NCP Leader Anil Deshmukh : अंमलबजावणी संचालनालय आज पुन्हा एकदा महाराष्ट्राचे माजी गृहमंत्री अनिल देशमुख यांच्या तीन ठिकाणांवर छापे टाकत आहे. मनी लाँडरिंगच्या आरोपांनी वेढलेल्या अनिल देशमुख यांच्या नागपूरच्या तीन ठिकाणी ईडीचे पथक सकाळपासून शोधमोहीम राबवत आहे. विशेष म्हणजे अनिल देशमुखे यांनीही ईडीचे चौथे समन्स नाकारले आहेत, सर्वोच्च न्यायालयात याचिका दाखल करून दिलासा मिळेल अशी त्यांना आशा आहे. ED Raids On Three Locations Related To NCP Leader Anil Deshmukh in Money Laundering Case
विशेष प्रतिनिधी
नागपूर : अंमलबजावणी संचालनालय आज पुन्हा एकदा महाराष्ट्राचे माजी गृहमंत्री अनिल देशमुख यांच्या तीन ठिकाणांवर छापे टाकत आहे. मनी लाँडरिंगच्या आरोपांनी वेढलेल्या अनिल देशमुख यांच्या नागपूरच्या तीन ठिकाणी ईडीचे पथक सकाळपासून शोधमोहीम राबवत आहे. विशेष म्हणजे अनिल देशमुखे यांनीही ईडीचे चौथे समन्स नाकारले आहेत, सर्वोच्च न्यायालयात याचिका दाखल करून दिलासा मिळेल अशी त्यांना आशा आहे.
ईडीच्या समन्सकडे अनिल देशमुखांचे सातत्याने दुर्लक्ष
मनी लाँडरिंगप्रकरणी अनिल देशमुख सोमवारी चौथ्यांदा अंमलबजावणी संचालनालयासमोर (ईडी) हजर झाले नाहीत. देशमुख यांनी त्यांचे वकील इंद्रपाल सिंह यांच्यामार्फत ईडीला दोन पानांचे पत्र पाठवून आपण आपला प्रतिनिधी पाठवत असल्याचे सांगितले.
हे लक्षात घेण्यासारखे आहे की, ईडीने यापूर्वी देशमुख यांना मनी लाँडरिंग प्रकरणात चौकशीसाठी तीन वेळा बोलावले होते, परंतु ते हजर झाले नाहीत. ईडीने शुक्रवारी राष्ट्रवादी काँग्रेसचे नेते अनिल देशमुख आणि त्यांचा मुलगा हृषिकेश देशमुख यांना सोमवारी दक्षिण मुंबईतील चौकशी एजन्सीच्या कार्यालयात हजर राहण्यासाठी नवीन समन्स जारी केले, परंतु ते हजर झाले नाहीत.
सूत्रांनी यापूर्वी सांगितले होते की, ईडीने अनिल देशमुख यांना मनी लाँड्रिंग प्रतिबंधक कायद्याच्या (पीएमएलए) तरतुदींनुसार समन्स बजावले होते, कारण एजन्सीला या प्रकरणात त्यांचे जबाब नोंदवायचे होते.
देशमुख यांनी सर्व आरोप फेटाळले होते
मुंबई उच्च न्यायालयाच्या आदेशानंतर केंद्रीय अन्वेषण ब्युरोने (सीबीआय) या प्रकरणी प्राथमिक चौकशी सुरू केली, त्यानंतर ईडीने देशमुख आणि इतरांविरोधात गुन्हा दाखल केला. मुंबईचे माजी पोलीस आयुक्त परमबीर सिंह यांनी अनिल देशमुख यांच्यावर लावलेल्या लाचखोरीच्या आरोपांची चौकशी सीबीआयला करण्यास कोर्टाने सांगितले होते. एप्रिल महिन्यात गृहमंत्रिपदाचा राजीनामा देणाऱ्या देशमुख यांनी सर्व आरोप फेटाळले होते.
ED Raids On Three Locations Related To NCP Leader Anil Deshmukh in Money Laundering Case
महत्त्वाच्या बातम्या
- RBI Monetary Policy : आरबीआयच्या व्याजदरात कोणताही बदल नाही, जीडीपी वाढीचा दर 9.5 टक्के
- Tokyo Olympics : भारताला गोल्फमध्ये गोल्ड मिळण्याची आशा, असे झाल्यास अदिती अशोक करणार सुवर्णपदकाची कमाई
- US green card : या वर्षी एक लाख यूएस ग्रीन कार्ड नाकारण्याची शक्यता, भारतीय प्रोफेशनल्समध्ये नाराजी
- Digital India : तब्बल ८२ कोटी भारतीयांकडून इंटरनेटचा वापर; १,५७,३८३ ग्रामपंचायतींमध्ये हायस्पीड ब्रॉडबँड
- पंतप्रधान मोदींची महत्त्वाची घोषणा, राजीव गांधी खेल रत्न पुरस्काराचे नाव बदलून आता असेल मेजर ध्यानचंद खेल रत्न पुरस्कार