विधानसभेच्या हिवाळी अधिवेशनाचा आज (28 डिसेंबर, मंगळवार) शेवटचा दिवस आहे. आज सर्वांचे लक्ष विधानसभा अध्यक्षपदाच्या निवडणुकीकडे लागले आहे. कारण या निवडणुकीवरून राज्यपाल भगतसिंह कोश्यारी आणि मुख्यमंत्री उद्धव ठाकरे यांच्या नेतृत्वाखालील महाविकास आघाडी सरकारमध्ये खडाजंगी उडाल्याची चर्चा आहे. राज्य सरकारने सभापती निवडीसाठी मंजुरी मागितली असता राज्यपालांनी मुख्यमंत्र्यांना पत्र लिहून ही निवडणूक प्रक्रिया घटनाबाह्य असल्याचे म्हटले आहे. Maharashtra Assembly Speaker Election Dispute Between Governor Koshyari Vs Thackeray Govt
वृत्तसंस्था
मुंबई : विधानसभेच्या हिवाळी अधिवेशनाचा आज (28 डिसेंबर, मंगळवार) शेवटचा दिवस आहे. आज सर्वांचे लक्ष विधानसभा अध्यक्षपदाच्या निवडणुकीकडे लागले आहे. कारण या निवडणुकीवरून राज्यपाल भगतसिंह कोश्यारी आणि मुख्यमंत्री उद्धव ठाकरे यांच्या नेतृत्वाखालील महाविकास आघाडी सरकारमध्ये खडाजंगी उडाल्याची चर्चा आहे. राज्य सरकारने सभापती निवडीसाठी मंजुरी मागितली असता राज्यपालांनी मुख्यमंत्र्यांना पत्र लिहून ही निवडणूक प्रक्रिया घटनाबाह्य असल्याचे म्हटले आहे.
त्यावर महाविकास आघाडी सरकारचे म्हणणे आहे की, राज्यपालांना विधानसभेच्या कामकाजात आणि पद्धतीत हस्तक्षेप करण्याचा अधिकार नाही. राज्यपालांना पत्र लिहून मुख्यमंत्र्यांनी या कोंडीत पडू नका, असे स्पष्टपणे सांगितले आहे. मात्र मुख्यमंत्र्यांच्या पत्राला राज्यपालांनी प्रतिसाद दिला नाही. आता विधानसभेच्या अध्यक्षपदाची निवडणूक मंगळवारी होणार की नाही, असा प्रश्न निर्माण झाला आहे. राज्यपालांच्या संमतीशिवाय विधानसभा अध्यक्षांची निवड होणार का? काँग्रेस राज्यपालांच्या संमतीशिवाय निवडणुका घेण्याच्या मन:स्थितीत आहे. मात्र महाविकास आघाडीत याबाबत एकमत नाही. संबंधित विषयावर चर्चा करण्यासाठी बोलावलेल्या बैठकीला अनेक ज्येष्ठ नेते अनुपस्थित होते. अशा स्थितीत महाराष्ट्रात घटनात्मक पेच निर्माण होण्याची शक्यता आहे.
आजच्या घडामोडींकडे लक्ष
राज्यपालांनी विधानसभा अध्यक्ष निवडीच्या प्रक्रियेवर प्रश्नचिन्ह उपस्थित केले आहे. मात्र निवडणूक रद्द करण्याचे कोणतेही आदेश दिलेले नाहीत. आता अशा दोन गोष्टी घडू शकतात. एक, राज्यपालांचे आक्षेप लक्षात घेऊन एकतर विधानसभा अध्यक्षाची निवडणूक पुढे ढकलण्यात यावी किंवा सरकारने त्या आक्षेपांवर सुधारणा करण्यासाठी पावले उचलून राज्यपालांचे मन वळवावे. दोन, संघर्षाचा मार्ग निवडून राज्यपालांच्या संमतीशिवाय निवडणुका घ्याव्यात. असे झाल्यास घटनात्मक पेच निर्माण होईल. भाजपने न्यायालयात जाण्याची सर्व तयारी केली आहे.
राज्यपालांचा नेमका आक्षेप कोणता?
परंपरेने विधानसभा अध्यक्षांची निवडणूक गुप्त मतदान पद्धतीने केली जाते. मात्र महाविकास आघाडीच्या नेत्यांनी नियमात काही बदल करून आवाजी मतदानाने निवडणूक घेण्याचा निर्णय घेतला आहे. म्हणजेच यावेळी निवडणूक खुली होणार असून कोणत्या आमदाराने कोणाच्या बाजूने मतदान केले हे स्पष्ट होणार आहे. येथेच मेख आहे. गुप्त मतदानाची परंपरा खंडित होत असल्याने आवाजी मतदान करणे घटनात्मक नाही, असे राज्यपालांचे मत आहे.
मात्र, इतर राज्यांतही असे घडल्याचे महाविकास आघाडीच्या नेत्यांचे मत आहे. लोकसभेतही झाले. ते तिथे असू शकत असेल तर इथे का नाही? यासोबतच राज्यपालांना विधानसभेच्या कामकाजात ढवळाढवळ करण्याचा अधिकार नाही, असा युक्तिवादही महाविकास आघाडीच्या नेत्यांनी केला आहे. तूर्तास राज्यपाल विरुद्ध ठाकरे सरकार असा हा संघर्ष आणखी किती काळ राहतो याकडे राज्याच्या जनतेचे लक्ष लागून आहे.
Maharashtra Assembly Speaker Election Dispute Between Governor Koshyari Vs Thackeray Govt
महत्त्वाच्या बातम्या
- पिंपरी : उद्या चिंचवड गावात येणार राज्यपाल केश्यारी
- मधुबन में राधिका नाचे गाण्यावर बोल्ड स्टेप्स, सनी लियोनीच्या अटकेची मागणी, सलमानवरही कारवाईचा आग्रह
- नितीन गडकरी म्हणाले, फुकट दिले तर लोकांना हरामाचा माल वाटतो
- UNSC : 2022-भारत भूषवणार UNSC दहशतवाद विरोधी समितीचे अध्‍यक्षपद; दुसऱ्यांदा जबाबदारी
- लाईफ स्किल्स : सध्याच्या स्पर्धेत स्वतःच्या व्यक्तीमत्वाला द्या असा आकार
- मनी मॅटर्स : आर्थिक फसवणुकीला तसेच सायबर गुन्ह्यांना बळी पडू नका
- शिवसेना- राष्ट्रवादीमधील संघर्ष झाला हिंसक, एकनाथ खडसे यांच्या कन्या रोहिणी यांच्या वाहनावर हल्ला