राष्ट्रपती रामनाथ कोविंद यांनी सोमवारी महाराष्ट्रातील मेजर महेशकुमार भुरे यांना शौर्य चक्र वीरता पुरस्काराने सन्मानित केले. मेजर भुरे यांनी सहा दहशतवादी कमांडर ठार करण्याच्या मोहिमेचे नेतृत्व केले होते. तीन वर्षांपूर्वी या मोहिमेदरम्यान मेजर भुरे हे भारतीय लष्कराचे कॅप्टन होते. राष्ट्रपती भवनात झालेल्या डिफेन्स डेकोरेशन सोहळ्यात त्यांना हे पदक प्रदान करण्यात आले. Gallantry Awards 2021 Maharashtra Major Mahesh Bhure got Shaurya Chakra, led the operation to kill 6 terrorist commanders
वृत्तसंस्था
नवी दिल्ली : राष्ट्रपती रामनाथ कोविंद यांनी सोमवारी महाराष्ट्रातील मेजर महेशकुमार भुरे यांना शौर्य चक्र वीरता पुरस्काराने सन्मानित केले. मेजर भुरे यांनी सहा दहशतवादी कमांडर ठार करण्याच्या मोहिमेचे नेतृत्व केले होते. तीन वर्षांपूर्वी या मोहिमेदरम्यान मेजर भुरे हे भारतीय लष्कराचे कॅप्टन होते. राष्ट्रपती भवनात झालेल्या डिफेन्स डेकोरेशन सोहळ्यात त्यांना हे पदक प्रदान करण्यात आले.
दहशतवाद्यांचा केला खात्मा
शौर्य चक्र प्रदान करताना त्यांच्याबद्दल असे म्हटले गेले की, “कॅप्टन महेशकुमार भुरे यांनी 25 नोव्हेंबर 2018 रोजी जम्मू आणि काश्मीरमध्ये एका पथकाचे नेतृत्व केले. यादरम्यान त्यांनी मोहिमेचे नेतृत्व केले आणि योजना आखली, ज्यामध्ये सहा टॉप दहशतवादी कमांडर मारले गेले.” त्यांचे शौर्य चक्र उद्धरणात म्हणण्यात आले की, “कॅप्टन महेशकुमार भुरे यांनी अचानक लक्ष्यित घराला वेढा घातला आणि दहशतवाद्यांना पकडले. दहशतवाद्यांनी ग्रेनेड फेकून आणि सतत गोळीबार करून वेढा तोडण्याचा प्रयत्न केला. अधिकाऱ्यांनी जवळून अचूक गोळ्या झाडून प्रत्युत्तर दिले, ज्यात एक दहशतवादी मारला गेला आणि इतर अतिरेक्यांनी माघार घेतली.
उस्मानाबादचे सुपुत्र
मेजर भुरे (३०) हे मूळचे महाराष्ट्रातील उस्मानाबाद जिल्ह्यातील आहेत. त्यांनी पुणे विद्यापीठातून इलेक्ट्रिकल इंजिनीअरिंगमध्ये पदवी संपादन केली. 2014 मध्ये ते सैन्यात दाखल झाले. या मोहिमेत मेजर भुरे यांचे साथीदार असलेले लान्स नाईक नझीर अहमद वाणी यांना गेल्या वर्षी मरणोत्तर अशोक चक्र प्रदान करण्यात आले होते.
साथीदाराचा वाचवला जीव
चकमकीत जखमी झालेल्या आपल्या साथीदाराला पाहून कॅप्टन भुरे यांनी स्वत: धोका पत्करून त्याला आगीतून बाहेर काढले. त्यानंतर त्यांनी जोरदार गोळीबार करत आणखी एका दहशतवाद्याला ठार केले. “कॅप्टन महेशकुमार भुरे यांनी अत्यंत आव्हानात्मक परिस्थितीत अनुकरणीय नेतृत्व आणि अतुलनीय धैर्य दाखवले,” असेही यावेळी सांगण्यात आले.
Gallantry Awards 2021 Maharashtra Major Mahesh Bhure got Shaurya Chakra, led the operation to kill 6 terrorist commanders
महत्त्वाच्या बातम्या
- तालिबानचे महिलांवरील निर्बंध आणखी कडक, टीव्ही चॅनल्सना महिला कलाकारांच्या कार्यक्रमांना बंदी, महिला अँकर्सना हिजाब सक्तीचा
- अनिल परब यांनी घेतली शरद पवारांची भेट ; ‘ या ‘ मुद्द्यांवर झाली चर्चा
- Param Bir Singh : परमबीर सिंह यांच्या अटकेस स्थगिती ; ते भारतातच; त्यांच्या जीवाला मुंबईत धोका म्हणून महाराष्ट्राबाहेर
- मोठी बातमी : लस घेणाऱ्यांना मिळणार बक्षीस, कोरोना लसीकरणाला चालना देण्यासाठी सरकारचा ‘लकी ड्रॉ’ धोरणावर विचार सुरू
- संजय राऊत यांचा भाजपला सवाल : अमरावती, नांदेड, मालेगाव हिंसाचारावर भाजपने आक्रमक होण्याचा अर्थ काय? तुम्हाला पुन्हा दंगल भडकवायची आहे का?