतीगृहाचा वापर तात्पुरत्या कारागृहासाठी

Sachin Deshmukh 25 Jan 2022 7:00 am 0594

विशेष प्रतिनिधी

पुणे : विश्रांतवाडी येथील संत ज्ञानेश्वर विद्यालय मुलांचे शासकीय वसतीगृह हे कोविड काळजी केंद्र म्हणून वापरात आणले जात आहे. कैद्यांना, बंद्यांना ठेण्याकरीता तात्पुरत्या कारागृहासाठी म्हणून पुढील आदेशापर्यंत ते अधिग्रहीत करण्याचे आदेश जिल्हादंडाधिकारी तथा अध्यक्ष जिल्हा आपत्ती व्यवस्थापन अधिकारी डॉ. राजेश देशमुख यांनी दिले आहेत. Use of Government Hostel for Temporary Prison

कोविड-१९ चा वाढता प्रादुर्भाव विचारात घेता प्रतिबंधात्मक उपाययोजनेचा भाग म्हणून पोलीस ताबा व नव्याने दाखल होणारे परंतू लक्षणे नसलेले कोरोना बाधित कैदी तसेच कारागृहातील चाचणीमध्ये कोरोना बाधित आढळून येणाऱ्या कैद्यांसाठी येरवडा कारागृहात जागा अपुरी आहे. त्यामुळे हा निर्णय घेतला गेला.

वसतीगृहे बंद करण्याचा फतवा ‘स्टुडंट हेल्पिंग हँड’चा उपोषणाचा इशारा

पुणे शहर पोलीस आयुक्त यांना तात्पुरत्या कारागृहाच्या ठिकाणी सुरक्षितेच्या दृष्टीने इमारतीच्या चारही बाजूने चोवीस तास पोलीस बंदोबस्त ठेवण्यात यावा असे आदेश देण्यात आले.

त्या परिसरात सशस्त्र पोलीस बंदोबस्त पुरविण्याचे तसेच अधीक्षक येरवडा मध्यवती कारागृह यांनी तात्पुरत्या कारागृहाच्या दैनंदिन कामकाजासाठी एक तुरुंगाधिकारी व एक लिपीक किंवा रक्षक यांची नियुक्ती करावी असे आदेश देण्यात आले आहेत.

Use of Government Hostel for Temporary Prison

महत्त्वाच्या बातम्या

दूध भेसळीस आळा घालण्यासाठी कारवाई सत्र सुरू अन्न व औषध प्रशासन विभागाची कारवाई

Related posts