प्रतिनिधी
मुंबई : देशाच्या स्वातंत्र्याच्या अमृत महोत्सवानिमित्त राज्यातील ७५ वर्षांवरील ज्येष्ठ नागरिकांना एसटी बसमधून मोफत प्रवास योजनेचा लाभ सुमारे १५ लाख ज्येष्ठ नागरिकांना होणार असून, एसटीच्या शिवनेरीसह सर्व सेवांसाठी ही योजना लागू असेल, असे मुख्यमंत्री एकनाथ शिंदे यांनी गुरुवारी सांगितले.15 lakh senior citizens of Maharashtra will get the benefit of free ST travel!!
विधिमंडळाच्या समिती कक्षात ७५ वर्षांवरील ज्येष्ठ नागरिकांना मोफत प्रवास योजनेसाठी प्रमाणपत्रांचे वितरण आणि योजनेचा शुभारंभ गुरुवारी मुख्यमंत्री शिंदे, उपमुख्यमंत्री देवेंद्र फडणवीस यांच्या हस्ते झाले. त्यावेळी ते बोलत होते. आनंदी गुरव, रमेश खाडे, विजय औंधे, बाबाजी चिपळूणकर, चंद्रमोहन परब यांना प्रातिनिधिक स्वरूपात मोफत प्रवास सवलत प्रमाणपत्रांचे वितरण करण्यात आले.
राज्य परिवहन महामंडळात ज्येष्ठ नागरिकांची ३४ लाख ८८ हजार स्मार्ट कार्डची नोंदणी झालेली आहे. त्यापैकी ७५ वर्षांवरील ज्येष्ठ नागरिकांची संख्या १४ लाख ६९ हजार आहे. सध्या राज्यात ६५ वर्षांवरील ज्येष्ठ नागरिकांना एसटी बसेस मधून प्रवासासाठी ५० % सवलत दिली जाते. या योजनेअंतर्गत ७५ वर्षांवरील ज्येष्ठ नागरिकांना बसमधून प्रवासादरम्यान वाहक शून्य मूल्य वर्ग तिकीट देतील. विशेष म्हणजे मोफत प्रवासाची ही सवलत एसटीच्या सर्व सेवांसोबतच शिवनेरी बस सेवेसाठी देखील लागू असणार आहे, असे व्यवस्थापकीय संचालक शेखर चन्ने यांनी सांगितले.
सवलत योजनेची वैशिष्ट्ये
वातानुकुलित, शयनयानसह सर्व सेवा प्रकारांमध्ये ही सवलत उपलब्ध आहे. ६५ वर्षांवरील ज्येष्ठ नागरिकांना राज्य परिवहन महामंडळाच्या बससेवांमध्ये ५० % सवलत मिळत आहे. आता वातानुकुलीत, शयनयान आणि शिवनेरी या उच्चश्रेणी सेवांनाही ही सवलत लागू होणार आहे.
७५ वर्षांवरील ज्येष्ठ नागरिकांना बसमधून मोफत प्रवासासाठी आधारकार्ड, पॅनकार्ड, वाहन परवाना, पारपत्र, निवडणूक ओळखपत्र आणि केंद्र आणि राज्य शासनातर्फे निर्गमित केलेले ओळखपत्र यापैकी कुठलेही एक ओळखपत्र वाहकाला दाखविल्यास शून्य मूल्य वर्गाचे तिकीट देऊन मोफत प्रवास करता येईल.
15 lakh senior citizens of Maharashtra will get the benefit of free ST travel!!
महत्वाच्या बातम्या
- मोफत आश्वासनांच्या खटल्यात सुप्रीम कोर्टाचा केंद्राला सवाल, सर्वपक्षीय बैठक का बोलावत नाही?
- मुख्यमंत्र्यांचे शरसंधान : इंदिराजींच्या हाताची होती एकेकाळी किती वट, टोमणे सेनेबरोबर आता झाली पुरती फरपट!!
- एवढे “खोके” जर सगळ्यांकडे आहेत, तर ईडी – सीबीआयच्या नावाने का ओरडताहेत??
- समलिंगी विवाहाला मान्यता देण्याबाबत उच्च न्यायालयात सुनावणी, केंद्राचा लाइव्ह स्ट्रिमिंगला विरोध