नाशिक : पवार कुटुंबाच्या खऱ्या खोट्या भांडणात नव्या पिढ्या रेटल्या बारामतीच्याच मैदानात!!, असे खरंच घडते आहे. काका पुतण्या मध्ये फूट पडल्यानंतर काकांचा पक्ष पुतण्या घेऊन गेला. त्यामुळे काकांनी पुतण्याच्या सख्ख्या भावाचाच मुलगा फोडला आणि आपल्या पक्षाच्या कार्यालयात आणला.Sharad pawar may field yugendra pawar instead of supriya sule as loksabha elections candidate in baramati
शरद पवारांनी अजित पवारांचे सख्खे बंधू श्रीनिवास पवार यांचे चिरंजीव युगेंद्र पवार यांना फोडले आणि ते बारामतीच्या शरदनिष्ठ राष्ट्रवादीच्या कार्यालयात आज येऊन गेले. अजित पवारांना पवार कुटुंबात एकटे पाडलेले नाही. मुळात पवार कुटुंब फुटलेलेच नाही. कुटुंब वेगळे आणि राजकारण वेगळे, अशी वक्तव्ये युगेंद्र पवारांनी केली.
त्याचवेळी त्यांनी आणखी एक “रहस्य भेद” केला. बारामती लोकसभा मतदारसंघात सुप्रिया सुळे विरुद्ध सुनेत्रा पवार अशी लढतच होणार नाही. त्यामुळे सुनेत्रा पवारांविरुद्ध प्रचार करण्याचा प्रश्नही उद्भवणार नाही. उलट शरद पवारांनी सांगितले, तर आपण सुप्रिया सुळे यांचा प्रचार करू, असे युगेंद्र पवारांनी सांगितले.
शरद पवारांनी चारच वर्षांपूर्वी विद्या प्रतिष्ठान वर सदस्य म्हणून त्यांची निवड केली. त्यामुळे ते नियमित बैठकीत बारामतीत येत असतात. कार्यकर्त्यांच्या विनंतीला मान देऊन आज शरद पवारांच्या राष्ट्रवादीच्या कार्यालयात भेट दिली. पवार सांगतील तेच आपण यापुढे करू, असे युगेंद्र पवारांनी स्पष्ट केले.
युगेंद्र पवार सरप्राईज कॅंडिडेट??
पण त्यामुळेच शरद पवारांच्या नव्या वेगळ्याच खेळीची चर्चा महाराष्ट्राच्या राजकारणात रंगू लागली. अजित पवारांनी आपला पक्ष स्वतःकडेच खेचून घेतला, तर आपण अजित पवारांचे सख्खे बंधू श्रीनिवास पवार यांना फोडू शकतो आणि त्यांच्याच मुलाला म्हणजे योगेंद्र पवार यांना “सरप्राईज कॅंडिडेट” म्हणून सुप्रिया सुळे यांच्या ऐवजी बारामतीच्या मैदानात लोकसभेचा उमेदवार म्हणून उतरवू शकतो, असे शरद पवारांनी नव्या खेळीतून सूचित केले आहे. पण या निमित्ताने शीर्षकात उल्लेख केल्याप्रमाणे पवार कुटुंबाच्या खऱ्या खोट्या भांडणात नव्या पिढ्या रेटल्या बारामतीच्याच मैदानात!!, असे घडले आहे.
पण त्याचवेळी पवारांना आपली फक्त बारामती राखण्यासाठीच खूप मोठी राजकीय खेळी केल्याचे भासवून आपल्याच घरात फूट पाडून नव्या पिढ्यांना राजकारणात आणायची वेळ आली आहे, हेच यातून दिसून येते. त्याचबरोबर बारामती सोडून कर्जत जामखेडचा अपवाद वगळता इतरत्र कुठल्याही मतदारसंघात आपल्या घरातल्या कोणालाच उभे करून व्यापक राजकारण करणे पवारांना जमत नाही, हेही यातून सिद्ध होते.
Sharad pawar may field yugendra pawar instead of supriya sule as loksabha elections candidate in baramati
महत्वाच्या बातम्या
- मराठा आरक्षण कोर्टात टिकण्यावर शरद पवारांना आजही “शंका”; ठाकरे – पवार सरकारच्या काळात आरक्षण रद्द झाल्याचा फडणवीसांवरच ठेवला “ठपका”!!
- संदेशखलीप्रकरणी कलकत्ता हायकोर्टाने ममता सरकारला फटकारले, आतापर्यंत एका व्यक्तीला का पकडू शकले नाहीत पोलिस?
- मराठा आरक्षणाच्या मुद्द्यावर अहि – नकुलाचे वैर संपले; उद्धव ठाकरेंकडून शिंदे – फडणवीस यांचे आभार!!
- पाकिस्तानात राजकीय गोंधळ सुरूच! इम्रान खान यांचा पक्ष पीटीआयने केली युतीची घोषणा